琴日打完波，仲要成點幾兩點先瞓，今朝5:30就起左身啦
預6:30出，無計啦，我不嬲都將d野慢慢做，同埋起身用下電腦
所以咪早d起身lo，嘩，攰到呢~
7點WTS港鐵站等，斌話6:50出
我都覺得奇，平時佢應該6:30，最遲都6:45
原來佢遲左起身
燒雞話成身勁痛唔黎喎，但係又行到黎我地樓下俾返d地圖我地，完全唔似lo
妖，唔記得拎埋個袋俾佢
落到WTS join埋華年同KK岩岩好就上到尹sir坐緊果班
去到九龍塘又咁岩見到佳哥
本身柱柱慢過我地，但因為佢識路直接去左巴士總站等
我地就行左個圈先到，慢返過佢
尹sir真係勁好野，一開頭就話要改路
我串佢點知俾佳哥串返：e家邊個帶路呀
我咪收聲lo，哈，點知佳哥有後著：點解行呢邊既
尹sir：改左路嘛
佳哥：咁你又咁plan？
尹sir：……..
又岩喎，你要咁行但你又唔咁plan，多舊魚
第一段
開始上(廢話)
原來度錯，所以我地行得快都趕唔切plan果個時間到
第二段
係咁上，喪上
又俾我地追得返d時間喎
第三段
好好多，尾段仲係咁跑，早左半粒鐘到
不過個亭太好坐，我搵左好多機會想講開始行
不過繼續傾，我望住時間夠鐘
點知尹sir話好坐，佳哥就話係lo，好坐喎，坐多陣啦咁
又繼續傾旅團d野
第四段
終於開始行，不過就休息左成粒鐘@_@
好多分叉路呀我帶呢段
一轉右，中招，fake人既，水閘間屋仔黎既
繼續行，明明話四叉位，我極其最睇到三叉，但又俾我行得岩
帶帶下佳哥上左黎帶，很好呀~
第五段
plan果條路超隱蔽，華年帶，不過佳哥探路先
之後起行，根本都唔係路，一個草原搞到：路係人行出黎
開頭都幾好，無乜所謂，不過行到去中間d泥就濕啦
原來行左去條乾乾地溪到，而且又唔夠水，係果到曬都幾係野，熱到pk
最後原路折返，plan果第二條路
行一行果段真係晒左超多力
轉第二條路仲爽
係咁落d急斜，仲要勁高，都唔知要行幾耐
又咁岩有條樓梯直路去同一位置，就行左樓梯
仲衰，d梯級斜落，條斜路如果你唔小心速度快d想停都幾難，之後就飛落山88~
落到底之後仲要行返去大浦市中心
個"失頭哥"陰陰痛呀
食個lunch，不過已經成2:30，肚餓到飽，不過飲左枝汽水真係爽死
d胃氣頂住左又出唔到黎，搞到有種飽既感覺，食唔落飯
等左好耐，出到黎啦，勁大聲同好長，爽晒，食野XD
本身話行完山仲要踩單車，兩項鐵人，不過都係算數啦XD
馬拉松d錢終於有得拎返啦，$420，正
坐車出彩虹，本身應該係瞓覺最好時機，點知係咁出汗，果部冷氣巴黎
好在尹sir跟我地落車，如果唔係咁樣返屋企真係爽上爽啦
$420，仲要買camp bag
今個月仲好似用凸左添，唉~
今日數學堂返2點，我就2點先出門口
諗住3點前返到去拍卡都計我有出席就算啦
點知破左記錄，2:33就去到課室
點解咁神奇既？2點鐘港鐵d車慢到喊都可以破記錄
一返到就問小新同馬友拎PSP，同奶強挑winning
呀sir靜左，望一望呀sir，佢望住我，我唔理佢，繼續
我真係唔需要理佢既，佢可以點姐，我又無嘈佢，又無阻住佢
佢就keep住望住我成分幾兩分鐘，我d fd都同我講話佢望住我
我知呀，我特登唔理佢，繼續傾
哈，佢咪又mark低lo，mark乜野丫，同班主任傾又點姐，見家長咩？
黎得IVE就hea好多嫁啦，拎中學果套黎對付我，晒氣啦
