買左利記點知佢反輸1:0
好在仲有華倫西亞補返d貨
返10.30，cn堂，兩張證書到手
食個lunch第一次早到拍唔到卡
oop真係晒氣，用itouch玩大富翁
之後上osa，個呀sir屎忽到甩我上網線
跟住又俾一大份工作紙我地做
我叫極佢都唔應，走友佢地問完就叫人自己研究
呀sir喎，自己研究我洗乜返學呀
認真咁做份野，飛左幾條到落堂都做唔晒lo
又要人照交，全班無個做得晒
放左學就過天樂城打陣機
開頭就四部自己友係咁玩撞
馬嬲又唔合群自己走左去[sosad]
之後有1個黎挑我地3個
開頭無打team，不過條友過份到轉彎直插
咁我咪留後夾爆佢lo
丫，佢又咁有癮仲去唱錢同我玩
之後我同比比無錢走場，我用leo部車挑果條友
都無得鬥，認真走佬佢又追唔到
唔認真夾爆佢佢又走唔到
星星就是這樣R的
最後就到兩個呀_黎挑機
部rx8俾人推爆左，走人
leo部rx8真係豆腐到…..又0速度感，又唔甩….
搭港鐵，有個呀叔衝入架閂緊門既車，最後：
女：你隻手摸緊我大脾呀！
叔：唔係呀
女：(望)唔會唔係lo
……..
女(傾電話)：繼續！
———————————————————-
之後我去到油麻地轉車啦，聽到一段對話，唔通得我一個真心？
女：你唔好用新果d mask嘛
男：…………………………………………………….
我(心諗)：唔通用二手果d？定係琴晚隔夜果d？
女：你用返你之前用開果隻咪得lo
———————————————————-
聽說鑽石山多左4部灣3，亦聽說10號優先轉DX+，又聞德褔VZ都係

又會咁好彩抽中我做家訪嫁學生支助辦事處
佢打俾我之後我話要同呀媽firm左個時間先再打俾佢
記得既時候係食飯時間，再記得既時間已經係放工時間
聽日要記得啦！同埋補考錢要交啦，唔記得交就慘啦

邊返學邊同馬嬲仔sms，佢去左泰國旅行
漫遊sms價值$2起，我同佢起碼有十個，佢話預左so無所謂
醒起去check peoples月結單，WoW，好野呀~~
佢真係計我736分鐘，無爆分鐘，只收我下個月預繳$35
太正啦，原來peoples係咁好嫁，繼之前百幾蚊交六十之後又一力作
本來仲諗緊交埋呢個爆分鐘月費之後要點過，e家都係唔夠錢，不過好好多
可惜peoples無3g網絡，又少人sms，所以合約完我都係拎個號碼去取代e家個plan
劇情繼續，去到太子果陣輝爺話今日考試，又唔早講
返到去諗住好快搞掂，點知network果份我都做左成粒幾鐘
leo就唔合格一份39.2，另一份撞到合格
呀sir超唔憤氣咁同助教講：呀~俾佢撞到合格，要俾張證書佢喎
小新39.8，呢個真係sosad but ture
呀sir鬧佢：喂！e家唔係鬥低分呀，唔洗咁開心呀！
之後佢地去晒食飯，我仲做緊第一份，呀sir仲話我好認真咁做
唉，network，我唔多識咋，計ip同subnet都好亂
最後都係車邊咋，41.6分，我都唔好意思俾呀sir睇
之後就拿拿林做CF果份，睇落好易做，一到唔多識既題目就睇都唔睇撞左佢算
因為都無心機做，做左成粒鐘都係四十頭，所以都係加d運氣算啦
呵呵，CF果然係容易好多，六十幾分~~~~兩張證書齊晒~
走人，叫比比幫我加位同叫定個飯，又肚餓，平時都有排等，叫定先
食完又落天樂城玩幾蚊，有個無料扮四條既人，俾我係咁閘住佢
因為佢好煩，成日直插，佢直插我咪閘再break lo，同你一齊停又點話
跟住又成日同比比換位頂住佢，到最尾就一個放到衝線，另一個就係整停果條友
最後趕走左佢，三個new hand俾比比R星，最後我落黎R返佢
幾日都係無肥洋既情況唔理攰唔攰都可以發揮水準，so~blacklist
走左堂無聊既OOP之後返去上三粒鐘既OSA
唉，仲悶，係到教管理user，我完全識lo，做完又係無得早走

