今日返15.30，早知就唔返啦
返到去呀sir話唔教書，俾時間我地做上次派果份lab
我心諗：我星期六做完再post埋上網俾人抄
今日又有時間做，咁我果日趕黎做咩？
半hea左粒半鐘之後就落去食野，呀sir提早放
再落港鐵站交補考費之後就搭601上尹sir屋企
上到去入佢房玩瘋狂賽車，之後聽到佢呀媽返黎
心諗：唔會又有口福掛，唔洗客氣啦
好在原來佢呀媽完全唔知我上左黎XDD
19.15落馬會幫尹sir六個合彩之後就搭車上順利
今次個場唔濕啦，不過都難逃受傷
開始斌粒小丸子受害兩次
之後我被盧仔人為擊中要害….
跟住又俾周宏B踢右腳，差d變藍斯呀[sosad]
『咬』腰令到我心口更痛
話說琴日無啦啦個心口好似拉親肌肉咁痛….
聽日仲要打羽毛波喎…..[sosad]
派彩 $709
實際派彩四百幾之嘛
計返個本係賺左二百咋
同埋我賺得多，輸果d無講姐
不過我就醒目既，大機會輸果d買好少姐
之後會即刻搵返場回返水，所以都算係無輸(掛)
下午tommy打黎話要整個突擊上尹sir屋企爆房(笑)
不過斌自己就一拖再拖，搞到我地要延遲延遲
玩住瘋狂賽車先啦
搭11C，tommy同timmy彩虹亂入
去到目的地，係商場買蛋糕之後就上尹sir果層
準備期間，尹sir表哥德哥真係好想打鍋佢
佢一出電梯我都叫佢唔會亂咁講野，叫左佢收聲
點知佢返到屋企就講：出面果班係咪你同學
好在斌傾緊電話聽唔到
不過尹sir個屎忽仔明知斌傾緊電話都係咁叫我地入去
搞到我地入到去靜晒，唔敢出聲嘈佢傾電話……
本身係想一開門就大叫：生日快樂
本推本就等斌收線就唱生日歌
好笑既係唔係斌主場，仲要上去搞事，真係得我地做得出XDD
夠晒驚喜啦，幾多人陪你過生日呀~~
係尹sir到hea左一陣就出去食飯
大家樂…算，生日話事啦，仲想人請食飯？諗下好啦，尹sir呀媽咪俾左利是你lo XDD
跟住就上順利打波
好sin呀，斌既sin低弓字腳再射罰球入埋，真係金球之中既金球
我sin得最勁果兩次都係衝住斌黎既
第一次係差d中後腳
爛神：一次不成功，再來一次
第二次就係我係前面sin低之後斌就俾我kick走左lu~
尹sir個屎忽仔，明知個地下sin都要衝埋黎推一推人
唉，我都費事再走埋佢到
落雨都趕唔走我地，打到熄燈先走人
果d類固醇都係少』查』為妙啦，反正唔覺有用
夜晚食果隻藥可以令到我成晚瞓唔洗醒
終於有覺好瞓
不過始終咁多日既睡眠債，利息都唔夠俾啦
朝早隻藥又係勁野黎，諗住唔返，不過下午又要去留言姐到拎電腦
係咪都要出，迫住返學算數
本身諗住星期六再瞓，點知醒起星期六朝早有補堂
返到學校頭果兩堂LT21都係瞓覺
完左果兩堂落樓下買罐咖啡先
比比：你食緊藥喎，會唔會唔係咁好呀
我：下，唔知呀
比比：係直頭唔好lo
我：都禁左lu
因為佢地話落尖咀打機，咁我咪唔食藥直接飲罐咖啡算數lo
上果堂OOP，又後悔，個呀sir始終都係咁問我，我又答岩，但佢總要搵骨頭
果堂又係唔覺有教新野lo
落到尖咀食個日本野之後就打機
完全無態，玩左幾鋪都唔想玩
比比玩緊果陣個呔由偏左變左上下反轉
我都係後尾先知偏左，難怪轉左灣無力，成日撞，搞到好似無態咁
後尾同留言傾完電話諗住食藥，諗諗下機鋪食藥唔係咁好
之後出左門口先食，過到葵芳拎完部電腦就搭返黃大仙
多人既原因廢事搭巴士，又行上去
唉，藥效發作，上條天橋都要分兩轉行…….
