等比比同leo係紅磡食完早餐就去美孚會合
馬友佢地就上早一班，比比話見到佢
結果馬友佢地成班人由車尾行左去車頭搵比比XD
本身就係奶強話佢地係香港仔搭巴士死左火，叫我地同Miss講等下
點知結果就係奶強早過我地，調返轉要佢同Miss講等下
去到上架旅遊巴，真係晒鳩氣
架車由元朗站行返去錦上路，之後再入少少，果少少條路又窄又凹凸不平
真係行路入好過，整得旅遊巴就好心你係九龍接我地入去啦
去到一開始玩過小遊戲，比比又出狗招，不過就害人中害埋自己
之後又教整筷子同起火，佢d燃料靚到無得比lo
開始backwoods啦，話要起個天幕先
眼見個地下似硬地，要將成枝樹枝打入地下當營釘又真係過份d
可能因為呢排食藥，個腦都轉慢晒
所以我只係諗用A字架拉開兩邊算數
點知結果個所謂硬地原來係泥地，輕輕鬆鬆就入左去
當然玩火我要參與一份啦
本來我就放左d極幼枝諗住著左先，點知朗尼佢地又係咁加竹枝
結果就晒左兩枝火柴，得返一枝，重整旗鼓之後一點
個導師抽抽水個火正常著左，搞到成個功勞歸晒佢
都算啦，咁開頭最大粒個大佬話佢要我地明火燒雞
你要明火就梗係大大火直燒隻雞嫁啦，點知個導師就係咁話太大火
仲一野整散晒個柴架，之後仲叫我唔好加柴，話太大火啦
我屌你咩，個火熄撚左啦，我都廢撚事理佢，唉，行埋一二邊
慢慢玩下柴算啦，起碼唔洗對住佢先啦，又話明火又話太大火
我真係贈你一句：你懂甚麼？
我完全放手唔理啦，最多就整下筷子，要用竹黎整，佢話筷子頭要圓
我就唔理，木筷子頭都係方嫁，我就整到要自己』拍』斷黎用XD
玩柴果陣，比比一野掉左舊木去隔離間屋後面既樹到
點知俾人見到，佢仲話係樹上面跌落黎[sosad]
結果得出黎隻雞又ok喎，d蛋又好味，飯又ok，麵包就衰左
哈哈，算係咁啦，無人教整出黎仲好過班scout呀XD
最後個總結，個Miss問我今日有無咩困難，我就話：最大困難咪你lo
呀，佢又聽唔到喎，我咪求其答：無困難！
佢就問我點會無嫁，又問我做過d乜，話我好似無做野
我心諗：我玩火果陣俾你鬧完我都廢事理你，幫手整筷子仲係到嘈
閃人之後本身諗住搭輕鐵去市中心，點知614就唔搭，搭左610
去到好入之後先知搭錯車，結果咪落車再搭返轉頭lo
點知果個站叫：青山村
我問比比：你都係想帶我地入黎姐[sosad]
期間有個細路無啦啦衝出黎，部輕鐵急break到仲勁過地鐵果隻
個細路差半步就撞死佢，人家一直再說他在玩命
終於去到市中心，打左陣機，俾人喪鳩夾到無癮，打故仔
之後肥洋玩，贏兩鋪………唉，神洋mx5
之後食野，我食m記，補返lunch果餐，double足三兩再加大
lunch果餐衛生到都唔敢食，只係食少少試下味，食最多都係d飯
leo哥洗左唔少，dinner都洗完一碟再洗一個飽
同比比搭巴士返歸，都係打機累事
見咁多一蚊咪入錢lo，點知返到黃大仙先醒起
轉乘優惠要八達通嫁[sosad]
去上個氣象班??聽個講座姐其實
本身我遲少少嫁姐，等埋尹sir同盧仔就遲左半粒鐘
一入到去，嘩，好似入錯地方咁喎
全場得我地三個咁後生
原來我地無遲，因為我地入去仲講緊開場白
開頭果粒鐘好正經，不過都有笑位
如果架飛機九乘墜機既，無理由為左個十乘而去坐嫁？
get唔到既自膠；之後放break
盧仔終於可以食朱古力，不過原來有西餅食
