好耐無打blog，岩岩睇返，原來岩岩好成個禮拜
諗返點解無打先記得都無時間….
唔補blog啦，都唔記得做過d乜啦，講琴日算
星期一交左project i既present
星期四交左英文份report
今日交左份OOP program
5月接住既行程有：
osa功課
osa assignment
oop唔知交乜
project i program
英文present
project i report
全人group present
全人個人短講
完晒呢d活動都仲未完嫁，因為緊接住就係考試…….
琴日係學校諗住整埋少少野就走佬，點知整下又一樣整下又一樣
最尾先知原來要做testing report….
搞到六點幾算數走人，放低份交得既野俾奶強
因為唔知今日返唔返
見落雨塞塞地車可以休息下，咁咪去搭巴士lo
得我有遮，仲要縮骨，四個人，仲要有個份量幾勁既leo
同佢地去MTR station之後就上天橋過對面搭巴士
一上到去，嘩，羅湖口岸呀，迫住晒係個MTR出口到
我決定巴士係正確嫁，就算落到去月台，都唔知等幾多班車，跟住金鐘實焗死
等無耐就有車，得車頭有空位，咁咪坐lo
係咁同人sms，望到維園果陣瞓著左
醒返果陣，好西利呀！我終於到左維園啦(膠)，轉彎位前
再瞓，勁野！轉左個彎lu，跟住都瞓唔著
係咁聽到開閂門聲，開頭幾個，走下走下十幾個
成兩粒鐘都仲係維園，走出天后返銅鑼灣已經順左d
返埋灣仔直頭係暢通無阻，紅隧都無樽頸
夠竟d車係邊到塞嫁？？
9點先返到屋企，食完飯沖個涼就開工OOP
邊寫testing report就邊發現bug，前日做到燥底，見跳到河就完工
de完呢個就走左第二個bug出黎，用左勁多時間lo
比比又要係呢個時候升級windows 7……………..
呀哥就係咁煩煩煩，煩乜姐，睇唔到做緊功課嫁咩
你做功課我都無要你俾我用啦
一路係咁整，d時間過得超快，3點,4點,5點，快到你丫
5.30完工燒碟瞓覺，本身諗住唔瞓繼續既
點知老豆老母係咁叫我瞓，咁咪瞓lo
6.30要起身返8.30果堂，結果都係set 7.30，8點起身
見有少少陽光咪同leo講我呢邊好似幾好天
點知佢話佢果邊好好天，咁佢話係咪係lo，反正我想踩單車
但因為我改左份program，要重新整過黎交，咁咪返學校再印lo
約左奶強同leo返學校，一出灣仔MTR，頂丫
真係超爆勁好天lo，勁曬勁熱
整好晒吹埋比比，佢交埋webct就大圍集合，入大水坑
加左價呀單車，普通二十，dup頭三十，唔緊
得我dup….開頭踩得勁慢
之後唔理佢地，爆陣先，點知原來跟緊我爆
好快就入到大尾啦，點知比比衰收尾，卡住條柱，差d爆丸XDD
食完野上水霸hea左陣就閃人，開頭又係慢踩，跟住慢慢加快
最後無停咁爆返大水坑，不過因為無乜瞓過同攰既關系
6波爆上斜路後抽根，兩邊大腿齊齊抽，不過keep住踩無乜事
但係就紅燈迫住停，一停就同上次設伏俾尹sir一樣，兩隻腳直晒
想踎低都唔得，跟本係直到郁唔到，咁就企下lo，按摩下
鬆返果陣一野踎低搞掂晒繼續爆，逆風5波算啦
最尾去到馬場果陣比比問我做乜唔6波
我話攰加嘛，佢就係咁問…咁咪用lo
一野爆，邊有得追呀佢d廢車，本來爆都好地地
突然超大逆風，痴線….隻腳乳酸到條小斜路都抽抽地
不過佢地好似仲慘情，行捷徑返去單車公園算數
leo哥兩次最慢，要請野飲同灣岸一鋪，哈哈
返到屋企對腳都無乜野lu，可能聽日先慘XDD
但聽日要服務，死啦…………..
弊！制服在彩天，聽日點去….
有無得唔去呀=0=???