見夜晚又出去打波，所以都廢事食藥
好在上到順利果陣藥效散晒~都打到波
尹sir跌果野笑左，點知魚鱗怪跌得仲型
尹sir~唔差在啦，踩腳仔，佢一走就p左k lu~
一瞓醒就著返留言部機，之後又熄返佢@_@
拆散佢部機清晒d塵同狗毛
再拆散佢個光碟機，開頭以為左狗毛影響
點知拆左出黎睇超乾淨，壞既原因不明~
砌返好部機就著左佢做重組同少少config
之後諗住穩陣d完整check隻hdd一次
點知check左成兩粒鐘都仲係第四階段既34%
留言又出左門口，迫住我強制restart部機再取消chkdsk
又抱住佢部機落港鐵站交收
條死野係咁吹我，搞到我地梯都唔搭，梯級都睇唔到就要衝落去
個衰人仲要係呢個時候打黎，迫住聽喎又要
雙手抱轉單手抱仲要傾住電話落樓梯，傾完又要由隻緊左既右手轉返做雙手抱
送貨變玩命表現………
俾返佢之後就決定去波局定飯局，結果公字決定左去波局
留言返到去話個播聲拆喎，我又趕住落街打波，無視住佢先XD
上到波場，明明就無落雨，個地下就濕濕，勁sin
第一個跌低既就係斌，我就最經典，無人既情況下U turn
結果飄移失敗炒左車
係唔知傾緊咩既情況下斌講左句：屌你，唔係真嫁！
我就重複再連續咁講：屌你唔係真嫁！
成哥經典金句誕生：屌你梗係唔係真啦，唔通真係屌你咩
打左兩場定三場就同盧仔去食野
返到去已經轉左人打，未打完就熄左燈
早知就唔食啦，反正都走人
勁早走，打波以黎最遲到但最早走既一日
返到去沖個涼就入侵留言部機幫佢upgrade d driver
結果都係拆，叫佢用耳筒試，點知無事，多舊魚= =
朝早搭73小巴上慈雲山，等左陣簡到左
之後唔等尹sir行住先，點知佢開外掛
係我地前面個站落，快過我地…
跟住就慢慢爆上去獅子…丫唔係，係麒麟亭先岩
上到去吹左陣水佳哥就黎到，之後就等左超耐
班scout終於上黎啦，真係慢，又遲左粒鐘先出發
班細佬真係，已經俾佢地行先
我地用好慢既速度係幾分鐘追返
有幾個已經話唔掂，真係o晒咀，體育堂跑圈都唔只咁啦
之後用極爆慢既速度行，因為塞住左
去到回歸亭休息左一陣就同尹sir帶頭上山頂
行快左少少，不過後面有佳哥係咁push上去，所以都跟到
再休息，影相果陣有隻蝴蝶飛左黎我件衫到
之後影大合照果陣有隻蝴蝶追住我，頭頂又有隻，衫上面果隻仲未走
影完之後我講左佢：喂，影完啦，走未呀你
之後就飛走左，去左尹sir到，之後再影多張，一影完又飛走左lu~
跟住就開始落山，龜速落山
去到check point之後俾佢地行先超多，我地係咁吹水
跟住跑上去，最爽都係果刻啦，唔洗再就住就住，衝返陣先啦
尹sir跑先，之後斌大叫左野，簡生問佢叫乜
之後到我大叫，原來又係尹sir放伏，差d中
勁大舊石係路中間，跳起再縮起兩隻腳先避到，因為跑緊+跟車太貼
最後斷左路，係山坡到衝落去，不過佳哥同Venture負責做人鍊
係蘇屋解散之後賣甩佳哥就行左過去西九食明將
參與中伏人士有：我、斌、尹sir、簡生、德哥、教主
Round 1：8碟三文魚、8碟鰻魚、8碟八爪魚、8碟螺肉，同8碟唔記得咩黎
期間仲拎左30碟黎食，完左第一輪之後尹sir設伏
Round 2：8碟三文魚、8碟中華沙律、8碟鰻魚
勁灰lo，尹sir又唔食又要叫咁多
我都食左5碟三文魚，5碟鰻魚
最後食完之後，死人德哥岩岩食得落又唔幫手，自己又拎多幾碟黎食
最後尹sir分返佢個袋d野，斌哥就將枝水放入腰bag
意外中唔見左張八達通，不過最心痛係唔見左個八達通套@_@
我去禁錢，斌去報失，搞左好耐，又撞返教主同德哥
返到屋企超悶，難得腸仔約打波，點知又唔夠人取消左
今日尹sir放左超多伏lo，搞到勁多人中伏
Peoples終於幫我開返個GPRS服務啦，用多幾日先
朝早返去彩天集會，多左個黃sir
升完旗步操左一陣就叫左我入童軍室傾野
本身傾下傾下都幾好，但最後做咩變左我一個上GI嫁
如果又係得我一個咁趕黎做咩喎
