琴日瞓覺又係咁lo，無啦啦走人黎尋寶
之後又係到打機
整到人地瞓唔返之後就自己走去瞓
嬲到唔洗睇馬會都已經直接決定唔返朝早果堂
就算返，去到都係瞓
而且又無錢用，食少餐好過啦
返下午果堂英文，之後就上OSA
俾馬友捉左去食野，本身都無諗過
但佢講一講又想食……..食野都係癮黎既
唔知點解真係食極都唔飽
返8.30既朝早一個麵包到10點就肚餓
死忍到lunch就算食個多飯，3,4點又食個撈麵加底
返到屋企個dinner食三碗飯飽晒但係12點又肚餓……
問題係我食極都咁瘦，食極都咁輕….
放學諗住落天樂城玩幾蚊，但見到YEUNG，轉場落機城
認真咁玩都玩到無癮，係咁撞黎撞去，請人食野再等返人再玩過
真係夠晒過癮，本來就最後5km認真，不過今日就玩到尾
但有人好似唔係咁喎！！！
後尾有個KILL落黎挑我同比比仲有顏麒
開頭就認真咁玩，點知條友廢到爆，只係識直插
我贏左之後比比同顏麒走場
黎左個KILLS仲有個帶女朋友黎威威既人
我一見到帶條女黎就即刻心諗：等我收你皮先
開頭我正經咁玩，之後見有女果個乜彎都炒仲阻住晒
咁我就發圍上去爆佢呔收佢皮
之後形勢大好，轉危險彎都無問題，點知最後閘唔住KILLS玩完
又唔記得睇KILL，如果早多0.5秒反應佢就撞入角我就多粒星嫁啦
後尾先知道，原來條女係到拍片，嘿，廢J就咪扮勁啦，仲要有證據俾人收皮
諗住搭103，不過急尿，去左快活林借廁所，走左架車改搭船
之後轉巴士果陣先醒起好似話有波局，不過都7點，最快都8點先打到，算數lu~
呀媽都係咁問我月結單，我等老豆瞓左就直接同佢講係12月尾拎錢俾佢，即係生活費計到3月尾
佢就係咁話我用錢用得快，呢樣果樣
我又廢事講我買左部netbook，如果講左就應該有錢回水，不過就一大輪佛計lo
而且我不嬲買呢d野都唔預要人回水俾我既，自己買自己用
最後呀媽就話今個月俾千四蚊我，之後黎緊果14個月都係千四，即每月扣100
佢仲講埋係要扣返千五俾佢
問題黎啦，今個月千四，total 15個月千四，即扣了1500
照計應該係借千四還千五lo變左
不過都廢事出聲啦，有錢用就夠晒啦
而且都係一百姐，睹少場波都係返到啦，廢事又一輪耶穌換100
等比比同leo係紅磡食完早餐就去美孚會合
馬友佢地就上早一班，比比話見到佢
結果馬友佢地成班人由車尾行左去車頭搵比比XD
本身就係奶強話佢地係香港仔搭巴士死左火，叫我地同Miss講等下
點知結果就係奶強早過我地，調返轉要佢同Miss講等下
去到上架旅遊巴，真係晒鳩氣
架車由元朗站行返去錦上路，之後再入少少，果少少條路又窄又凹凸不平
真係行路入好過，整得旅遊巴就好心你係九龍接我地入去啦
去到一開始玩過小遊戲，比比又出狗招，不過就害人中害埋自己
之後又教整筷子同起火，佢d燃料靚到無得比lo
開始backwoods啦，話要起個天幕先