奶強條友仔無啦啦神左，玩3鋪，贏我2鋪、和1鋪
我3鋪禁住佢黎攻，狂去到佢龍門口混戰都唔入，無野講
第一鋪2:2輕機和波收場
第二鋪2:3
第三鋪1:3@_@
終於都派返份測驗卷啦，都預左唔高分，但無諗過唔合格
38分，個仆街呀sir，無括號扣我4分，本身咪合格lo
你地話佢咁樣我邊有面可以俾佢姐
其他堂d呀sir我都無對佢地咁衰既，係數學呀sir我先同佢鬥
之後上BIS，呀sir有呀sir教，我有我係到行黎行去
邊個叫部printer呀係無紙就jam紙
個個印野交功課@_@不過全部都係我隻手指到開出黎
d人就開始越黎越唔俾面，走下一個，走下又一個
馬友話要灣岸，拉左小新同馬嬲仔走，好彩我定力夠~
落堂果陣都唔知有無半班係到XD
開頭諗住搭111，但係決定搭船
去到碼頭，d人排到閘都未入
不過睇真d，原來係上層滿左，d人塞左係近入閘位果到個落下層入口到先會睇落咁多人
去到尖咀望一望電話，用左半粒鐘由學校黎尖咀，唔怪得返屋企要粒半鐘啦
搭9號返彩天，因為今晚有波打
唔敢去坪石啦XD上左順利個場到
魚鱗金句：你上望搵下啦，今晚send俾你
又要人搵但又send俾人@_@
成哥無啦啦叫人玩鼠標同LG顯示屏，心諗：做乜_呀
最後走過陣，panada先黎，好啦，我地走啦XD
因為我地特登同miss講左琴日放學測英文
所以今日堂英文唔洗上，本身諗住走左堂Network
點知今日Network測驗，點都要返
仲要用$20來回，但只係測1粒鐘@_@
測驗就一定準時嫁啦，不過準得制，早左半粒鐘
無無聊聊走去執locker，將班locker d notes執返去私人locker
留低d上堂要交既功課係班locker，因為易拎d
夠鐘就返去，睇左少少notes就入去lu
今日係帶得最多文具上堂既一日
平時連筆都唔帶，今日連計數機都帶埋，又俾我估中有用喎，哈哈~
望住份卷又唔係好難姐，頭10條mc，得一條唔肯定
根據呢幾日，我一考慮同選擇左第二樣既時候，往往就會有d唔好野
呢樣就係我近排發現到既，所以我條mc就選擇左一望落去第一個認為係答案既
考完就去天樂城，玩左$10
1打3超爽，俾人係咁夾，咁我就可以明正言順咁夾死人啦
最慘係咁都俾我拎到個第二XD
之後行去搭船，見到有103不過無搭，因為我話左要搭船就唔可以考慮搭巴士
如果唔係就同琴日一樣，出事家嘛，琴日就巴士雪房，今日就怕怕啦
搖呀搖，坐船既感覺真係好，之後轉巴士，總站坐到總站
因為瞓著左，到站果陣，我無啦啦醒左，但已經閂緊門@_@
朝早返學唔洗講就梗係又例排遲半粒鐘啦
終於俾呀sir話我：做咩你成日都遲到嫁，住得好遠嫁？住邊呀？
我：黃大仙
佢：黃大仙咁近都遲到
我：………(心諗：黃大仙都叫近，好啦)越近就越遲得多嘛
即刻做lab，易做，不過未瞓醒，瞓得4粒鐘，對我一定唔夠
諗野諗得超慢，係呢個狀況下寫program有error果下真係發癲，個腦都load唔到去debug
今次唔洗我收功課，好彩姐
上NB果陣調返轉係比比叫我落去食野
馬友頭痛，買左盒止痛丸黎食，你食林丸_好過啦XD
做個lab，同Game marker一樣，跟住張紙黎做超易做
不過我就神手整左個神bug出黎，個error係完全唔合理同唔會發生既
連呀sir都投降，叫我就咁交左佢算