盧仔：$10個course有咁既招待，食多幾件回返本先啦
點知一食就變左樣，我問佢係咪中伏，佢話：直頭啦
之後到飛行服務隊講(關事？)
開始放鬆啦我地，係咁搞gag，不過細聲講細聲笑
講講下佢話：我地會24小時Surprise既
我就幫佢對照返：我會fully Surprise你嫁，你係咪覺得好Support呢
跟住佢俾左張圖我地睇叫我地估，一架直昇機拎起架車，要估咩車
我第一時間爆：雪糕車lo
即刻俾人ban：唔係雪糕車
原來係炸彈處理組果d車，不過個樣真係成架雪糕車咁lo
因為佢地講過飛行服務隊會為VIP服務，例如載人同埋載貨
咁我就話：有個雪糕車老闆call架VIP載架雪糕車上山做生意既情景黎咋
原來有證書拎嫁，不過大陣象左d，逐個逐個拎同影相，不過好快轉左幾個幾個黎
最後散水入廁所換衫，短衫短褲+風褸，下身涼陣陣
跟住尹sir真係時間都晒左，行黎行去結果又咁好彩俾佢搵到第二架小巴
上左盧仔屋企坐，之後落返M記食晚飯，斌都到埋
我就係到爆尹sir大鍋，尹sir有日問我咩叫葡萄，我叫佢估，佢話：嘗杯酒？
no死撐啦影帝，這個舊名都要再重現出黎啦
再搭小巴過順利，搵埋細傑同周宏B就過波場，等埋蛇怪先有波打
d人開始黎齊，12個人，又真係幾多喎
係咁3on3，跟機跟機再跟機，實規幾粒鐘打左三四場…….
返到home 11點，搞呢搞路12點繼續煲柯南電影
一早就想繼續煲，成日想瞓多d精神所以無煲到，不過瞓成十幾粒鐘都唔醒，煲咪煲~
返8.30，第一堂DB，點解好似講到好複雜咁既
第二堂CN，都係佢教得好d，好過上學期個細龜
肥洋自己跟住無堂，但就捉我地落尖沙嘴灣岸
我地不嬲都好公正既，擇高治…公字先岩
GO就Go…公就去
最後咪又係過左去，朗尼返左半粒鐘就跟我地走@_@
聽說Program堂無野教，定還是佢地唔識呢@_@
不過今日好眼瞓，完全無態，但係贏到
贏只不過是肥洋亂玩，佢認真仲邊有得贏丫
做左山路鬼王，因為肥洋做鬼王之後整個水鬼俾我
唉，係咁撞，贏到個鬼王都唔好意思，好在無人睇到咋，相都廢是影
發覺自己越玩越唔識玩咁，山路以前打TA最多都係某幾個位撞
e家就撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞
連板神都有三個彎唔多識轉
名古屋個紅彎都搞唔掂
玩咁耐都無條拿手既路，灰
也許只可蝦新手吧，算吧
又去食M記，食完搭巴士走人
真係好眼瞓lo….瞓到親d過站
點解呀媽點極都唔明，鬧埋仲係咁嫁
d野又唔係我既，你問我要唔要做咩姐
係咪我要就送俾我，唔要就掉得無手尾跟先
d野唔係我，佢地放到亂晒又關我事
無啦啦走黎鬧我，你估我想嫁咩
如果我揸得主意，我一早掉晒佢啦，不知舒服幾多
今朝9點，尹sir無啦啦打黎
結果10點先瞓得返，一瞓就瞓到1點正先起身
抵你等嫁，你唔9點打黎我頂多瞓到12點
仲要收線前講話過幾分鐘再打黎，所以我set左無震無鈴
話就話趕時間姐，Happy Farm都係走唔甩嫁啦
順便上peoples網check下又用左幾多分鐘先
琴晚634分鐘，今朝634分鐘，今晚669分鐘
但係我琴晚傾左340分鐘，點解會無變過既？
今日都傾左四十幾分鐘，佢點計嫁
仲有就係我淨係計同尹sir吹水起碼都用左二千四分鐘