眼見個地下似硬地，要將成枝樹枝打入地下當營釘又真係過份d
可能因為呢排食藥，個腦都轉慢晒
所以我只係諗用A字架拉開兩邊算數
點知結果個所謂硬地原來係泥地，輕輕鬆鬆就入左去
當然玩火我要參與一份啦
本來我就放左d極幼枝諗住著左先，點知朗尼佢地又係咁加竹枝
結果就晒左兩枝火柴，得返一枝，重整旗鼓之後一點
個導師抽抽水個火正常著左，搞到成個功勞歸晒佢
都算啦，咁開頭最大粒個大佬話佢要我地明火燒雞
你要明火就梗係大大火直燒隻雞嫁啦，點知個導師就係咁話太大火
仲一野整散晒個柴架，之後仲叫我唔好加柴，話太大火啦
我屌你咩，個火熄撚左啦，我都廢撚事理佢，唉，行埋一二邊
慢慢玩下柴算啦，起碼唔洗對住佢先啦，又話明火又話太大火
我真係贈你一句：你懂甚麼？
我完全放手唔理啦，最多就整下筷子，要用竹黎整，佢話筷子頭要圓
我就唔理，木筷子頭都係方嫁，我就整到要自己』拍』斷黎用XD
玩柴果陣，比比一野掉左舊木去隔離間屋後面既樹到
點知俾人見到，佢仲話係樹上面跌落黎[sosad]
結果得出黎隻雞又ok喎，d蛋又好味，飯又ok，麵包就衰左
哈哈，算係咁啦，無人教整出黎仲好過班scout呀XD
最後個總結，個Miss問我今日有無咩困難，我就話：最大困難咪你lo
呀，佢又聽唔到喎，我咪求其答：無困難！
佢就問我點會無嫁，又問我做過d乜，話我好似無做野
我心諗：我玩火果陣俾你鬧完我都廢事理你，幫手整筷子仲係到嘈
閃人之後本身諗住搭輕鐵去市中心，點知614就唔搭，搭左610
去到好入之後先知搭錯車，結果咪落車再搭返轉頭lo
點知果個站叫：青山村
我問比比：你都係想帶我地入黎姐[sosad]
期間有個細路無啦啦衝出黎，部輕鐵急break到仲勁過地鐵果隻
個細路差半步就撞死佢，人家一直再說他在玩命
終於去到市中心，打左陣機，俾人喪鳩夾到無癮，打故仔
之後肥洋玩，贏兩鋪………唉，神洋mx5
之後食野，我食m記，補返lunch果餐，double足三兩再加大
lunch果餐衛生到都唔敢食，只係食少少試下味，食最多都係d飯
leo哥洗左唔少，dinner都洗完一碟再洗一個飽
同比比搭巴士返歸，都係打機累事
見咁多一蚊咪入錢lo，點知返到黃大仙先醒起
轉乘優惠要八達通嫁[sosad]
馬拉松服務，晨咁早就要去尖咀
12點諗住瞓3粒鐘，點知瞓左半粒鐘大哥入黎食旺旺
屌咩，佢本身已經係廳食緊野，又打緊psp
無啦啦走入房食旺旺打psp
次撚次都嘈醒人而人地又瞓唔返果陣佢就走去瞓覺，仲要扯晒鼻寒
真係嬲撚到丫
結果一瞓就瞓到3.30，好在斌打黎
我明明set左鬧鐘，而且斌又sms又msn，我無樣聽到
隻藥都幾勁，汗…..
刷個牙換埋衫即出
尹sir佢地又唔知咁早做乜膠
本身佢地照返果個時間去都早好多
因為佢地5.45要到維園，而d車要7點先到，係車到之前係完全無野早既
而佢地同我地一樣時間出門口，真係…….
