開心網誌

無去到遠足，諗住整oop
可惜都係唔識做，睇柯南算數…….

都係煲柯南，無野做，勁悶
夜晚就為左方便所以同斌執齊野過尹sir屋企
買零食同野飲就上佢屋企
開頭用佢部電腦，之後就出廳玩紙牌
最後瞓，無耐又起身玩UNO
無耐又轉紙牌，最後真係瞓

本身比比佢地約我地打機都無去
因為仲瞓緊
今日成日都係到煲柯南，睇到勁眼瞓
真係無聊至極，都無野好寫lu

浦和紅鑽，都唔睇好呢對波
點知二哥叫我幫佢買$10，$7.5，我受佢啦
之後加注話：大多你$10
賠$15姐都係，受咪受lo
之後大哥又走黎話對家主場贏，我就唔理佢啦
點知佢話要買$10 0:0波膽，8倍
日本波又唔係做唔出喎，咁咪諗住馬會受佢算lo
一幫佢買，一禁就開左波截左飛
佢就發老皮話中左要賠俾佢
最僧人大鳩我，受咪受
頭果30分鐘都幾驚，話晒$80喎
點知半場都未咋，我係波網禁淨呢場波，一聽響聲
理得你邊隊入，起碼唔會0:0先啦
紅鑽入波，就算賠已經有人資助$10啦，驚乜
點知條仆街賴皮，話我無幫佢買到唔算，唔肯俾錢
屌你咩，開頭又要嘈話中左要人賠，e家唔中又賴平
開頭我都受左你啦，$10都唔肯俾
我賠$80都仲未驚呀，你果十雞都唔肯俾
輸打贏要正仆街！
最尾和左波，賺左$20
不過都越諗越嬲lo

之後又係咁煲柯南，仲有好多集呀，勁好睇

極度無聊無野做，係咁煲柯南，煲左好多集
d推理真係好屈機

全日都無咩野要做，煲柯南，正~~
唔出街真係無咩好記

十點幾無啦啦俾鑽牆聲嘈醒，衰則成日都鑽
但係今日係星期日喎，會唔會過份左少少呢
鑽左兩下，有個呀伯大叫：你鑽乜野呀，唔好再鑽
之後變左鎚仔聲，再黎超細聲既電鑽聲
突然變左唔理三七廿一大大聲咁鑽
呀伯再發功：喂！你唔好再鑽呀下！
之後就得返d超細聲鎚仔同電鑽，無耐就無左lu
不過可惜我已經放棄無瞓仲出埋廳用電腦
下午一點再煲柯南電影，煲煲下俾呀媽call左出去買野
去到戲玉嫁，出到去仲要等呀媽諗下呢樣諗下果樣
買呢樣就唔買果樣，計到盡夠數就買多$1都唔抵咁
返到去就繼續煲，煲晒電影lu，煲下真人版先~
點知呀媽叫我去剪頭髮，話左唔剪就唔剪嫁啦，嘈乜姐
我唔剪頭髮好影響你咩，仲要屈機咁屈我去剪
話唔今日剪就以後剪頭髮自己出錢
我係唔剪就唔剪，自己俾咪自己俾
最僧就係成日出屈機招，我唔會再受嫁啦！
成日話我激死你激死你，你咁樣我點同你溝通姐

dl左成個禮拜都未dl齊柯南d動畫，不過照煲~

去上個氣象班??聽個講座姐其實
本身我遲少少嫁姐，等埋尹sir同盧仔就遲左半粒鐘
一入到去，嘩，好似入錯地方咁喎
全場得我地三個咁後生
原來我地無遲，因為我地入去仲講緊開場白
開頭果粒鐘好正經，不過都有笑位
如果架飛機九乘墜機既，無理由為左個十乘而去坐嫁？
get唔到既自膠；之後放break
盧仔終於可以食朱古力，不過原來有西餅食
盧仔：$10個course有咁既招待，食多幾件回返本先啦
點知一食就變左樣，我問佢係咪中伏，佢話：直頭啦
之後到飛行服務隊講(關事？)
開始放鬆啦我地，係咁搞gag，不過細聲講細聲笑
講講下佢話：我地會24小時Surprise既
我就幫佢對照返：我會fully Surprise你嫁，你係咪覺得好Support呢
跟住佢俾左張圖我地睇叫我地估，一架直昇機拎起架車，要估咩車
我第一時間爆：雪糕車lo
即刻俾人ban：唔係雪糕車
原來係炸彈處理組果d車，不過個樣真係成架雪糕車咁lo
因為佢地講過飛行服務隊會為VIP服務，例如載人同埋載貨
咁我就話：有個雪糕車老闆call架VIP載架雪糕車上山做生意既情景黎咋
原來有證書拎嫁，不過大陣象左d，逐個逐個拎同影相，不過好快轉左幾個幾個黎
最後散水入廁所換衫，短衫短褲+風褸，下身涼陣陣
跟住尹sir真係時間都晒左，行黎行去結果又咁好彩俾佢搵到第二架小巴
上左盧仔屋企坐，之後落返M記食晚飯，斌都到埋
我就係到爆尹sir大鍋，尹sir有日問我咩叫葡萄，我叫佢估，佢話：嘗杯酒？
no死撐啦影帝，這個舊名都要再重現出黎啦
再搭小巴過順利，搵埋細傑同周宏B就過波場，等埋蛇怪先有波打
d人開始黎齊，12個人，又真係幾多喎
係咁3on3，跟機跟機再跟機，實規幾粒鐘打左三四場…….
返到home 11點，搞呢搞路12點繼續煲柯南電影
一早就想繼續煲，成日想瞓多d精神所以無煲到，不過瞓成十幾粒鐘都唔醒，煲咪煲~

早知就唔睇果集柯南啦
本身諗住有一日可以補返數
點知又頭痛啦
不過都要溫書
溫書前梗係做返d例排野啦
上網同fb
點幾就開始溫lu；p.s.我十二點先起身
點解數學無ppt/ebook嫁
被迫離開電腦入房溫notes
開頭果幾課容易d同埋無師自通既關系無咩難道
之前測驗都係，明明就無係唔明，亦無特登溫書，但係識做…
之後果d就麻麻地，好在果陣係咁問輝爺，都算ok
不過第9課後完全唔識，事關連輝爺都放棄，我求教無門又點會識呢
食完飯再認真睇下之後果幾課，好似明但係都係唔識
之後睇多集柯南先算，睇完就梗係提早休息啦

考完一科仲有幾日先考數就梗係hea返陣先啦
同尹sir蛇怪玩超時空戰記
5點幾就返彩天，傾返d timetable
原來仲要傾埋深資果面
終於都甩到身lu，雖然掛個副主席會威d
不過始終都係太忙啦，又呢樣又果樣
可能上年先趕返晒d野所以特別忙
唔知今年會點，不過都做左兩年，夠皮啦
不過如果無人選我都會負責返既~~
話就話唔洗再做副主d野，不過個網又咪我繼續搞@_@
事關個空間我係借OrzKoo既，唔可以俾人用
傾完晒就去左食車仔麵
返到屋企玩左陣超時空戰記
之後就睇左陣柯南，三點幾先瞓