都未計其他電話，邊有可能七百都唔夠
琴晚傾電話先講過下，佢呢句真係好屈機：
*以上用量資料只供參考…..有關確實收費請參閱下一期月結單。
只供參考都唔好差成三四倍用量呀嘛
最衰十月尾先到期，如果唔係我實轉台
peoples上網又慢，流動寬頻再申請又要多二百，唔化算
轉smartone又無人sms，真係屈住用3
定係申請第二個num取消peoples個gprs每月淨交新台+35好呢？
都係遲d先諗啦呢d，近排無錢用呀
講返正題：去到九龍灣又食M記@_@
俾返$40尹sir買戲飛，但仲要幫佢俾錢買埋野食lo
套戲勁多gag位，隻狗就成日做試驗品，超慘
之後又俾個女人裸住咁鎖住係張床，個梫頭下就係主角條野
有個工人嚇親咁望住佢
褔爾摩斯：請相信我既專業，梫頭下面既就係開鎖既關鍵
主角同個醫生調查緊既時候，有個大隻佬同幾個手下黎挑機
主角問醫生想打大佬定係打卒仔
跟住主角使出必殺技用個識放電既野彈走左個大隻佬
之後大隻佬走返黎扶住d鐵管，主角就電個鐵管
又彈走個大隻佬再撞走埋卒仔救左個醫生
之後主角俾個大隻佬追殺果陣拎唔起個同佢咁大既鎚仔果下笑左
之後大隻佬拎起左之後個主角拎起左個普通屋企果隻係果刻叫做超微型鎚仔
爆笑一下，仲要將個微型鎚仔掉去大隻佬到乜事都無果下再爆笑
睇完戲就去禁錢增值八達通黎交電話費，之後就走人lu
話說，岩岩再睇變左做670分鐘@_@
起身之後又係指定動作Happy Farm
搞呢搞路本身就可以準時10:30去到尖咀既
點知呢就肚痛，開頭諗住有得佢
後尾發覺唔多掂諗住去廁所，點知呀媽就截足先登
咁我咪再用多陣電腦跟陣機先lo
最後11點先出，得肥洋自己一個到左，佢十點就到左
比比就塞車，一樣遲到；leo就無聲氣
金禾真係正，無煙係最佳之選
顏麒話病左無黎
係咁玩就係咁輸俾肥洋
我都係贏左兩次咁大把咋
leo哥學埋比比d狗招，直插
比比真係超狗，係咁直插
玩完就去左M記食lunch，原來都三點lu
之後搭1號返歸，瞓返陣，去到旺角果到架車停左好耐
醒左見到d人企晒起身以為又咁黑仔壞車
原來前面炒車，心諗：仲好，反正無野做，瞓耐d仲好
點知架車轉去另一邊1分鐘都唔洗就skip左炒車果條街
玩左成晚超時空戰記，傾左近六粒鐘電話
有個低B仔由兩點話唔講要瞓覺又話要收線，結果三點幾都仲講緊
成點先瞓醒，早餐都無食整醒左呀哥借件恤衫就同斌落黃大仙
好在仲有個巨龍遲到，曹文翰無到
搭89b，去到第一個就望到佘潤東，之後許啟聰，仲有個黃XX(唔記得左名lu)
坐低無耐就開始啦，個花女唔肯行，攬實佢呀媽
個花仔行兩步就返轉頭，去到中間又停係到，之後見到呀媽就跑左上去
佳哥老婆入場啦，好高呀~
完全睇唔到之後果d畫面，有個人牆係到lo，又唔係影相又要企係中間
最後我地自己影相，之後就同佳哥&佢老婆影，話明童軍影張先，李庭又要過埋黎
好lo影張先lo，之後童軍先再影多張
不過又無計既，得李庭自己一個，唔通佢自己去影咩
影完相就走人啦，去左市中心之後柱柱請食M記
食左杯double新地同蘋果批，行得快果然有著數，得我同尹sir有份XDD
之後呃左Tommy過黎就返去九龍
Tommy：我由新界出九龍，之後又入返新界，e家又出返九龍，最後又入返新界，你估好玩咩
過左旺角，斌哥帶路帶我地圍住坐大廈轉圈