決定返學果陣開始落雨，收衫果陣就落狗屎
如果果個情況一定返唔到學
勁大風lo，吹到d雨打橫黎，點遮呀
咁就決定唔返走堂啦，反正英文堂，岩岩考完writting教新野又狗up
正當決定走堂之後又停左雨
15/16，最後公字決定：返學
遲左一粒鐘返學，叫leo mtr等埋我，點知佢話去威揚等
去到唔見佢原來佢又返去mtr等，搞到我見到班水魚
忍唔住手落去R，轉左幾次人都係俾我R
想走果一鋪再加上避無可避一定要走
一部貨櫃同一部貨van霸左雙行線仲要係仲未出彎個位，點避姐
返學前又要陪leo去188食野，個老闆真係幾搞野
其實係佢講野好多bug俾我串到勁過癮XDD
終於返去，知道原來份問卷最後要做present，每人4分鐘
大佬，present份野係琴日writting既口述版
琴日份writting都係得三百幾字
但就要每人4分鐘，每組4個人，加埋16分鐘，點講呀
都係做左份問卷先算，有無人幫我做呀，三個夠啦
要影相加錄音，本來要外國人，不過大佬真係去訪問人咩，唔理佢算數
完左半粒鐘英文就去上osa
諗住去拎資助form點知未有
最好笑係以下對話：
我：拎資助form
某：e家未有喎
某2：你咩course？
我：41900
某：41900仲未有住
問題係，所以資助form都一樣既
大問題係：我都未講我咩course，就算唔同form你都唔會即答未有掛
但係個email已經叫緊學生去拎form填，我一問就話無
唔通我心口寫左41900係到?_?
我今日特登返黎就係為左拎form咋，因為今日帶袋聽日唔帶
本身唔想遲拎，因為填完又要準備資料麻煩嘛，點知無…
放左無活動閃人~
milestone真係好過癲呀，呀哥跌我部機不下3次
佢話星期一換返，真係心痛
如果永久換我理得你點跌，但要換返真係心痛呀
e家但願佢快d跌爛我部電話，咁部milestone就係我嫁啦XDD
如果唔係我諗我都好快會賣左部英雄入手milestone
真係好正呀，未玩佢部milestone前都已經俾個keyboard吸引左我
再加上hero既速度同埋htc既態度真係唔想用
明知遲到但見天氣咁熱所以都係慢慢行落黃大仙
點知入閘前發覺無帶銀包
開頭諗住有十幾蚊散銀買飛返學校再問人借錢算
但諗諗下身份證無帶唔係咁好
所以衝返上山拎銀包又再衝返落山
出晒汗lo………
醒起今日有英文考試，無學生證唔得，好在返屋企拎左姐
返到去得返半堂全人，好在miss好人，唔洗補堂姐
又有糖食喎，勁正
lunch去左德成食，中伏啦又，"自助餐"式變返碟頭飯式
仲要貴，食個叉肉飯，d叉燒又肥又油，"制"到想嘔
原來拎完銀包都唔記得拎錢，得返$20係銀包，$14散銀
加埋岩岩好夠俾飯錢….真係幾貴…
因為唔肯定英文考點半定兩點半，所以返學校先
原來真係兩點半考，上圖書館溫
記左好多野，不過其實記唔記都一樣
考果陣原來記果d野無寫，用左自己方法寫
不過上年就係咁仲俾我勁過其他人，但願今年一樣
考完先知解錯左個英文，同埋串錯左兩個字，bigest[sosad]
成日係呢d關頭我都將d似是非是既野搞亂左
我果陣都有諗過biggest，但又好似唔岩
所以咪信我之前無考慮就隨心寫出黎既bigest，點知衰左
上db堂，又做lab，呀sir岩岩教完點做我就交低準備走人
但見派左測驗卷，咪望下
又見呀sir咁得閒，一次過問晒之前上堂無聽果d野，一次過識晒，正！
跟住就係咁教比比同leo
放左就去機城，馬友個fd搶左顏麒部機黎玩
我同比比挑佢，最尾比比又放錯，明明個位應該我讓佢，佢就先讓左我
我係灣心入灣，踩埋break都甩左出去，仲要馬友fd跟左我後面推爆左我
如果我讓比比，比比入灣推左我入灣心或我落break已經可以頂住馬友fd
搞到俾佢串柒柒：對唔住喎贏左你兩個
佢又唔敢擔玩多鋪，如果唔係實搞掂佢
散水又行左幾個站搭車，明明走左兩架城巴，第三架仲係城巴，又無得瞓
部milestone真係好爽呀！
朝早返到去得返半堂network
又係做工作紙，好多都識做
係d long Q唔想做，走友係ppt搵完答案抄
咁我咪抄佢lo，其實都係抄姐，位置唔同都唔俾….
