今日返15.30，早知就唔返啦
返到去呀sir話唔教書，俾時間我地做上次派果份lab
我心諗：我星期六做完再post埋上網俾人抄
今日又有時間做，咁我果日趕黎做咩？
半hea左粒半鐘之後就落去食野，呀sir提早放
再落港鐵站交補考費之後就搭601上尹sir屋企
上到去入佢房玩瘋狂賽車，之後聽到佢呀媽返黎
心諗：唔會又有口福掛，唔洗客氣啦
好在原來佢呀媽完全唔知我上左黎XDD
19.15落馬會幫尹sir六個合彩之後就搭車上順利
今次個場唔濕啦，不過都難逃受傷
開始斌粒小丸子受害兩次
之後我被盧仔人為擊中要害….
跟住又俾周宏B踢右腳，差d變藍斯呀[sosad]
『咬』腰令到我心口更痛
話說琴日無啦啦個心口好似拉親肌肉咁痛….
聽日仲要打羽毛波喎…..[sosad]
買左利記點知佢反輸1:0
好在仲有華倫西亞補返d貨
返10.30，cn堂，兩張證書到手
食個lunch第一次早到拍唔到卡
oop真係晒氣，用itouch玩大富翁
之後上osa，個呀sir屎忽到甩我上網線
跟住又俾一大份工作紙我地做
我叫極佢都唔應，走友佢地問完就叫人自己研究
呀sir喎，自己研究我洗乜返學呀
認真咁做份野，飛左幾條到落堂都做唔晒lo
又要人照交，全班無個做得晒
放左學就過天樂城打陣機
開頭就四部自己友係咁玩撞
馬嬲又唔合群自己走左去[sosad]
之後有1個黎挑我地3個
開頭無打team，不過條友過份到轉彎直插
咁我咪留後夾爆佢lo
丫，佢又咁有癮仲去唱錢同我玩
之後我同比比無錢走場，我用leo部車挑果條友
都無得鬥，認真走佬佢又追唔到
唔認真夾爆佢佢又走唔到
星星就是這樣R的
最後就到兩個呀_黎挑機
部rx8俾人推爆左，走人
leo部rx8真係豆腐到…..又0速度感，又唔甩….
搭港鐵，有個呀叔衝入架閂緊門既車，最後：
女：你隻手摸緊我大脾呀！
叔：唔係呀
女：(望)唔會唔係lo
……..
女(傾電話)：繼續！
———————————————————-
之後我去到油麻地轉車啦，聽到一段對話，唔通得我一個真心？
女：你唔好用新果d mask嘛
男：…………………………………………………….
我(心諗)：唔通用二手果d？定係琴晚隔夜果d？
女：你用返你之前用開果隻咪得lo
———————————————————-
聽說鑽石山多左4部灣3，亦聽說10號優先轉DX+，又聞德褔VZ都係
又會咁好彩抽中我做家訪嫁學生支助辦事處
佢打俾我之後我話要同呀媽firm左個時間先再打俾佢
記得既時候係食飯時間，再記得既時間已經係放工時間
聽日要記得啦！同埋補考錢要交啦，唔記得交就慘啦
愛華頓！60分鐘3:1，即場大係5.5
要入多兩球先大，咁我咪諗lo
愛華頓就應該唔會再入咁多嫁啦，侯城又唔會入到2球
咁咪博一博lo，唉，點知最後7分鐘4:1
我就諗，應該都完啦，點知又屎忽去諗侯城會唔會放棄嫁
唉，波網極速再響，5:1，玩完，大lo pk……
拿拿林買返場畢爾包補補飛先
返下午，project堂，個呀sir真係好煩
每一個字都話唔夠大，要set大d
佢d對白我都背得出，仲快過佢講出黎
不過佢係一個好好既呀sir
雖然聽落幾煩，不過起碼佢真係教得好清楚，你問佢又會好詳細咁答
唔似得數學呀sir，唔係教學堂就唔肯教，就算係教學堂問佢佢就話人唔留心聽書唔答
講返正題，咁我叫呀sir咁like乜都大，咁我咪將d箭咀set到最大lo
點知俾佢話我set得太大[sosad]呢個真係哭笑不得
放學就返屋企lu
派彩 $709
實際派彩四百幾之嘛
計返個本係賺左二百咋
同埋我賺得多，輸果d無講姐
不過我就醒目既，大機會輸果d買好少姐
之後會即刻搵返場回返水，所以都算係無輸(掛)
下午tommy打黎話要整個突擊上尹sir屋企爆房(笑)
不過斌自己就一拖再拖，搞到我地要延遲延遲
玩住瘋狂賽車先啦
搭11C，tommy同timmy彩虹亂入
去到目的地，係商場買蛋糕之後就上尹sir果層
準備期間，尹sir表哥德哥真係好想打鍋佢
佢一出電梯我都叫佢唔會亂咁講野，叫左佢收聲
點知佢返到屋企就講：出面果班係咪你同學
好在斌傾緊電話聽唔到