之後肥園帶左陣路出左大街，之後笑面帶路又入返內街，最後肥園再帶返出大街
同Tommy個情況一樣，出出入入，入入出出，轉黎轉去終於到達漢陽苑
呀姐：每位$128，最多打個9折俾你地每位$131
好神奇呀打9折會再貴左
之後就係咁用佢黎做笑料，換野再9折，玩火9折……
Tommy係咁整野俾我食，唔洗自己郁，哈哈~
之後同尹sir整蠱Tommy，係個三文魚壽司同飯中間加料
之後Tommy想食果陣見到，不過都係食左，佢話無野喎…
跟住肥園話埋單，個個都唔夠錢lo，Tommy有錢都唔俾，超9
得我俾$130，睇落好似唔抵x)，不過肥園都幾甘下
返到屋企沖完涼，呀rip就搵我傾偉哥入股既野
之後打俾Hims，俾紅豆食住無得開msn XD
結果就無左下文，星期一先傾喎
因為偉哥無mic用，結果用電話傾，發現peoples cut左我個電話會議
偉哥用公司名上台，$198 7000分鐘基本，4000分鐘網內，無限上網，超抵喎，不過PCCW就大打折扣
本身好好瞓，11:30醒左諗住繼續瞓
突然醒起有野做，約左西瓜去搵rip，即刻彈起身..
再約埋soy，差唔多1點係九龍塘join埋soy同佢表弟
(點解我記得佢話同表妹去既@_@)
到左灣仔等埋eric就過會展join西瓜
因為唔夠證帶唔到佢地入去，不過早知就叫大佬出黎咪搞掂lo
$25完全唔抵，又無咩野睇，個場又細
見到rip啦，好肥好大份呀XDD，仲話自己120磅，佢得120既話我諗我50磅都無XD
又見埋hims，好高…..我比較鍾意見佢隻忌廉多d
行行行，好快行完一個圈，發現雲起有個高台仔企models
好多人係咁影係咁影，d models仲拉起少少條群
焦點係下面有幾部電腦玩商業大亨，有個細路坐左係到
細路，你打機定霸頭位睇人底咋?_?
之後轉多個圈又返去gameone到hea
見到有個毒伯伯拎住單反係咁影rip………隔離果d女同事
之後我係咁話：毒到你丫，洗唔洗呀
西瓜就係佢後面再影個毒伯伯影人
最後嚇走左佢lu
gameone對面個魔獸拍賣緊一把金屬做既劍同一盒野，$18888
痴線，值咩?_?俾我好過啦
無耐我地都走人，soy同eric搭船去紅磡，我同西瓜搭船去尖咀
食個M記就上金禾開波，以後轉場啦，1開1無煙場，正
開頭西瓜玩，之後我玩，TA，名古屋差少少04嫁啦
板神玩極都撞，本身兩個圈仲係我自己既好時間，點知開心得太早係d唔應該撞既位撞左
山路就一定撞，最後轉返挑機車玩山路，好dd
跟住整水鬼俾山瓜打
之後就挑機，2女對2男
開頭我無夾過佢地，點知佢地係咁撞彎心彈出黎頂住人
又塞我落貨櫃，我忍唔到手夾死佢
之後西瓜無得玩起身，有條女都走左，夾我果個仲係到
勁灰lo，我夾死個女仔之後俾果兩個走左，之後又自柒塞住我俾條女過返
搞到個女仔贏左好多鋪，好Q煩lo
最後走晒黎左兩個識既，頂佢，超級無料加無品
玩山路一部係打橫撞路邊整停你放走另一個
最後我本身都贏到，點知又出奸招，但最後我仲貼住佢地車尾
出到咁既奸招，仲要俾我追到，仲係贏得我丁屎咁多，無料就收皮啦
反正我都想走，果陣都7點幾，廢是同呢d仆街玩
西瓜有野做同出去食飯，咁我咪走先返屋企食
搭車果陣我諗住瞓，但瞓唔著，開眼果陣隔離坐左個人
勁驚，佢坐落黎完全無郁到張椅，而且我合眼無耐，多左個人….