算~唔要幾分lo~
派左測驗卷，唔係好高亦唔係好低，31/50，條long Q都幾多分
呀sir吹晒水，成日話我最高分，其實我咪合格多d
放左離開學口前發生左樣爆笑料
係幾級樓梯到有塊斜鐵板，我行完，leo跟住行
結果我右腳同左腳先後feel到有野踢我，原來leo sin低左XDD
俾奶強開口中之餘仲要後面一班女仔，前面勁多長桌好多人係到睇到晒XDD
lunch去左吉野家，之後去機城打機
開頭我同人玩山路幾好，點知比比一入黎
我同佢部機都lag機，反後追，越後越慢，無得玩
搞到無野好玩自己推車仔，點知發覺超好推
連貨櫃都可以推住300km/h咁行，過癮，下次lag機拍片先
四部熄晒再開正常返，R返leo d星
走左oop果堂，返去上osa，又有lab做
做左一半唔想做，之後落堂前諗住抄蝸牛，點知得幾題可以抄
其他仲要我做返俾佢，發覺原來果幾題幾易做，早知一早做完走左去啦
放左又落機城，因為比比唔記得拎把遮
行左幾個站先搭車，有位坐嘛
3粒鐘project 1
開頭悶到無野做，係咁睇fail圖
笑到丫，真情套野玩gameboy唔入帶
之後做lab，個呀sir真係….
工作紙有勁多part，次次做頭兩part
仲要人一定要跟佢做，張工作紙都唔知用黎做乜
次次佢都自己改好多野嫁喎
搞到我次次一開波整好晒先知中伏
改野之餘又要del返做多左果d
放左無活動，返歸
同呀哥換左部moto milestone黎用
唔識整…………………………………………..
獎門人好睇
鐵馬勁正，不過勁多bug
困住呀雁間屋都無鎖到，有鎖係到但打橫果條野無閂到
鐵門打出血，最後爆門仲要穿埋…..
最好笑都係份報紙：
請看細字：日本軍方現正揮軍攻向中華人的一切付出最終是想擁有對方。
無去到遠足，諗住整oop
可惜都係唔識做，睇柯南算數…….
hea下hea下miss左堂db，上返堂cn
返到去奶強佢地已經開緊檔
黎左鋪唔計錢試手風
結果見小廷幾旺，咁就廢事幫手輸啦
轉課室上oop，知道左件過份既事，自己知自己事啦你
真係好難呀呢科！仲要個呀sir 1999
搞掂左份功課之後搵野食左先，因為12.30等到17:15先測osa
食吉野家，d人係咁等位我地都無起身走人
大佬，我想嫁，5粒鐘呀你俾我坐多陣啦
又唔想去灣岸，坐低就唔想走嫁啦，唔走既話咪係咁唱錢lo
比比因為同條女去買電話，向銅鑼灣方向
所以我地決定活動一過銅鑼灣撞比比
結果去到搵晒電話公司都唔見，以為佢地買完，點知果刻佢仲食緊野
咁就去活動二啦，機鋪打機，特登去間貴機鋪到玩
起碼肉痛識得走，係機鋪望左好耐最終同leo顏麒各唱4蚊玩DXplus
玩左鋪贏左打鋪鬼就同奶強R幣玩
佢唱左20蚊40個幣，最後玩大細結果佢無晒我就有約40個幣，過晒黎XDD
跟住玩一部唔知咩機，強國出品，一個波lok去一格，果隻色你買中就得
最好笑小新買乜就唔中乜，是咁的：4隻色1賠4，1隻色1賠8
1賠8就極難中，基本可以無視，所以買其他四隻色各1都可以回本
但係小新買完果四隻我買1賠8都搞掂，最尾佢先中左次
無得贏既呢部機，最後無晒幣散水返學校圖書館溫書
途中撞到比比lu終於，佢岩岩先買完電話
溫左陣書就算數，等測
入試場果陣驚喜既係：free seat
比比見我隔離果份原來無卷，特登係前面拎份卷過黎我隔離
左邊走友，右邊比比
走友超正義對埋去都唔睇，比比就係咁望，叫佢排返位都照抄
5格，無分次序既，我第二格錯左所以刪左，比比就跟住刪果個位，9成抄@_@