去到尖咀企左陣就開工，開頭就慢慢放，之後就少少掉
跟住係無得你唔掉，因為一來又高，二來d行李袋黎得太密
果日又熱，架貨櫃又焗，我地要係咁轉位輪流吸新鮮空氣
之後又要我地閂貨櫃唔接』客』準備走，但就等左幾耐下
斌、kk同華年就坐後面焗焗位，我就坐司機隔離
開頭好悶，靜晒係到，後尾佢聊我吹水
本身諗住到，點知要跟機，唔俾入住，結果就入左內街等
等左好耐先入返維園，開工~
落貨、排number、數數目、大叫number、搵行李
企企企企企企企企企企企企企企企，好攰lo
最後全馬果d，華年同個女仔鬥快拎，結果俾我cap到張不得了既圖，見fb
完左之後本身諗住食飯，不過食完又無野做，而且又唔覺得肚餓
就直接同尹sir截反巴士站搭車走人
果d類固醇都係少』查』為妙啦，反正唔覺有用
夜晚食果隻藥可以令到我成晚瞓唔洗醒
終於有覺好瞓
不過始終咁多日既睡眠債，利息都唔夠俾啦
朝早隻藥又係勁野黎，諗住唔返，不過下午又要去留言姐到拎電腦
係咪都要出，迫住返學算數
本身諗住星期六再瞓，點知醒起星期六朝早有補堂
返到學校頭果兩堂LT21都係瞓覺
完左果兩堂落樓下買罐咖啡先
比比：你食緊藥喎，會唔會唔係咁好呀
我：下，唔知呀
比比：係直頭唔好lo
我：都禁左lu
因為佢地話落尖咀打機，咁我咪唔食藥直接飲罐咖啡算數lo
上果堂OOP，又後悔，個呀sir始終都係咁問我，我又答岩，但佢總要搵骨頭
果堂又係唔覺有教新野lo
落到尖咀食個日本野之後就打機
完全無態，玩左幾鋪都唔想玩
比比玩緊果陣個呔由偏左變左上下反轉
我都係後尾先知偏左，難怪轉左灣無力，成日撞，搞到好似無態咁
後尾同留言傾完電話諗住食藥，諗諗下機鋪食藥唔係咁好
之後出左門口先食，過到葵芳拎完部電腦就搭返黃大仙
多人既原因廢事搭巴士，又行上去
唉，藥效發作，上條天橋都要分兩轉行…….
見夜晚又出去打波，所以都廢事食藥
好在上到順利果陣藥效散晒~都打到波
尹sir跌果野笑左，點知魚鱗怪跌得仲型
尹sir~唔差在啦，踩腳仔，佢一走就p左k lu~
半推半就去左留言姐屋企整電腦
開頭我諗住佢拎部機黎我到就會多工具d
但去佢屋企又有得撚狗喎
結果就去左佢屋企
本身我話我無錢，要返車錢同飯錢就夠，結果賺左二百Yeah~
去葵芳仲要轉巴士，先食個飯再買零食後就坐巴士上山
去到佢屋企就見到好多花係地下，丫原來係海綿，原來隻狗仔咬爛晒d野
等清完場我就開波，整呀整，牛都換左都唔得
再清下佢個風扇d老泥，靜左好多，再整返著個power燈同hdd燈
整左好多唔關事既野，始終問題我都整唔到
因為佢個光碟機壞左，連超必重裝都出唔到
最後被迫搬佢部機返屋企，見背住個背囊又抱住部機，搭211麻煩
最後抱住行路返去………..