完左就係學校打波，都唔算打波既
只要有一隊無我同斌仲慘過hea打，都唔認真既
過去食個車仔麵就上順利同5B再打過
腸仔神射手，個波掂框不掂板，仲係上面郁&轉但不跌
蛇怪踩完我左腳腳指尾再踩我右腳腳指尾，之後再踢落我右腳腳根，痛呀
跟住魚鱗打甩我眼鏡仲整損左眼皮
蛇怪再次出招，同我搶波，我質量唔夠大俾佢拉到跟住佢轉
之後隻腳夾我腳，齊齊跌，我做底，搞到隻左手碗整親
佢仲話我夾佢，當時腳既分佈係咁：佢我佢我
咁點分邊個夾邊個呢，仲屈埋佢開波
好在我都唔執輸，籃底射波掉中個框反彈爆魚鱗
之後尹sir勢死跟住斌既指事：唔好望城，望住腸黎守
結果我超大力掉個光速球轉俾腸仔果陣
尹sir無望到波，全程望實腸仔跟住佢走
最後咪爆頭lo，仲撞到應一應，最好笑係個波再直接反彈傳返俾我
諗落如果申請個流動寬頻既話，peoples個gprs又唔cut得，cut左就廢左部heros
所以最佳既方法係3到申請個3G 無限plan，又可以共用落部netbook到，peoples就cut上網keep $35 plan
最衰smartone個3G plan如果當modem用就算無限plan都照計錢
peoples斷plan又要補錢，最衰係補完錢個number都拎唔返，so9
所以我既做法係今個月唔cut上網住，因為爆左分鐘用個上網頂住d先
今個月唔cut下個月又要再交錢[sosad]，最快都要下個月尾cut
咁之後就申請3G plan，peoples number就飛線去3到，帶埋部6288用peoples sms
反正家下無錢，第到二月尾先做最後決定啦~
一早起身無人陪我玩就自己玩
開個分身係第二個國，乜都未升就打國戰
結果係第六，仲殺到三部機，哈哈
仲做埋支援專家，紅國真係好廢呀XDD
之後就返彩天，大約1點就開始執返d文件野
搞呢搞路去到4點先開始集會
集會目的其實開周年大會，終於都甩身啦
開會其間有好多爆笑野
先係傾緊爐既數目果陣佳哥將1隊1個講左做：1人1隊
咁咪又十幾隊出左黎lo XDD
之後就到斌：個爐係咪坐地式嫁？
我(邊講邊認真諗緊)：乜有唔係(爆笑)坐地式嫁咩？
有掛牆式？有火箭發射0空式？
之後膠健同袁卿家將個會變左做小組討論練習
講d野超級官方&標准答案，一開波就：我非常之同意嫁
特別係袁卿家d語氣
影返張團相，搞笑版斌就慘啦，好在無用我部手機影，如果唔係fb見
不過尹sir果張就夠晒正啦
7點搞完晒，打波，8.30先準備走人
9.30返到屋企，再搞埋個windows 7，用微軟個自動電話啟動左lu
咁就應該唔洗煩啦掛~
跟住又同尹sir蛇怪玩超時空戰記，玩到成3點先瞓
點解今日玩超時空戰記會咁lag嫁
上次用notebook玩都ok順，用netbook玩少少lag
今日notebook 好lag，netbook就lag爆，果然係lagbook
爆機都唔知咩事lo，走又走唔到，炮灰
不過都升爆晒三部主機啦
果然呢d game只有開頭好玩
點解？因為開頭少人用點，之後多人用點就開始唔夠玩啦
唔用點升爆都係得5 lv
開頭約睇戲，點知茄子又話唔去
最後轉左做夜晚打波
超肚餓，跑兩野就腳軟仲頭暈
即刻過7仔買個杯麵食再打
完果陣傾踩單車
真係好鍾意即興嫁喎
腸仔又俾人遺忘左，我地走人果陣佢先到
無人話佢知散場XDD
本身今日好有hard，鬧鐘無響不過自己起左身
見時間太趕，無食早餐就出門口
返到去先知bis同nb都唔洗上，同dms中間隔左4粒鐘
早知就唔返啦，結果打波
未食早餐郁兩郁覺得超級攰，都打埋個2on2
輝爺係咁食波餅，兇手就係馬友
我都左中招，有兩串魚蛋
之後就極速抄NB之後交
學校影印計費都幾膠，雙面影印兩張同單面影印四頁都係一樣價
食個M記陪輝爺交身份證副本去元氣，見到太陽仔
佢第一句就：十幾年無見啦
其實一年都唔夠@_@
搭巴士果陣又勁頭痛，吹到頭痛定係唔夠瞓呢?_?
