2010/02/08
朝早八點無啦啦俾樓下間小學嘈醒
係咁開mic講野，仲要大大聲
十點第二個小息，再次嘈醒，勁灰無得瞓
點半返去上三粒鐘既Project
原來由個人又轉返三人一組，Good~
上粒鐘就去食個麵，個老闆又請我地食糖
發現一間唔多受歡迎既熟食店，賣既野同價錢同我去開果間一樣
果間野隔兩個鋪有間無人看管既分店，有幾個雪櫃係到，不過未見過人買
而且仲將d貨放晒係我去開果間對面空鋪門口地下
通道已經窄，俾佢咁整只可以同時企兩個人
返去上堂，其實只係做lab，so easy，一早做完又唔俾人走
咁我地咪係到吹水lo，係咁啤住我地
啤咩姐啤，又唔教書又唔俾早走，lab都做完仲可以點姐
開始傾全人需要儲既活動時數用咩塞好
講左好耐，名都報埋，最後搵到個羽毛球，五個星期四10.30-12.30
Total計10個鐘，起碼呢個唔會悶先啦，拍都係學校提供
去呢個，其他唔去lu，按金都未俾，吹我唔脹，今個星期四開波
落左天樂城玩幾蚊，竟然玩得好好，眼瞓都玩得咁好