開心網誌

好悶呀…….悶左成日
話咁快就1月尾啦
話咁快就到新年啦
時間真係過得好快
不過我feel唔到新年既coming lo

朝早搭73小巴上慈雲山，等左陣簡到左
之後唔等尹sir行住先，點知佢開外掛
係我地前面個站落，快過我地…
跟住就慢慢爆上去獅子…丫唔係，係麒麟亭先岩
上到去吹左陣水佳哥就黎到，之後就等左超耐
班scout終於上黎啦，真係慢，又遲左粒鐘先出發
班細佬真係，已經俾佢地行先
我地用好慢既速度係幾分鐘追返
有幾個已經話唔掂，真係o晒咀，體育堂跑圈都唔只咁啦
之後用極爆慢既速度行，因為塞住左
去到回歸亭休息左一陣就同尹sir帶頭上山頂
行快左少少，不過後面有佳哥係咁push上去，所以都跟到
再休息，影相果陣有隻蝴蝶飛左黎我件衫到
之後影大合照果陣有隻蝴蝶追住我，頭頂又有隻，衫上面果隻仲未走
影完之後我講左佢：喂，影完啦，走未呀你
之後就飛走左，去左尹sir到，之後再影多張，一影完又飛走左lu~
跟住就開始落山，龜速落山
去到check point之後俾佢地行先超多，我地係咁吹水
跟住跑上去，最爽都係果刻啦，唔洗再就住就住，衝返陣先啦
尹sir跑先，之後斌大叫左野，簡生問佢叫乜
之後到我大叫，原來又係尹sir放伏，差d中
勁大舊石係路中間，跳起再縮起兩隻腳先避到，因為跑緊+跟車太貼
最後斷左路，係山坡到衝落去，不過佳哥同Venture負責做人鍊
係蘇屋解散之後賣甩佳哥就行左過去西九食明將
參與中伏人士有：我、斌、尹sir、簡生、德哥、教主
Round 1：8碟三文魚、8碟鰻魚、8碟八爪魚、8碟螺肉，同8碟唔記得咩黎
期間仲拎左30碟黎食，完左第一輪之後尹sir設伏
Round 2：8碟三文魚、8碟中華沙律、8碟鰻魚
勁灰lo，尹sir又唔食又要叫咁多
我都食左5碟三文魚，5碟鰻魚
最後食完之後，死人德哥岩岩食得落又唔幫手，自己又拎多幾碟黎食
最後尹sir分返佢個袋d野，斌哥就將枝水放入腰bag
意外中唔見左張八達通，不過最心痛係唔見左個八達通套@_@
我去禁錢，斌去報失，搞左好耐，又撞返教主同德哥
返到屋企超悶，難得腸仔約打波，點知又唔夠人取消左

今日尹sir放左超多伏lo，搞到勁多人中伏

Peoples終於幫我開返個GPRS服務啦，用多幾日先

琴日打去Peoples hotline，我話要取消$98 GPRS增值服務
之後佢叫我打去24小時客戶服務熱線到取消
OK，取消左，不過係GPRS流動數據服務取消左
$98 GPRS流動數據服務仲係到[sosad]
發現時已經係放工時間，咁咪email去跟機先lo
今日中午佢打黎同我confirm係截數日幫我stop
咁OK la，但再打黎問我洗唔洗開返GPRS流動數據服務
因為$98今個月未完，幫我開返用埋先唔好晒喎，係截數日一齊stop
咁我仲唔該佢仲心中讚佢服務好，點知到e家都仲未同我開返
佢又好野呀，你今日申請佢就今日計錢聽日同你開
你今日取消佢就10秒都唔洗即刻同你取消
等我仲讚佢添，算啦，仲有果10日上網我都預左唔用
開頭唔知佢cut要幾耐，一陣拖埋我下個月就真係死得，咪早cut日著lo
等差唔多到截數日就申請3，方便下年cut新台將舊號碼再轉3