叫埋奶強抄，我前面係小新瞓左，再前面又有人，最前面就呀sir
完全阻晒，所以拎起份卷俾佢地睇都無問題~~~
完左落機城玩左十蚊，馬友個fd都幾麻煩
一去到就叫佢d fd夾爆我話講下笑，我咪回佢一句：我驚佢地輸咋
幾鋪都係比比第一，我第二，柒左lu~~
終於佢親自落手，可惜暴力爆呔撚唔適合玩DXplus，勁易輕機
後尾同顏麒1 on 1福岡，俾佢最尾回旋處推開左贏一條毛咁多多
玩C1 win顏麒最後打鬼，引馬友個fd同我挑機
好在佢有自知之名話打我唔贏，嘿嘿
返歸，呢排都好夜返歸，無計啦之前為推銀，今日就測驗再灣岸
你好過份lo！
見落雨突然想搭巴士返學，見未搭過巴士返又唔知要幾耐所以唔敢瞓
係紅隧到塞，其實都幾快，不過唔知邊到落，見機城附近都幾近學校咪果到落lo
差d俾個到門夾親，明明有幾個人落緊樓梯，前面果個搞事落完係等下個站落
個司機諗住閂門，我衝緊落樓梯無停到直衝落車
就係我跳果下到門夾埋黎，好在個司機岩岩好開返門
返去上英文堂，聽佢up又係晒氣，拎netbook諗住整鬥獸棋
點知textpad裝完，個java jdk要等半粒鐘先down完
等得黎再裝完已經完左半堂，下半堂miss話試寫作文
要交就3.30交，唔交既都可以寫，唔寫既可以走
咁我同輝爺同奶強咪走lo，過188食野
小新同馬嬲跟埋黎，二家姐e家算無人無物亦跟埋去食野XDD
食完返去等osa間房，為明天之戰準備XDD
完左又落快活林，奶強馬機手風不順就過左去推銀
本身好好推既機唔知邊個搞到d幣卡住晒，推兩粒波都渣盡盒幣咁制
點知30幾下就走，再推三粒波有70幾下又走，再推40幾下
再再推終於百幾下啦，上藍jackpot，死人潮州佬黑到你丫
搞到中唔到跌返落黎再上紅jackpot都中唔到彈走埋
之後又推左幾次fever game都係3,40下就無左，有上過百幾都無用
最後好好推都無推，因為盒幣無左仲唱左成舊水
今日真係無乜運喎………….聽日個鐵盒一定要回來！
上個全人堂，之後比比約左女閃左
我地就食個M記，無去灣岸，落快活林玩返d代幣
推銀推銀推銀推銀推銀
馬嬲叫極都唔聽…………..
一落到去無耐就玩fever game仲即上紅色到轉，不過可惜呃人繼續玩…
可能同個潮州佬有關，佢都幾黑仔
紅jackpot有二千五呀
潮州佬一行開我地就中左藍jackpot
無奈要測驗就返去lu，4.30測
走友坐錯位，轉返岩位果下佢話突然有晒希望，因為坐我隔離
但我固住做唔記得左佢，不過後尾我都有移到最出諗住俾佢睇
點知佢放棄左無望到我，無耐仲走埋
long Q我都放棄左，做晒d database就閃人~
落快活林搵奶強，樓梯都未落就聽到呀俊話：中左啦
望一望下面部推銀機熄晒燈，屌~!!!我個jackpot呀，二千九個呀!!!!!!!!
之後望奶強玩馬機，係咁輸，輸到鐵盒見底
個潮州佬一走，係咁爆冷，奶強將個鐵盒差唔多回到滿咁堅
過去推銀，推左一陣見有部機幾好推但俾個人霸左，但佢唔識推
咪跟佢機lo，佢又係咁唱，等左勁耐，粒波明明係正中間，推左八十蚊on99
果個位我同奶強$40+5分鐘都有凸啦，見佢走左仲有著數咪執下雞lo
可惜唔得，再轉隔離岩岩條女玩完，又執雞，仲要中埋紅jackpot
就快出完果刻諗住踢鬆d幣點知果下好大力，踢到響機，銀+波=0
少左好多呀，因為跌左好多波落去，但因為未入帳就響機所以無晒
sorry呀奶強~~~~即刻走人，8點lu，9點先返到home
終於開波搞oop個鬥獸棋，捉都唔識捉@_@