返到屋企隻手個關節爽到唔識形容
沖個涼邊食飯邊整佢部機，換個光碟機落去好整好多
起碼行個command去chkdsk都好丫
點知個解決辦法就係chkdsk修複返少少既錯誤就入得返windows
幫佢換左個防毒，update埋d野就整返d線去呀哥部機俾佢用
完工瞓覺
返8.30，第一堂DB，點解好似講到好複雜咁既
第二堂CN，都係佢教得好d，好過上學期個細龜
肥洋自己跟住無堂，但就捉我地落尖沙嘴灣岸
我地不嬲都好公正既，擇高治…公字先岩
GO就Go…公就去
最後咪又係過左去，朗尼返左半粒鐘就跟我地走@_@
聽說Program堂無野教，定還是佢地唔識呢@_@
不過今日好眼瞓，完全無態，但係贏到
贏只不過是肥洋亂玩，佢認真仲邊有得贏丫
做左山路鬼王，因為肥洋做鬼王之後整個水鬼俾我
唉，係咁撞，贏到個鬼王都唔好意思，好在無人睇到咋，相都廢是影
發覺自己越玩越唔識玩咁，山路以前打TA最多都係某幾個位撞
e家就撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞
連板神都有三個彎唔多識轉
名古屋個紅彎都搞唔掂
玩咁耐都無條拿手既路，灰
也許只可蝦新手吧，算吧
又去食M記，食完搭巴士走人
真係好眼瞓lo….瞓到親d過站
點解呀媽點極都唔明，鬧埋仲係咁嫁
d野又唔係我既，你問我要唔要做咩姐
係咪我要就送俾我，唔要就掉得無手尾跟先
d野唔係我，佢地放到亂晒又關我事
無啦啦走黎鬧我，你估我想嫁咩
如果我揸得主意，我一早掉晒佢啦，不知舒服幾多
本身諗住準時出門口，點知又係肚痛，唉…
返到去仲係到講返上星期個project
過完第一堂，馬友落去食野又唔叫我
等佢上返黎我再問佢，本身諗住玩下佢，點知佢話去@_@
要食就梗係188食啦，食魚蛋都抵好多
個老闆話我搞笑，又話我串d fd…….
食完野返去上埋果半粒鐘都唔夠既堂
Miss開左個網上點命系統，開左馬友張卡，原因不明，應該都有我份
超，怕咩姐，點相lo，我又唔驚你既
落堂果陣Miss話要我地改題目，上堂果陣又話無問題
求奇改過俾佢算，唔係點姐，落堂先叫人改，又要人即交，on9
之後上OS，又係邊netbook邊聽書時間
放左搭船閃人，轉巴士之後無啦啦肚痛
之後無事，瞓覺，到旺角果陣尹sir打黎整醒左我
傾左兩句個肚就開始痛，點知尹sir話等陣再打黎，果陣仲係眼瞓mode
過多幾秒電話再響，果陣已經變左辛苦mode
所以全程無乜出聲，講左兩句之後都係決定：唔講啦，係咁啦
已經唔係爆痛咁簡單，係突破緊防線果隻痛[sosad]
放左個屁舒服d，我梗係扮唔係我放嫁啦
仲扮野望下人再開大d個冷氣XD
之後都瞓唔到啦，係架車到chok下chok下已經慘
仲要落返下層，落完車又要上樓梯
行慢d又辛苦，行快d既話d廢物就跟住快d咁突破[sosad]
最衰都係尹sir
朝早提早兩粒鐘起身
考試還考試，點都要Happy Farm左先既
之後溫溫溫，再溫再溫再溫
完全記唔入腦，奶強話呀sir俾左個數用黎對balance sheet既答案
書都記唔到，仲要記住三組數字，每組六個字，咪仲難
係呢個時候梗係要出動考試工具二號，考評局批准使用既計數機
係program到入晒三組數字
最後好亂黎咁記左六項必出既
mc只係知得幾題必岩，其他都係要運氣
考完先記得呀sir講過mc比例：2:1:3:4
但係我做左：2:3:2:3
mc完左就梗係長問答啦，望到第一題好似好易咁
亂咁吹，盡吹，狂吹
第二題唔識，飛；第三題識識地，飛左先
第四題Balance sheet，發達啦！
仆_，中伏，同notes講既容易差好遠lo