食完德成就去天樂城，比比、奶強、馬友返學校練口試
我就諗：一陣有CF，果陣慢慢練都得啦
所以就同馬嬲仔、朗尼、小新去左天記
去到見到pc9，基本上我地人人都夾
有時就放人走，見到pc9就夾勁d
我諗係板神果鋪最尾我夾到佢high high，之後名古屋仲撞到佢彈起，C1就夾去食角
同埋同佢一齊送死玩貨櫃
搞到佢放棄，開頭係咁撞馬嬲仔同朗尼，我就走呀走，三百幾米，最後衰收尾俾朗尼拎左第一
之後有個呀叔黎到，pc9話俾人打team，1打3左好耐
但其實係佢9夾人先，我先9夾佢，贏輸係果陣對我唔重要，重要係夾死敵人放走自己友
都係我1打佢1姐
上CF有quiz又有test，兩樣做晒就睇左陣口試d notes
之後上圖書館借左間房，成班人一齊練
練完落去，咁岩miss又到，提早考，正
都唔算難，不過馬嬲仔就講到甩甩咳咳咁
smking同小新果組講得超好
完左本身諗住坐船，點知經過巴士站有車，咁咪搭lo
點知得最後有位，一坐低就知中招，瞓呀瞓，去到中途已經凍醒左瞓唔到，唉
早知就唔決絕d，話坐船就坐船啦，見103塞車可以瞓多陣，太貪啦
好似發現左繼上次烏鴉口後有種類似能力XD
勁攰，瞓得幾好既時候先有尹sir既sms
再有尹sir打黎，叫我出去同Tommy食飯
好lo，拿拿林趕出去食，又話等埋我先食喎，呃人
一叫黑椒牛扒飯，尹sir就話d黑椒唔好食
但係我又未試過，估都係差少少姐
點知黎到，嘩，黑椒汁黎嫁？酸既？！
Tommy好狗咁講左句：點解你食得落既，咁又係，你咩扒都食得落
之後佢連自己返幾點都唔知，15分都未到就話要返去，約左人呀？
本來星期二例排尹sir請，不過今日唔算陪佢食，算數
不過呢，Tommy著校服俾$18，蛇怪$26，尹sir$25，膠才$28，我無校服但$18
食完就先落旺角間世界買地圖袋，之後去旺電幫肥亨買手掣
再去佐敦買地圖同上總會拎章
原來我引象中去旺角買地圖同尹sir所講既佐敦買地圖，位置係一樣
因為係油麻地，差唔多到旺角
最後終於起行去肥亨屋企，肥亨原來話要買兩個掣
蛇怪講左句：點解你壞左1個手掣但要買2個手掣既？
之後玩埋ps2，蛇怪又爆左句：原來肥亨屋企d手掣全部都有問題
係電腦到玩pes2009，比psp難玩左
俾肥亨屈左2:1
之後同膠才玩，1:1之後手掣hang左要重開game
再開波超快俾佢2:0，但又hang手掣
再再開波，1:0轉蛇怪同我挑
下半場俾我入返球，打加時，蛇怪一話：唔想十二碼
我即刻入多球
佢轉隊再黎多鋪，又係1:1，射12碼，我贏
第三鋪，set 5分鐘，1:1入加時，我入多球
肥亨問蛇怪：洗唔洗幫你追返呀？算啦，廢是又12碼
無耐就變左3:1
蛇怪係咁俾我同膠才串，唔好咁傷心，下次練勁d啦XD
返到屋企食完飯沖埋涼拿拿林同風間整，勁爆眼瞓，所以少少野都整左好耐
因為個腦諗野超慢
24日
勁早就起身，淨食麵包，難食到爆，所以食得超慢
呀媽又係到嘈，因為遲到，不過有人仲遲
我地係2車，上車之後當然就係瞓覺啦
過關都尚算快
之後高速轉高速轉高速轉高速，到左就食午餐
又話中圖移動全程覆蓋，但我全程都收唔到
食食下d師奶就開始講餐飯點差
又話d野食成本超平，成餐飯好差
快過1車好多，我地食完等左陣佢地先到
因為1車細d，佢地有2個人無位坐，點頂果幾粒鐘嫁@o@
