朝早搭73小巴上慈雲山，等左陣簡到左
之後唔等尹sir行住先，點知佢開外掛
係我地前面個站落，快過我地…
跟住就慢慢爆上去獅子…丫唔係，係麒麟亭先岩
上到去吹左陣水佳哥就黎到，之後就等左超耐
班scout終於上黎啦，真係慢，又遲左粒鐘先出發
班細佬真係，已經俾佢地行先
我地用好慢既速度係幾分鐘追返
有幾個已經話唔掂，真係o晒咀，體育堂跑圈都唔只咁啦
之後用極爆慢既速度行，因為塞住左
去到回歸亭休息左一陣就同尹sir帶頭上山頂
行快左少少，不過後面有佳哥係咁push上去，所以都跟到
再休息，影相果陣有隻蝴蝶飛左黎我件衫到
之後影大合照果陣有隻蝴蝶追住我，頭頂又有隻，衫上面果隻仲未走
影完之後我講左佢：喂，影完啦，走未呀你
之後就飛走左，去左尹sir到，之後再影多張，一影完又飛走左lu~
跟住就開始落山，龜速落山
去到check point之後俾佢地行先超多，我地係咁吹水
跟住跑上去，最爽都係果刻啦，唔洗再就住就住，衝返陣先啦
尹sir跑先，之後斌大叫左野，簡生問佢叫乜
之後到我大叫，原來又係尹sir放伏，差d中
勁大舊石係路中間，跳起再縮起兩隻腳先避到，因為跑緊+跟車太貼
最後斷左路，係山坡到衝落去，不過佳哥同Venture負責做人鍊
係蘇屋解散之後賣甩佳哥就行左過去西九食明將
參與中伏人士有：我、斌、尹sir、簡生、德哥、教主
Round 1：8碟三文魚、8碟鰻魚、8碟八爪魚、8碟螺肉，同8碟唔記得咩黎
期間仲拎左30碟黎食，完左第一輪之後尹sir設伏
Round 2：8碟三文魚、8碟中華沙律、8碟鰻魚
勁灰lo，尹sir又唔食又要叫咁多
我都食左5碟三文魚，5碟鰻魚
最後食完之後，死人德哥岩岩食得落又唔幫手，自己又拎多幾碟黎食
最後尹sir分返佢個袋d野，斌哥就將枝水放入腰bag
意外中唔見左張八達通，不過最心痛係唔見左個八達通套@_@
我去禁錢，斌去報失，搞左好耐，又撞返教主同德哥
返到屋企超悶，難得腸仔約打波，點知又唔夠人取消左
今日尹sir放左超多伏lo，搞到勁多人中伏
Peoples終於幫我開返個GPRS服務啦，用多幾日先
返去彩天深資集會
搭港鐵果陣見到斌，咁岩呀~
返到去先知小六模擬面試，無地方
所以係童軍室開個小meeting算
傾下個禮拜去camp既野
傾完本身諗住執竹
點知M仔話佢地班人都唔知夠唔夠用
ok lo，佢地執先，有淨先算
無就唔拎，不過要佢地借俾我地用
佳哥返黎派邀請帖，之後好急咁走左
我地就等斌返黎
本身諗住睇波，點知尹sir又見埋Tommy返黎
之後又傾去唱K定去行街，都無人想去咁，咪算lo
最後去左食明將，仲見到周圍衝，好耐無見啦，幾時去打機呀@_@
返學校諗住打波，見個呀姐話我地唔係童軍寫返個名，又話唔打得波
之後又問我係咪童軍，我咪話係同返黎幫手
混亂之中佢問我：你e家姐係』達朵』啦
我未load到就答左：係
佢：咁』達朵』姐係唔洗寫名啦
我：呀~下?係
之後就走得~本身都無野，仲偷雞打波
點知蛇怪入黎話打波，個呀姐即刻衝入黎話唔俾打波，一係出去
但結果係追晒佢地出去，我、斌、尹sir可以留低幫手
佢地降棋之後就出返去對面停車場搵返佢地打波
等左咁耐，要忙既忙完，諗住可以l4d2，點知初哥燒display，4缺2，點玩
Categories: 生活隨筆 Tags: camp, Display, l4d2, 學校, 彩天, 打機, 打波, 明將, 港鐵, 童軍, 集會
朝早11點就同肥洋、比比、leo去尖沙咀灣岸
比比開頭唔挑，我叫佢：你唔挑機就返油麻地自己玩啦
之後先一齊挑，幾好丫，係就係唔夠肥洋秋，不過幾享受
之後leo無錢，換左個人黎玩，以為自己好勁
其實一d都唔勁lo，懶係野咁搞人
我見玩埋果鋪都走，咪陪佢玩下lo
最後果到掛住搞佢，係就係佢慢左，我拎第一
不過我搞完佢轉唔切彎，high邊俾佢上返黎
都唔明肥洋點解咁都上唔到去
之後見佢個屎忽仲係我車頭，咁我咪再搞佢lo
C1中間有條柱，諗住撞佢埋去一齊死咪俾佢咁得戚
點知佢快過我走左，不過我都無事
佢真係死好彩，如果唔係真係柒到爆炸
之後同佢地食埋吉野家就去旺角with斌、尹sir、Tommy、飛機、bear
去到旺角本身搵斌先，佢地食野，不過諗諗下都係上去交form先
好多人，拎飛果陣先A230，而我果張係A315
有排等，去新之城等Tommy、飛機、bear唱完K
之後斌同尹sir都過埋黎，周圍行，行左去金魚街，斌買龜糧
之後又行返去，果陣都係A245，之後再行
見4:30，交埋電話費就返去，A310，好野，到啦~
交果陣佢問我有無近3個月既糧單，無，又要再黎過@_@
最好笑係有個位填我英文名，我寫左：WONG TAI SIN
之後我改果陣，我諗住睇下係咪要全大皆，hold左陣
佢以為我唔識串自己個名，串埋俾我聽，大佬，真係俾佢吹脹
之後繼續check，有個人電話響，用唐老鴨個搞笑鈴聲，我見幫我check果個忍住笑
跟住就落深水步黃金，斌買ram，講果陣：ADATA 2GB RAM
之後我諗左諗，無講到係DDR2添，唔怪得俾個sells望一望啦
仲要俾佢當我白痴咁問：唔係notebook ram丫嘛
之後因為見偉氏7點閂，所以陪斌上去整硬碟先
我搞錯左整HDD同Display果兩間野，好在都係深水步都未開始行姐A』A
偉氏d奸仔招領略過好多次啦，有得換，不過e家未有貨住，要等一個星期，或者你加錢換過第二隻
彩佢有味呀，斌果隻320GB買左$315，佢話加$120換隻500GB，痴線，果個價點只500GB呀
之後叫埋成黎食明將，係咁吹水，成就係咁流牙血，因為洗完牙，係咪深圳果間呀XD
終於發現左點先為止係笑話，好簡單，Tommy笑就係笑話，冷笑就爛gag，唔笑就唔成立