仲有一日咋~~~
本身今日好有hard，鬧鐘無響不過自己起左身
見時間太趕，無食早餐就出門口
返到去先知bis同nb都唔洗上，同dms中間隔左4粒鐘
早知就唔返啦，結果打波
未食早餐郁兩郁覺得超級攰，都打埋個2on2
輝爺係咁食波餅，兇手就係馬友
我都左中招，有兩串魚蛋
之後就極速抄NB之後交
學校影印計費都幾膠，雙面影印兩張同單面影印四頁都係一樣價
食個M記陪輝爺交身份證副本去元氣，見到太陽仔
佢第一句就：十幾年無見啦
其實一年都唔夠@_@
搭巴士果陣又勁頭痛，吹到頭痛定係唔夠瞓呢?_?
最神奇係返到屋企又無事喎
幾驚真係病呀，因為朝早出門口呀媽見我無著外套：你唔好冷親呀！
我回佢一句：你上幾個禮拜已經咁講
咁岩咁橋病就俾佢抽水嫁啦
就算過幾日熱返但係病左佢都會話一定係前幾日唔著外套冷親啦，你話佢抽水抽到呢….
諗住預約定去拎身份證，點知係我諗完邊幾日得閒之後：對不起，電子服務系統現正非常繁忙，請稍後重試。
等左好耐再試：操作逾時，請重新申請。
又再click多次：對不起，電子服務系統現正非常繁忙，請稍後重試。
好煩呀，照計我閒日去唔洗預約都得啦
今日IP堂上唔上都無所謂，數學堂上唔上都係咁，so今日應該係dayoff，重點原因係四粒鐘lunch
星期二不嬲dayoff
星期三8.30 IP堂一樣無所謂，CF堂因為四粒鐘lunch而唔想上，so應該dayoff埋
星期四正式放聖誕假
Conclusion：今日應該係提早放聖誕假先岩
不過唔好彩，我星期三可能會返去上IP堂，因為我要返學校拎返d notes，放locker既壞處
下星期三又要返去上IP既溫書堂，雖則我識，但係始終覺得返去好d，又成四粒鐘喎，重點重溫
唔星期三先拎notes係因為我計劃緊星期三順便做d野，考慮緊
或者下星期二申請換身份證之後先做，諗諗
好想買netbook，睇中lenovo部s10-2，其實之前都留意呢部，不過果陣無諗住買同無錢買
e家金錢許可，真係超想買呀~~~
出門口前諗緊著短衫定長衫呢，望住樓下d樹吹到搖到痴線，但個太陽又好猛
最後著長褲同短衫算啦，落到龍翔已經無乜風，淨係上面先咁勁@_@
返到灣仔，雖然近海，不過直頭無風，仲好熱
只要夠出席率，遲到咪遲到lo，遲到可以對少數學sir一陣
返到去又要寫低遲到原因，麻煩，都預左實亂作嫁啦
其他科又唔洗，係得佢果科年年都要寫
有堂課做，係都要寫我遲26分鐘係份堂課到，其他人遲到又唔見你寫喎
之後又要過黎問我有無帶notes，無既又寫係份堂課到，馬友都無帶啦，又唔寫
依返個邏輯諗：遲到、無帶notes應該：扣分、不變、加分
呀sir就話我準時同帶notes係責任，無做就扣分
我就話：我遲到都做得晒，無帶notes都識做，係咪應該加分先？？
呢樣唔講啦，但係其他人犯同樣既錯又唔去mark，淨係mark我，又唔算針對呀？