最神奇係返到屋企又無事喎
幾驚真係病呀，因為朝早出門口呀媽見我無著外套：你唔好冷親呀！
我回佢一句：你上幾個禮拜已經咁講
咁岩咁橋病就俾佢抽水嫁啦
就算過幾日熱返但係病左佢都會話一定係前幾日唔著外套冷親啦，你話佢抽水抽到呢….
諗住預約定去拎身份證，點知係我諗完邊幾日得閒之後：對不起，電子服務系統現正非常繁忙，請稍後重試。
等左好耐再試：操作逾時，請重新申請。
又再click多次：對不起，電子服務系統現正非常繁忙，請稍後重試。
好煩呀，照計我閒日去唔洗預約都得啦
今日IP堂上唔上都無所謂，數學堂上唔上都係咁，so今日應該係dayoff，重點原因係四粒鐘lunch
星期二不嬲dayoff
星期三8.30 IP堂一樣無所謂，CF堂因為四粒鐘lunch而唔想上，so應該dayoff埋
星期四正式放聖誕假
Conclusion：今日應該係提早放聖誕假先岩
不過唔好彩，我星期三可能會返去上IP堂，因為我要返學校拎返d notes，放locker既壞處
下星期三又要返去上IP既溫書堂，雖則我識，但係始終覺得返去好d，又成四粒鐘喎，重點重溫
唔星期三先拎notes係因為我計劃緊星期三順便做d野，考慮緊
或者下星期二申請換身份證之後先做，諗諗
好想買netbook，睇中lenovo部s10-2，其實之前都留意呢部，不過果陣無諗住買同無錢買
e家金錢許可，真係超想買呀~~~
返早，不過好遲先出門口，習慣啦
反正呢堂係做lab，又唔係教書，出席率又唔計
返到去呀sir都幾識時務，因為今日我決定左佢再拎我黎做話題就串佢
堂堂都要講，又唔係講兩句就算喎，講又講一輪
搞到我星期一果堂返去都唔知為乜
跟住上果堂NB堂又係做lab，半做半學半抄
lunch去左吉野家，不過無位，轉場去德成
食完坐係果到溫英文，比比佢地就玩GVG
難得有野做大家都無落天樂城
返去上CF，本身諗住返去打機，點知返到去正常位無晒
o左，今日準時返竟然無位，平時遲三個字仲有位選擇一下
坐左係邊位，走友一開happy farm就俾呀sir斷正
之後我set好格局，上完facebook就上yahoo拍賣，竟然有草泥馬呀
好得意呀~~~~~走友係咪真心嫁，生日禮物呀XDD
之後上高登睇改圖，笑都唔俾咩，呀sir走黎捉我上網
大佬，成間房上網既人大把，你望到我就捉我，有d唔公平喎
仲有，個課室係電腦房，上網就預左嫁啦，有本事咪cut我上網lo，我上圖書館
完左本身話溫書，結果係籃球場睇人打波
結果俾我發現一個黑絲，遲d post上facebook，疑似perfect姐
開考都心驚驚，驚唔記得岩岩急住背果d
結果都唔知係咪岩呢，睇落似層層同料充足
做完諗都唔諗就舉手早走，反正都無興趣睇多次份卷，是但啦，應該夠合格既
出到去都係等，等比比佢地
不過出左去可以傾計，可以sms，free咁多，梗係走啦
留係入面又唔覆卷又無野唔記得，咁留係到做咩呢，呢點要問比比啦
走人，搭船轉巴士，開頭仲sms，去到油麻地發覺又攰到頭痛
咪瞓陣lo，一瞓就瞓得好冧，原來電話響過兩次，好在無用wrong hole鈴聲姐
無啦啦sorry sorry naega naega naega meonjeo，仲諗住邊個同我一樣用呢個鈴聲
之後再響先發覺d聲咁近，先知自己響@_@真係未瞓醒啦
諗住今晚早d瞓，結果整整下又11點，間房又被霸左，點瞓呀
話說，早前份java好似有人話請食野，不過好似無左回事
算啦，慣啦，比比餐飯由上年到e家，肥洋餐飯變魚蛋都仲未請
睇完唔洗急住請，咪搞到我好似追債咁
等我遲d窮果陣記住請就得啦XDD