所以我地要交換車坐，問題黎啦
1車個司機岩岩先到，未食飯，但我地走得
坐我同斌隔離果個麻煩婆就開始發爛
講左句：要我地第幾耐呀，你唔揸我黎揸呀
我心諗，你識揸咩，識點去咩？
就係咁，我地變左係1車
再等多陣之後司機黎啦，我地去第一站：南華寺
有得飲泉水，d師奶當然唔執輸啦，拎晒樽黎裝
係一個地方(唔識形容)有隻雞仔同隻大雞
d大陸人真係好賤，拎煙頭黎掉雞仔
明知人地影相，係都要行過，完全唔理人
影相既地方又唔排隊，佢影晒就得
去完南華寺今日行程就完啦，去食晚飯，晚餐d野食好d
食完就去酒店，正~個廁所好正~
hea左，呀媽佢地成班師奶話落去行
同佢地無咩好行，等埋斌個二家姐&細姨先
睇左陣笑笑小電影，斌個二家姐就落得
一齊行行行，最後買左d零食、汽水同啤酒就返去
沖個涼邊食零食就邊睇鐵血戰士續集，睇完就瞓
因為收唔到既關系，電話極速無晒電
25日
斌起身先，佢去沖涼，嘈醒左我
等佢沖埋涼再等埋佢個二家姐&細姨就落去食早餐
無咩好食，食左d腸粉、河粉、皮蛋瘦肉粥同西瓜
之後返上房拎返d野就上車開始第二日既行程
開頭我以為行山，點知行左無耐就話行完
個導遊–張仔話：大家可以係到影相，之後原路返去
途中劉太講左句：上黎睇何B仔呀
我都唔知佢講乜，上到去，終於明
這個叫陽元石，無錯，就係因為似，所以叫陽，有陽必有陰，遲d再講
原路落返去上返車，食個午餐，又好d
之後上返車，導遊話可坐纜車亦可行上去
最後導遊話唔想我地行，因為佢唔會負責
不過我地行果班都有十個以上
呀媽就係咁叫我行，我就叫佢行先，實追到佢
我、斌、佢二姐、佢細姨一齊係後面喪影相，之後就跑呀跑，上到去又唔攰
最好笑係我地快過佢地坐纜車
上到山頂又影，呀媽佢地又行先，我地係到玩貓仔
之後又跑落去，去到一段d樓梯勁細，d婆婆行得慢就好正常
我地就影相同坐，等佢地落晒去，我地又沖落去，結果咪俾呀媽鬧lo
分叉路，兩段路勁短，會匯合返，左邊睇落易行，右邊激d
呀媽又唔聽講，行左邊，行左無耐，d樓梯仲激過右邊，哼
落左山之後等埋坐纜車果d就可以去睇陰元石
有d唔行就係下面等，行行行，跑跑跑，跳跳跳
有講有笑，劉太真係超好笑
行左40分鐘到左
「車~行左咁耐就係睇個咁既野」
「嘩，又真係幾似喎」出至劉太
相機無電，暫時無相睇，等我問斌拎返就再edit過
之後坐船出返去
有d就話行咁遠早知唔去啦，導遊係行之前講得清清楚楚嫁
又上返車就去食晚飯，很好
我同斌行樓梯上"3″樓，上到"3″樓之後有人話旅行團落3樓
原來地下都計1樓，落返去果陣張仔好驚訝咁望住我地
因為佢係1樓望住我地向上行，係3樓就望住我地落XD
越食就越熱，最後發現無開冷氣，算，反正食完，上返車返酒店
之後又落去行，幾好幾好，入左個無客既商場
我都話走，但無人理，仲話要上，一上到去全部sells望住我地
我地就急急腳落返去，水魚走左呀XD
之後上返酒店，沖完涼又食零食睇奪面雙雄，睇完就瞓覺覺
26日
超早起身，執野走人落去食早餐，同琴日d野食一樣
食完就讓位，hea左一大陣就上車，第三日行程開始
睇靈芝，有靈芝飲(靈芝粉沖水飲)
呀媽又話唔買野，最後又買左包茹
之後就去飲蜜糖，跟住就北回歸線公園
無咩好睇，正面又背光影唔到，主要係去個廁所，因為長途車又黎啦