洗唔洗咁緊張呀，紅磡塌樓之後大角嘴又話有裂縫 居民紛紛逃出
有個冷靜既人話果條裂縫已經二十年前嫁啦@_@
之後見到個仲好笑：天水圍多個單位天花掉油漆
油漆咋，驚乜呀，石屎就話驚姐

岩岩睇新聞，有個呀婆係大廈既高處跌落黎，壓到一個女途人，兩人當場死亡
之前係彩虹見到有人跳樓之後一直好驚既事真係發生，跳樓壓死人[sosad]

去上個氣象班??聽個講座姐其實
本身我遲少少嫁姐，等埋尹sir同盧仔就遲左半粒鐘
一入到去，嘩，好似入錯地方咁喎
全場得我地三個咁後生
原來我地無遲，因為我地入去仲講緊開場白
開頭果粒鐘好正經，不過都有笑位
如果架飛機九乘墜機既，無理由為左個十乘而去坐嫁？
get唔到既自膠；之後放break
盧仔終於可以食朱古力，不過原來有西餅食
盧仔：$10個course有咁既招待，食多幾件回返本先啦
點知一食就變左樣，我問佢係咪中伏，佢話：直頭啦
之後到飛行服務隊講(關事？)
開始放鬆啦我地，係咁搞gag，不過細聲講細聲笑
講講下佢話：我地會24小時Surprise既
我就幫佢對照返：我會fully Surprise你嫁，你係咪覺得好Support呢
跟住佢俾左張圖我地睇叫我地估，一架直昇機拎起架車，要估咩車
我第一時間爆：雪糕車lo
即刻俾人ban：唔係雪糕車
原來係炸彈處理組果d車，不過個樣真係成架雪糕車咁lo
因為佢地講過飛行服務隊會為VIP服務，例如載人同埋載貨
咁我就話：有個雪糕車老闆call架VIP載架雪糕車上山做生意既情景黎咋
原來有證書拎嫁，不過大陣象左d，逐個逐個拎同影相，不過好快轉左幾個幾個黎
最後散水入廁所換衫，短衫短褲+風褸，下身涼陣陣
跟住尹sir真係時間都晒左，行黎行去結果又咁好彩俾佢搵到第二架小巴
上左盧仔屋企坐，之後落返M記食晚飯，斌都到埋
我就係到爆尹sir大鍋，尹sir有日問我咩叫葡萄，我叫佢估，佢話：嘗杯酒？
no死撐啦影帝，這個舊名都要再重現出黎啦
再搭小巴過順利，搵埋細傑同周宏B就過波場，等埋蛇怪先有波打
d人開始黎齊，12個人，又真係幾多喎
係咁3on3，跟機跟機再跟機，實規幾粒鐘打左三四場…….
返到home 11點，搞呢搞路12點繼續煲柯南電影
一早就想繼續煲，成日想瞓多d精神所以無煲到，不過瞓成十幾粒鐘都唔醒，煲咪煲~

今日又準時返學…..點解既？唔知呢~
上堂傾計屬正常現象，不過都好細聲姐
Miss話我地講佢就唔講喎，好呀，鬥耐性lo
你咪等下lo，我就唔會停既，繼續討論討論~
結果miss又咪忍唔住繼續教~
教唔晒係佢問題，唔聽先係我地問題
所以miss邊會忍到呀，呢d技兩中學先有用
因為鬥等之後放學係留堂，e家你都無得留堂，就算有我都走堂la
其實問題係出至佢教writing，基本上你唔洗學
問乜就寫乜，內容齊晒就算唔跟次序，格式錯d你都合格
更何況寫信既格式咁simple，驚乜
今日派返上年英文既證書，乜有嫁？
唔派仲好，一派就恨奶強入骨，佢幾好人咁賞賜左個1A俾我，搞到我拎唔到18分，雖則已合格
之後上CF堂，無乜特別，時聽書時傾計，正常~

聽日放假，咁岩走友打波咬柴，聽日唔洗出街，一齊L4D2啦
肥洋話比比約聽日尖沙咀，15/16，又無錢，但又有卡可以賣，不過又唔想出街，後日又睇戲
點好呢~~~~~~~~~~~~~~~~~~~~~