不過尹sir個屎忽仔明知斌傾緊電話都係咁叫我地入去
搞到我地入到去靜晒，唔敢出聲嘈佢傾電話……
本身係想一開門就大叫：生日快樂
本推本就等斌收線就唱生日歌
好笑既係唔係斌主場，仲要上去搞事，真係得我地做得出XDD
夠晒驚喜啦，幾多人陪你過生日呀~~
係尹sir到hea左一陣就出去食飯
大家樂…算，生日話事啦，仲想人請食飯？諗下好啦，尹sir呀媽咪俾左利是你lo XDD
跟住就上順利打波
好sin呀，斌既sin低弓字腳再射罰球入埋，真係金球之中既金球
我sin得最勁果兩次都係衝住斌黎既
第一次係差d中後腳
爛神：一次不成功，再來一次
第二次就係我係前面sin低之後斌就俾我kick走左lu~
尹sir個屎忽仔，明知個地下sin都要衝埋黎推一推人
唉，我都費事再走埋佢到
落雨都趕唔走我地，打到熄燈先走人
原來scout果邊有集會
我就返左去做功課，db真係幾麻煩
我係識做，不過d字唔識串
做完又要打返上facebook群組分享…
不過好似無乜人有留意我既分享，算數，係你地唔爭氣咋
完左集會就打左陣波，之後返歸
補blog補blog
返8.30，db一粒鐘
9.30，cn一粒鐘
10.30，oop兩粒鐘
擇完高治結果係上堂，點知呀sir話唔教書，溫書堂
同埋有走火警，咁就梗係走佬啦
去尖咀打機，玩左好少咋，食個飯係馬會hea左陣就閃人
琴日瞓覺又係咁lo，無啦啦走人黎尋寶
之後又係到打機
整到人地瞓唔返之後就自己走去瞓
嬲到唔洗睇馬會都已經直接決定唔返朝早果堂
就算返，去到都係瞓
而且又無錢用，食少餐好過啦
返下午果堂英文，之後就上OSA
俾馬友捉左去食野，本身都無諗過
但佢講一講又想食……..食野都係癮黎既
唔知點解真係食極都唔飽
返8.30既朝早一個麵包到10點就肚餓
死忍到lunch就算食個多飯，3,4點又食個撈麵加底
返到屋企個dinner食三碗飯飽晒但係12點又肚餓……
問題係我食極都咁瘦，食極都咁輕….
放學諗住落天樂城玩幾蚊，但見到YEUNG，轉場落機城
認真咁玩都玩到無癮，係咁撞黎撞去，請人食野再等返人再玩過
真係夠晒過癮，本來就最後5km認真，不過今日就玩到尾
但有人好似唔係咁喎！！！
後尾有個KILL落黎挑我同比比仲有顏麒
開頭就認真咁玩，點知條友廢到爆，只係識直插
我贏左之後比比同顏麒走場
黎左個KILLS仲有個帶女朋友黎威威既人
我一見到帶條女黎就即刻心諗：等我收你皮先
開頭我正經咁玩，之後見有女果個乜彎都炒仲阻住晒
咁我就發圍上去爆佢呔收佢皮
之後形勢大好，轉危險彎都無問題，點知最後閘唔住KILLS玩完
又唔記得睇KILL，如果早多0.5秒反應佢就撞入角我就多粒星嫁啦
後尾先知道，原來條女係到拍片，嘿，廢J就咪扮勁啦，仲要有證據俾人收皮
諗住搭103，不過急尿，去左快活林借廁所，走左架車改搭船
之後轉巴士果陣先醒起好似話有波局，不過都7點，最快都8點先打到，算數lu~
呀媽都係咁問我月結單，我等老豆瞓左就直接同佢講係12月尾拎錢俾佢，即係生活費計到3月尾
佢就係咁話我用錢用得快，呢樣果樣
我又廢事講我買左部netbook，如果講左就應該有錢回水，不過就一大輪佛計lo
而且我不嬲買呢d野都唔預要人回水俾我既，自己買自己用
最後呀媽就話今個月俾千四蚊我，之後黎緊果14個月都係千四，即每月扣100
佢仲講埋係要扣返千五俾佢
問題黎啦，今個月千四，total 15個月千四，即扣了1500
照計應該係借千四還千五lo變左
不過都廢事出聲啦，有錢用就夠晒啦
而且都係一百姐，睹少場波都係返到啦，廢事又一輪耶穌換100
琴日買左巴西贏，中左，得三十幾蚊
出門口前拎左d人仔諗住同呀媽對返港幣
再順口問下今個月有無錢俾
點知原來佢真係設伏，話之前係俾埋三月份既錢
之後就係咁追問我係咪無錢，我咪趕住出門口lo
朝早堂全人唔洗上，得返下午堂DB
本來以為會無咩人上，點知除左比比，其他人都返左
好在返一返，識左d野，其他識既但係就唔識串d生字
有功課做，遲d做完就fb見啦
放學為左搭架舒服既103，追左兩個街口[sosad]
返到屋企無耐呀媽就黎問我係咪無錢用
我話要返d人仔就得，佢就係咁問我拎月結單黎睇