反正都就快要同院長開會，惡行就一定會大爆
之後上BIS堂，比比話走去打機，我就唔太想啦，前日、琴日都打完，仲要係山窮水盡，算啦
第二個原因係今晚仲要打波，去左打機之後就唔想打波嫁啦，成身煙味又眼訓喎
第三個原因係電話無電，留係學校偷多陣電先啦
最慘既係偷心的小狗將一無所有(出至膠斌)，無錯呀
我就係偷有得偷電，不過無晒插蘇，又蠢左，將PSP同電話插埋同一部電腦到叉
搞到2粒鐘都仲未過一半@_@可能係我又keep住sms同尹sir打黎吹左陣水有關掛
尹sir話佢果邊好凍，我仲諗緊：下，風都無喎
落到觀塘，嘩，爽呀，不過都係涼涼地
落左堂就去觀塘搵Timmy，早就叫尹sir早d落黎嫁啦，又去沖涼
去M記食，又M@_@又借左Timmy $10，放心啦，我有記住嫁@_@
食食下見到有個人係我後面行過，因為我地坐個位已經係最入，所以奇怪
之後仲行左過對面，Timmy拎走個袋讓俾佢坐，條友放低卷紙，放低電腦
Timmy講左句：好耐無見
？？一望，原來蛇怪黎= =
食完起行上順利，又信錯尹sir啦，最後4個人搭的士上，$21差唔多啦
斌都到埋，去到我同蛇怪就係一邊用notebook，dump檔案同幫佢set野
佢地就2on2，過多陣肥鍵同魚鱗到埋
3on3，有得打波就唔凍，不過又唔會出汗，無得打果陣就凍啦
熄燈前個個都坐晒係到，我又唔想1on1喎，咁咪坐低埋吹水lo
斌又發爛話我地都無人打既，唔知係咪凍呢，唔多想郁
最後熄燈無耐就走lu，成哥變左panda，人地走佢先黎，多舊魚
返到樓下，又吹到痴線啦
一返到屋企，呀媽又係咁鬧，話我唔著外套，講真，吹到凍既地方我又唔會停留得耐
波場無得打果陣我都拎左尹sir件衫黎著，為左果一小陣拎件衫出街，我唔會lo
又話我會冷親，我想問我以前著多多衫果陣，你叫我著幾多就著幾多果陣，我冷親過幾多次呀？
上年你叫我著我都唔著，冷親次數只有1次，反而仲少lo
病就實會有嫁啦，我知自己凍唔凍嫁，唔係你話凍我就會覺得凍嫁
你係屋企著件厚既外套，我仲著緊短衫咋
仲有呀媽懶醒，話馬桶d紙巾係我拎黎包鼻涕
大姐，我岩岩屙完屎沖唔走姐
佢又話沖唔走果d會濕晒，唔會乾咁痴住個邊
你都識話痴住個邊啦，成張掉落去咁點包鼻涕呀，要包就一舊舊嫁啦
洗完手拎黎抹手又唔得，係佢眼中拎紙巾代表有鼻涕
整暗倉，抹口，抹手，用紙巾就唔得既
同佢解釋又話一定係鼻涕
咁岩果排痴就會俾佢咬實話我又唔著衫又話唔係鼻涕多多野講
一早起身有d想返，不過電腦唔爭氣，係呢個時候輕機
輕機關事？關！
是咁的，難得我得閒，難得部機可以熄機
咁咪幫部電腦大掃除lo，機箱3部風扇，CPU風扇同個heatsink，display風扇，火牛2把風扇
底板個底，機箱，清左超多塵，搞左足足成粒鐘