第一個分題已經唔識計，第二個分題畫balance sheet
你點識都好，無左第一分題既答案就講定再見啦
亂黎咁俾我寫晒呀sir果三個數上去再求奇畫左個表
答案我都知係得0分嫁啦，因為都錯既，希望呀sir學返我亂黎咁俾返少少分
做返第三題先，又係唔記得d分類，都無計，用常理黎吹lo
第二題既第三分題叫人寫三項small business，好似好易吹，咁咪寫左先
第五題，又係亂吹
之後對返d題號，好在姐，5選4我答晒4條，第二條仲要得三個生字，刪除
唔理啦，早走左先，比比肥洋坐晒係出面咪埋去吹陣水lo
好在刪左第二題，諗住最易寫，點知get錯左，我寫左3 of name，問題係3 type of name
今次BIS考試結論：成本簿就好多字，睇落就好有料，實際上諗返我果d係亂吹
仲慘過network同dms，起碼network同dms都叫做有個底
考完試就梗係去灣岸返轉啦，都成個月無玩lu
之後去左銅鑼灣行左陣
下次我都係搭港鐵算啦，搭巴士都無正位坐，難得係九巴有得瞓
比比約我玩灣岸內容on 2010/01/19
比比：星期四去唔去尖咀打機呀？叫左肥洋啦
我：睇下聽日考成點先啦
比比：考成點都無關系嫁
我：如果聽日死晒咁我後日咪拎一千蚊去機鋪
(後來知道比比心諗已經中左我個伏：1000咁豪)
我：唱$40玩
比比：@#!@!#@!#(取材至大力笑話)
比比生日快樂呀，又老一歲啦老餅，祝你快高長大XD
超眼瞓，呢排都係朝早喪俾呀哥嘈醒，結果再瞓得著就係電鑽開工時間
迫住起身，指定動作：去農場收成同偷野
之後執埋d手尾終於決定返學
返到學校無門入，因為full晒要第二輪
10條mc用常理答，中6條
之後就聽呀sir d tips，記低記低
拎晒locker入面d notes就同比比、肥洋、leo、顏麒去尖咀，無上cf
生日大晒，無計
去到尖咀叫都叫唔住肥洋，佢自己一個走左落機鋪
講好左話食野先加嘛，吉野家，好彩食吉野家
唔記得銀包得返$20，趕返學無禁到錢，好在$19下午茶
之後禁返$200，肥洋已走去睇衫
等左好耐好耐，肥洋返黎，一齊觀戰
之後比比、leo、顏麒玩高達，肥洋又走人都唔出聲
等左好耐終於跟到一部機，比比玩左幾鋪之後到我
我見時間都差唔多，唔會玩晒$20，咁岩7次後車檢，good，岩岩好用晒就走得
佢地超煩，又唔太算打team，不過好煩，唔係C1就山路，1:2既比率黎玩
痴線，山路又唔係勁，又係都要玩山路，有個人又成日代玩山路
後面有人話我：追唔到，無得追
佢地個個彎都食彎心塞住晒，咁我梗係唔俾佢地過我咪塞返後面lo
仲點有時間追前面呀，咁多聲，收皮啦
條女又煩，成日自己撞貨櫃之後一野塞住我/比比，咁我咪請佢食角lo
話我無風度都係咁嫁啦，佢咁塞住，起碼超過半成係佢搞到我包尾
我玩完比比再玩多幾蚊咁就走人
真係喪玩山路玩到悶lo
本身今日已經攰，仲要企咁耐跟機，之後又打機，好眼瞓
諗住巴士到瞓啦，點知瞓極都瞓唔著，慘…
本身呀哥推薦MSI既U210，預載Win7，我最好係呢樣，仲要雙核，的確正，有d心動
之後睇到MSI既U230，又係win7，新雙核，勁好多，打埋機都得，可惜未出
呀哥話幫問下幾時出同個價，不過未問到，話要聖誕假後
佢講一講我就開始重新考慮呢兩部同S10-2，我最多都係webgame，所以唔打機都ok
睇高清當然有就最好啦，不過睇youtube有幾可開高清1080p，dl既時間仲耐啦
s10-2的確夠細部，方便周圍拎，不過個mom就細d，聽說會睇得吃力d，玩Happy Farm咪要拉黎拉去lo?
不過都好似s10-2岩我多d，希望唔會後悔啦，如果聽晚都未問到就決定s10-2你啦~~