坐車去……好似係"松下"，途中有得參觀廁所，這是張仔搞的gag
食完lunch就去參觀火龍果園，差d以為唔見相機，原來留左係車到
又話有金火龍果睇，張仔都忍唔住：早知我係超市到買俾你地啦，仲以為真係有金火龍果
呀媽成日都係咁，人買佢又買，我話左唔要火龍果汁，佢又買左
之後就超長途車，又高速高速高速，停左係尾段到，因為唔識路
最後去到2車已經食到一半，lunch又係咁，2車個司機開得快
我地個司機就成日唔識路，要張仔一路講說一路教路，真係教路啦
食完就飛去黃崗口岸過關，2車個司機係就係好快到左黃崗，不過醒過頭入錯線
入左條勁塞既，我地個司機就醒，排左陣隊，未入去之前轉線走人
搞到最後我地等左成粒半鐘，張仔又唔舒服，係樹下好無奈咁等
最後交返枝旗俾李玲鳳(香港領隊)，張仔望都無望過去，交左之後就趕住走
好慘好可憐呀佢
個麻煩婆終於講返句好岩聽同好中point既野
佢話：係香港就要我地車佢，去到廣東就唔要我地去左第二架車，e家又要我地等佢車返佢，點解我地要等佢先
不過最後見到人地又咪唔敢講
梁伯係我地最悶既時候係咁搞笑
過關果到排晒長龍，不過好快過到關，算好彩
返到去都成11點lu
24日至26日去左廣東玩
今日返黎，勁眼瞓，遲d先up相同打blog
講返琴日先，今日先醒起
琴日行緊去搭船果陣，有個人問我金紫荊廣場係邊
第一時間諗起再答：好似係會展果邊喎
佢應左我一句：係呀
當我印象再加深既時候醒起，想答佢果陣佢已經搵左個看更
個看更答佢：出左玻璃門轉左落樓梯……
我先醒起：屌，我咪係會展到lo@_@
今朝返學一出門口就有個呀姐問我借電話
成日搞gag講：果到咪有電話亭lo
我真係有衝動想咁答，不過諗諗下，佢黎私人屋苑，上埋樓，又拉住架車仔
點睇佢都走唔出我五指山，咪借俾佢lo，再唔係咪可以名正言順咁換電話lo
原來佢搵既人係同我媽勁熟住係隔離既婆婆
尚算做左件善事@_@
呢排樓下大堂裝修，超大塵，最慘個看更要坐出出面得張枱仔用，落雨都幾慘
返到學校，今日早左，遲22分~
數學呀sir真係好那煩，佢今堂又唔係教書，死都要我拎notes
好lo，拎lo，拎完，唔知點解我份notes成個sheet 6無左，即係拎黎都無用
佢又話要人做，落堂前會睇下我地做成點，計平時分
我都懶得理佢，成日針對我
佢正係認得我地幾個，我地無做佢就mark低
其他唔認得既，無做就不了了之
同埋平時分你計得幾多呀，我一個測驗都多過佢啦，你咪扣飽佢lo
我今日就特登帶psp返黎，平時我都無帶既，係借人嫁姐
今日係唔帶唔得lo，兩堂都無料到
又唔教書，又叫我唔好打機，要玩出去玩，又話我晒時間
咁出去玩就唔晒時間？上你堂又唔教書就唔晒時間？
我呢d叫消磨時間！
之後上BIS，做lab sheet 7，極速submit左就開始做quiz
今日真係好彩，人人唔同題目，我果條超易………….搵答案
上網search就即有答案，全部照copy都唔過200字，吹脹
做完走得，實在太好，不過我都等左陣，等緊人覆我有無波打
不過最後都無人應，返歸算
又坐船船，平就平，不過用多左時間，誰說串金難買寸金難買寸光陰？
返到屋企先睇到尹sir話有波打，朝早問佢又唔應，係fb問左成粒鐘先應
算啦，唔去啦，不過我係msn見到d波友無offline，姐係無波打= =??