果陣已經1點，如果趕返去就照平時咁遲到半粒鐘，得返粒半鐘要上
仲有岩岩整返好部機用都未用，梗係用左先啦，同埋唔返可以用少d錢
再者我整緊電腦果陣15/16，呀媽走黎問我，咁我梗係講左唔洗返先啦
種種因素最後都係無返到
點知Timmy無啦啦搵我，一開口就話去打機@_@
本來唔想去，因為琴日都玩完，但佢一開口就癮起，有無解灣岸熱線呀@_@
唉，比返學更衰，用更多錢，有遺原意
去到就有1部玩，咁我咪諗住挑走隔離果個，點知佢熄挑，我打TA
Timmy話想玩，點知隔離果個開挑，Timmy話佢挑
我終於知道點解啦，因為條友只係得Timmy 1成功力，難怪難怪
之後有個女仔黎跟隔離部機，不過我跟先，我玩果下佢已經開始發皮氣
跟住我一鋪一鋪又一鋪，條女已經開始嘈嘈共
玩板神TA，Timmy話要玩，轉左人之後條女就：玩幾多鋪呀，屌你老母
又要細細聲，又要躲埋一邊講，夠擔就行埋黎講
我唔望都好d，一望：嘩，唔望得(原因心照)
佢個fd挑Timmy機，山路
轉我玩，條友廢既，野野直插，咪同佢鬥插lo，最尾贏嫁啦，係自己放鬆左撞左牆，唉
之後梗係繼續啦，玩其他路，佢有後追追都追我唔到呀
玩左三鋪，佢終於知錯啦，起身，行去我側面，一野……..勁大力……….拍……..個銀落機面跟機(笑
之後換人，仲諗住有機挑，點知換左幾個都唔敢同我挑，原來已經係最勁果個啦？？
條女仲要嘈：我咪仲慘，跟左成個鐘機都未有得玩呀，我唔玩啦
你咪唔好玩lo，我機面有錢，係你地挑我機無得入錢，咁都我錯？
邊個叫你跟我機姐咁，果刻，有個金毛望實Timmy
Timmy一野啤到佢實一實，佢即刻縮
你要惡呢，呢家野我仲熟過你，要惡贏人首先你唔可以縮lo，第一下縮左之後屌人老母都唔驚你啦
無人挑機，我打幾鋪TA之後就走lu
食個dinner，M記，Timmy請(其實借，有拖無欠)
食完見落雨咪下半場先lo，去第二間
無人玩，我繼續同Timmy挑，挑挑下俾人跟左機，俾佢玩諗住挑機
第一鋪山路，又係果d人直插無乜技術，我又係輸最尾放鬆
跟住Timmy話玩TA，我部車板神3:50:779
用Timmy部車3:50:337
好慢………50都未過…有次我本來可以快過3:48嫁，點知果鋪快得制拎到最盡，咁咪出事加嘛
跟住就Timmy玩TA，我間中抽水玩兩鋪
之後同Timmy行去彩虹返佢屋企去個廁所，主要其實係佢拎個住址證明去轉台姐
再行返去鑽石山peoples，3個人服務1個，原因可能趕收工或者見無人幫手做快d
之後係機鋪到玩籃球機，點知d波卡住左，條友話我地自己整到咁，無賠局@_@
最後Timmy陪我行返黃大仙就散水lu
唔明點解Timmy後追追唔到我車尾，得我玩野果陣先上到位
但TA果陣佢慢我2,3秒姐，挑機仲要有後追喎
26號又多人個peoples啦，Timmy我搵硬你~
Timmy又話想買HTC Hero