篇野會長d，但會好笑，請睇晒全部~

雖然膠斌佢地上環保班話好好笑，但點講都好，無親身經歷都唔夠
今日個消防班就真係笑死啦

本來我都唔知今日有野做，仲諗住又悶到嘔
點知琴晚膠斌係到講今日消防班，佢講到好似個個都知咁
但其實我地連錢都未俾，幾時上都唔知lo=.=

琴晚瞓之前醒起帽係童軍室，諗住叫華年但佢又無key
好lo，自己返lo，點知又醒起對鞋都係童軍室
好lo，帶衫返去換lo，點知…..衫呢？原來都係童軍室@@
返到學校見到M仔，佢係到執野
因為教員室裝修，所以童軍室係佢d野既避難處
換完衫同華年、KK一齊坐返去WTS，唔記得左』輕家』
簡生黎到好好奇咁問：要著U嫁？！
之後中黎中去，好似迷路咁，最後沖左返屋企換衫
斌哥又遲到，成日話我遲，燒雞講佢會有咩借口，盧仔就話驚出汗
斌哥遲15分鐘，去到區會之後坐左陣，簡生到左，又俾佢趕得切

班領導人』莫文佳』介紹各講師既時候有個叫』吳順德』，即笑
之後介紹』李榮峰』果陣話：佢就係專章….專章…………(超細聲)既團長
我即刻同自己友講：呢個專章可唔可以考嫁？

『莫文佳』講解某part時個powerpoint顯示其中一項：走火
又笑，我地真係幾鍾意笑嫁，點解唔係走火警，係走火呢XD
因為H1N….HN1N…………H.1.N.1既關系我地無得參觀消防局做消防大使

之後由』吳順德』講6個talk
1)火三角(必須及充足的氧、燃料、高溫)
2)火的種類(固體：紙；液體：火水；氣體：氫；固體金屬：鉀；)
3)閃點(物體到達釋出可燃氣體的最低溫度)
4)閃燃(可燃氣體燃燒)
5)回燃/爆燃(在密封火場燃燒了一段時間，氧氣含量低，此時大量新鮮氧氣進入火場)
6)煙的發展(白煙->黑煙->濃黑煙->火越黎越大->黑煙在天空積聚->黑煙移動急速->黑煙燃燒)
其中問到：燒完有d咩呀(有人答：有灰) 燒完緊係有火(燒完有火咁山火幾時先熄？)
好似d柴著火,你淋d火落柴道，d火點淋呀XD？

『李榮峰』跟住就講滅火裝置
發覺區會原來得滅火筒，仲要收得好埋，最大既出口都鎖埋，火災真係死梗lo
介紹滅火毯既時候講左做防火毯，張毯用黎救火，唔係防火嫁喎
當佢講錯字既時候俾我地串，佢回一句仲衰：你唔好咬我個字啦XD

之後玩繩結
1)稱人結
2)雙稱人結
3)消防椅結
4)馬賊結
5)葡萄牙稱人結姐
6)活結
稱人結咪稱人結lo，又乜雙稱人結同葡萄牙稱人結姐=.=
兩個我打黎打去都錯，後面果個最後都算識，前面果個點玩都錯
最好笑係最後我教尹sir學吳順德咁教：
拿一個圈，之後穿上去，唔好咁多，真係唔好咁多，之後咁樣抽晒四條繩出黎，好啦，咁咪錯左lo
之後成場即刻笑晒
盧仔同我一樣玩黎玩去都唔識雙稱人結，但爆左句：我重係唔識個雙企人結點打

黃冠龍話諗住我地簽名簽正寫，等張證書可以中英文名
再講：你地簽到我d字跡咁，睇唔到就無嫁啦bo
跟住我勁大聲爆句：似你d字跡咪識睇lo
全場又再大笑

最後講d濕碎野果陣指住個鐘話：望下呢隻錶，慢幾個字嫁
我又同自己友講，我想帶呢隻錶出街XD

閃人去食吉野家，點知10點唔再賣野lu，食M記要過黃大仙中心因為龍翊果間唔係24
燒雞話食KFC， KFC都唔係24啦，但又要跟晒佢去，最後又死返去黃大仙中心
買野又要等勁耐，坐低左開始吹返岩岩d笑野
之後吹吹下又吹勁歌d野，又話黃宗澤，點知我講既時候變左黃宗閘
膠健發威：消防裝置： 黃中閘 – 閘火之王

結論：我地146th去到邊都係最嘈嫁，特別今次識咁多人，梗加open

暫時記得咁多笑料，再有既會後補
點解我要講埋教左d咩呢，其實係mark低俾自己睇，因為遲d筆試，又無notes~