今日又例排遲半粒鐘返到去點名果陣Miss寫我14:30先返
但我14:08已經返左
我：我都唔係岩岩返
Miss：你唔洗呃我啦，你拍左卡加嘛
我：你咪check下lo，我呃你做乜姐
Miss：你唔需要呃我，check下咪知lo
Miss：拿，你睇下啦，遲左半粒鐘，我無話錯你啦
我：遲左半粒鐘之嘛，咁你又寫我14:30先返
Miss：你唔好理我寫果到啦，你拍左卡嘛
勁無奈lo，e家拍卡仲係測試緊，會拎人手點名作實，佢咁又屈左我成粒鐘
下次唔撚返，係架，我為出席率先返炸，佢教果d仲係小兒科野
之後比比又嘈住叫人走，走乜呀，成日叫人走，15:30去到油麻地都俾d中學生霸晒仲邊有得玩
走友真係無幫佢改錯名，上CF拍完卡就同輝爺走左lu
我同馬友落去買野食，馬友成日都唔聽我講野
係都要迫我上課室食，我已經話左唔要但又捉我上去
好啦，上到去啦，馬友終於後悔啦
課室係演講廳黎，一層層咁姐係話呀sir一定望到你個口，我睇你點食
麻麻煩煩，要人個頭低到人地張椅背先食，真係無啖好食
食完就同smking winning，開頭比比同佢玩先，輸左，正常~
之後用同一隊我同smking挑，勁多機會都唔知做乜，過左龍門空龍禁射掣無反應衝左出界@_@
不過最終就梗係我贏啦，比比同小新挑，我仲未贏到小新，但係小新就輸過比比比
今次都係比比贏，有無搞錯
下個禮拜CF堂借左俾NB做測驗，所以今日上兩粒鐘
比比終於走啦，不過走之前係都要捉人走，我同佢講：你走都係搵軍姐，又無野做，叫我地走做咩姐
之後佢就走左，但有工作紙做，不過超易做
本身諗住搭巴士，因為陪左佢地行去港鐵站，點知係天橋上面望住部巴士走
無奈，廢事等啦，行去搭船，轉巴士之後見到隔離車個司機開頭用倒後鏡set頭
之後頭同手伸出車出面望黎望去，之後隻手就係咁拍倒後鏡，好想人望佢咁
好啦，俾你實現到啦，我望晒你全程d膠野呀
坐船轉巴士係就係最平，不過需時好似耐左，我成7點先返到屋企，無等過車
朝早返去就想IP，返到去就已經係趕工時間
極速做完晒d lab之後就做homework
俾呀sir鬧我做得快，homework應該返屋企做
之後就要我星期五收功課拎俾佢，唔係就請全班食野@_@
之後上NB，極到無聊悶到嘔，馬友、比比就winning，我就種田
之後就開始趕lab，比比又話走堂
痴線，采佢有味，成日拉我走
食街市，我地個勢力又大左好多啦，食飯兩張大枱都坐唔晒
跟住就去天樂城打左陣，玩左$10
肥洋用R2，夾到佢high high，基本上係唔洗夾，輕輕撞一撞佢自己彈開
山路竟然俾我贏左，朗尼就柒開既，俾佢贏都要最尾自己拎黎柒
smking就自己撞左埋角到炮彈飛埋黎整死左我@_@
最尾一鋪俾肥洋部r32推開左，早知踩break啦
smking幫佢介板神鬼王，贏左~
返去就上砌機lu
一返到去做個模擬砌機，係網上到做
等我仲拿拿林做好諗住計分，點知原來呢個無set到計分
之後就跟返自己分果組去砌機，有我就無甩拖啦
最快之餘仲要比其他組插多樣野，audio果組線，散嫁佢果set
usb果part又係，我廢是插錯，特登收埋佢唔插
點知又俾呀sir睇到，佢仲教我：紅白綠黑
我插好晒仲俾佢睇黎，之後仲望住兩組線既排法一樣
之後先開機，usb無反應
之後入左windows，戲玉開始
smking問我：果d係煙定"陳"呀
我望到即刻想熄機
點知smking話：唔好理佢啦
我就聞下，無味，算啦，有佢XD
等多陣仲keep住有
呀sir試極都試唔到usb，之後就開始check d線
一隻手申入去，熱到彈開，之後再一野捉實d線一野拆晒
部機仲run緊無事果下好野XD
之後熄機，佢又無鬧，因為果set線有兩組，兩組一樣插法，但係得一組有事
問題未必係我地到既，不過再插多次無事果組去底板第二個port
發覺係全部usb都應唔到，哈哈
底板俾我整燒左，機箱usb線斷左set，mouse燒埋，過癮過癮，哈哈
搞掂左就幫其他組手，因為約左其他人打波，諗住拿拿林搞掂快d開始
無錯呀，我幫咁多組插usb set線都無事，同埋我果陣有double check，呀sir仲睇埋
唔關我事嫁，之後就打波lu
我、馬友、走友、輝爺、朗尼、小新、馬嬲仔、同一個我地班但今日先知有佢既存在
原來小新唔識打波，不過10球又有6球入@_@
馬友約人打波又係唔識打…高但又拎唔到波，個波明係俾佢又拎唔實
朗尼成日bum入去籃底不過唔入，d波成日直升機，直上直落
馬友最柒一下，將個波彈地係褲襠穿過，失敗正中下體，最慘連個保安都望到，仲係咁係到笑
之後仲企定定等佢柒多次
完左就走人，本身諗住坐船，點知行經又咁岩有103，所以都係搭巴士
原來走友識腸仔嫁，世界真是小小小，佢地玩魔獸識，走友係咁問我拎料