唔通我同佢講買左部玩具咩
咪衝入廁所沖個涼先lo
之後老豆返黎，呀媽例排都將呢d野唔講住
但就出奇地溫柔，好驚呀………
我睇最後應該都係講部玩具出黎啦
等比比同leo係紅磡食完早餐就去美孚會合
馬友佢地就上早一班，比比話見到佢
結果馬友佢地成班人由車尾行左去車頭搵比比XD
本身就係奶強話佢地係香港仔搭巴士死左火，叫我地同Miss講等下
點知結果就係奶強早過我地，調返轉要佢同Miss講等下
去到上架旅遊巴，真係晒鳩氣
架車由元朗站行返去錦上路，之後再入少少，果少少條路又窄又凹凸不平
真係行路入好過，整得旅遊巴就好心你係九龍接我地入去啦
去到一開始玩過小遊戲，比比又出狗招，不過就害人中害埋自己
之後又教整筷子同起火，佢d燃料靚到無得比lo
開始backwoods啦，話要起個天幕先
眼見個地下似硬地，要將成枝樹枝打入地下當營釘又真係過份d
可能因為呢排食藥，個腦都轉慢晒
所以我只係諗用A字架拉開兩邊算數
點知結果個所謂硬地原來係泥地，輕輕鬆鬆就入左去
當然玩火我要參與一份啦
本來我就放左d極幼枝諗住著左先，點知朗尼佢地又係咁加竹枝
結果就晒左兩枝火柴，得返一枝，重整旗鼓之後一點
個導師抽抽水個火正常著左，搞到成個功勞歸晒佢
都算啦，咁開頭最大粒個大佬話佢要我地明火燒雞
你要明火就梗係大大火直燒隻雞嫁啦，點知個導師就係咁話太大火
仲一野整散晒個柴架，之後仲叫我唔好加柴，話太大火啦
我屌你咩，個火熄撚左啦，我都廢撚事理佢，唉，行埋一二邊
慢慢玩下柴算啦，起碼唔洗對住佢先啦，又話明火又話太大火
我真係贈你一句：你懂甚麼？
我完全放手唔理啦，最多就整下筷子，要用竹黎整，佢話筷子頭要圓
我就唔理，木筷子頭都係方嫁，我就整到要自己』拍』斷黎用XD
玩柴果陣，比比一野掉左舊木去隔離間屋後面既樹到
點知俾人見到，佢仲話係樹上面跌落黎[sosad]
結果得出黎隻雞又ok喎，d蛋又好味，飯又ok，麵包就衰左
哈哈，算係咁啦，無人教整出黎仲好過班scout呀XD
最後個總結，個Miss問我今日有無咩困難，我就話：最大困難咪你lo
呀，佢又聽唔到喎，我咪求其答：無困難！
佢就問我點會無嫁，又問我做過d乜，話我好似無做野
我心諗：我玩火果陣俾你鬧完我都廢事理你，幫手整筷子仲係到嘈
閃人之後本身諗住搭輕鐵去市中心，點知614就唔搭，搭左610
去到好入之後先知搭錯車，結果咪落車再搭返轉頭lo
點知果個站叫：青山村
我問比比：你都係想帶我地入黎姐[sosad]
期間有個細路無啦啦衝出黎，部輕鐵急break到仲勁過地鐵果隻
個細路差半步就撞死佢，人家一直再說他在玩命
終於去到市中心，打左陣機，俾人喪鳩夾到無癮，打故仔
之後肥洋玩，贏兩鋪………唉，神洋mx5
之後食野，我食m記，補返lunch果餐，double足三兩再加大
lunch果餐衛生到都唔敢食，只係食少少試下味，食最多都係d飯
leo哥洗左唔少，dinner都洗完一碟再洗一個飽
同比比搭巴士返歸，都係打機累事
見咁多一蚊咪入錢lo，點知返到黃大仙先醒起
轉乘優惠要八達通嫁[sosad]
上Project堂，Jamson走入黎第一句就廢話：(同PJ sir講)你上緊堂呀？
好野，BIS有得補考，不過我最多都係溫個balance sheet，其他都係唔識，應該都夠啦
$100換到補考合格就絕對值得，希望合格啦，成績表就3月3先有，梗係唔俾呀媽睇住啦
又過188食，本身諗住魚蛋就夠，點知上到去就好想食
忍一忍，食完10粒魚蛋超想食，算…
拎左間野個電話number，下次可以預先叫左野食等佢整左先，唔洗次次一去就半粒鐘
放左學就過天樂城玩幾蚊之後就過深水步搵留言姐
買個防風火機，之後再入馬會入錢再買波，跟住再入黃金睇埋
留言先到，帶佢入去之後極速買完就閃得
返到屋企已經食緊飯，但我又趕住喎
拿拿林插好隻新牛落留言部機到，開著佢改BIOS再入windows重組煲下部機
食完飯見部機仲正常就熄左佢叫留言過黎
佢明明話即刻過黎，我都係屋企等左陣，再慢慢落港鐵站
點知落到去仲等左半粒鐘lo……
之後吹左陣水就閃人
話說，留言姐~另外果個係邊位黎嫁？我識唔識嫁？？