見今日有兩粒鐘係LT21上
所以玩具是必備的
兩科都第一堂，每堂一粒鐘，總會用半粒幾鐘講廢話
肥洋早落堂，先過尖沙咀
不過我地仲有兩粒鐘program
開頭諗第一堂都係廢話多，要走就快啦
點知諗起兩粒鐘，點都有野教掛
唉，真係無野好講，條友講左兩粒鐘都唔覺佢係教書
開頭就問無聊野，之後就問我地上年既野，再問d上學期已教既野
之後問馬嬲仔：for loop係邊類呀？A定B
我見呀sir唔like就係都要搞事：A
好明顯係我答，因為我超大聲咁講，不過坐最後，馬嬲係我前面
之後呀sir再問：有無人同意呀？……有無人唔同意呀？
話明搞事我梗係唔放過，自己舉返手
點知呀sir：拿，你d同學都唔幫你啦，你後面果位唔同意
今鋪真係神又係我鬼又係我但係佢又唔發覺
個呀sir又麻麻煩煩果隻，郁d又要警告信，問答又雞蛋搵骨頭
你醒我都唔笨，你話要揸正黎做，學校電腦唔可以用黎打機睇片
第一次就請你出去，唔出or第二次就警告信
學校電腦嘛？我自己帶電腦！
學校網絡嘛？我自己出上網！
Program我唔係識晒，不過我有個底對我黎講唔易
更何況呢堂係做lab堂，書都未教做乜野姐
完左就同leo落尖咀，食個吉野家就開波
不過係金馬倫玩左鋪板神TA熱身
之後就轉場去碼頭，多人不過跟左陣就4部玩得
但我開頭板神TA快左呀，50.347
不過都好慢…..
今日狀態大勇，甚少撞同拎到好多鋪第一
可能真係rx8細部d掛
不過都唔夠肥洋贏得多lo，山路無得鬥
玩到5.30閃人，錢都未玩完，唔知點解今日咁耐玩既
搭1號閃人，今日太認真，好攰好眼瞓
係車到瞓，不過後面條pk係咁踢我張椅
最後一次啤到佢實一實佢先無再踢我

聽朝行山，又係獅子山，不過好耐無行山，熱身都要既
聽日我覺得會行得好辛苦，因為真係好耐無行
不過聽朝幾點邊到等都未傾@_@

又開學啦，第一堂就英文堂
唔知miss有無點名，不過我拍左卡，加上唔計出席率就唔理佢
分組話有project做，又要問卷又要訪問
問卷自己做都搞得掂，訪問咪搵人影合照姐
上完一堂就過188 hea左陣
睇黎下次真係要問個老闆拎個電話叫佢整左先，有排等
返到去3點，我仲要拎d神沙去買野飲
入晒d毫子，$7.1買$4.5汽水，找$2.5食左我一毫，真係毫俾你啦
返去上多半堂英文就去上OS&A
好在帶左部大玩具可以上網，如果唔係真係悶死
呀sir先開左45分鐘講佛計，之後先教書，果堂得一粒鐘
好，教書，不過……..
佢講d野我全部識既，我仲可以邊上網邊答佢問題
放左就去左機鋪hea左陣，睇比比介人隻鬼王
之後落左深水步，都係齋睇
見到有個唔係勁但串柒柒既人，仲有個無料扮四條，所以咪拎第四lo
走前黎左個堅勁既人

鬍鬆佬係facebook講話有45個人肥左BIS，咁咪死得？

聽日星期五，返朝早放下午，是灣岸團的好時間，不過無錢喎

越諗就越心郁，想快d上個3台黎玩
是關我話要用上網plan頂一頂我爆既分鐘
不過咁樣要搞到我俾多個月既上網月費
咁樣計兩計，上網送果1000分鐘計返我要俾兩個月既月費都係一樣姐

睇名偵探柯南hea到4點半
再睇寵物小精靈，比卡超終於有新招啦
之後再極之無聊咁睇埋Keroro
5.30出，係WTS岩岩好join尹sir班車
笑左上到車係咁搵，原來佢坐左係到
到灣仔再等埋笑面德哥
教主又話遲d黎，結果走補課，九成又賴童軍啦
佢就真係夠膽，中學我就唔夠，IVE我串老師都敢
被迫食KFC，Pizza Hut唔好咩？
上到港島地域爆晒，位都無得坐，企全場
佢講d野又悶，上年都聽過，仲估到晒佢會講d乜
而且通常唔聽去到做果陣再問就識啦
走前幫佢地改返個名就走人
搭103返歸

朝早去左見工，個個成套老西，超級異樣
in果陣佢一望就話：又係fd介紹嫁，邊個黎嫁
我：許X柱
佢：又係Kenneth呀，Kenneth咁多fd既
因為咁岩我聽到我前面in果個都係講許X柱
11點就無野做，返屋企hea，又超時空戰記

暫時片段：

WoW：

今朝睇返老友狗狗
睇睇下有個電話打去我手機
開頭諗住以為廣告，所以cut左線
無耐又再打黎喎，咁咪聽lo
佢：你好，我地…………..(聽唔清楚)
我：(心諗：標准廣告開場白)下？
佢：(無理我繼續講)之前收到你既…..話想見份libaray
我：係呀
好在佢再打黎姐，不過成兩個幾月，我都唔多記得要去standby for見工啦
早幾日我先諗返起想問柱柱點解咁耐仲未有回覆，點知今日就搵我lu
反正近排手緊~~
不過10點要過沙田果邊見

今日成日都係超時空戰記多
無乜野做，放假都幾悶，但返學又要洗錢
近排窮呀，仲要借左$500俾呀哥
我仲要計劃個開新號碼上台
跟住今個月又疑似爆分鐘
本身已經千五用到三月尾
仲要交埋團費，又要上course
$$$$$$$$$$$$$$$$$$$$$$
琴日整親隻手碗超痛lo
死人麒麟蛇怪