朝早返去打羽毛波，幾好呀，好耐無玩
實際打左粒半鐘，但係就攰過平時籃波多多聲
食個Burger King
原定計劃係上堂，結果又抵受唔住去左玩陣灣岸
更改後的原定計劃係走d or走晒英文堂再上OSA
點知玩下又唱玩下又唱，真心灰lo
儲落d $1咁就玩完仲唱多$10
搞呢搞路如果返去上堂都係得返半粒鐘唔夠
行左過銅鑼灣，鼠黎鼠去最後落腳於馬會，入返一舊水準備星期六、日
唔記得左馬會卡開始係-$20，搞到得返$80，靠佢灣岸嫁啦
小試牛刀，贏個好開始先啦俾我~
基於無錢的關系，暫時向走堂說不，暫時先啦，廢是又忍唔住嘛
因為班無人性既同學，為左上全人堂可以開心d
要早d返學，因為遲到而組爆人就要講再見
上次唔記得講，馬嬲仔好柒咁猜包剪槌既時候全包得佢一個槌
Miss一見到我就話：我認得你嫁，等我估，唔好出聲住！
之後拎左7張卡(介紹自己with人名)，講左6個都錯晒[sosad]
食lunch果陣擇左高治，結果係去比比屋企整電腦
飯錢有人請，車錢都free埋，不過去左馬會開張馬會卡先~~
上到比比屋企真係覺得大，因為我屋企細@_@
搞呢搞路搵到個兇手係display，仲搵到個殺人不遂既幫兇
不過最後比比又唔信，又抬左去電腦鋪到check
真係真心爆一句粗口lo，條友問：知唔知邊到壞，有無check過？
我屌！拎黎俾你check你問返人轉頭？
最撚頂癮係我答佢：應該係display
佢：哦，試下咪知lo
之後佢拎左另一張display黎試，佢：得呀，我boot到入bios
佢：係display問題，你張display死左嫁啦
最後收左$50檢查費，仆你個街，問題係我話你知既
你只係用左張卡黎確認，咁就收$50，咁我咪要收返你一個提供問題費？
原定計劃係整完機之後返去上堂，因為三粒鐘空堂，咁就岩岩好
點知由於節目調動關系，結果走左堂，去左尖咀灣岸@_@
我地3個同1個唔識既人挑機，佢就真心勁既，我地無打team
不過有鋪山路我發左呆，個彎心又俾肥洋擋左
搞到我直撞埋去果個勁人到，無心嫁，而且我飛完佢仲慢過佢，我都唔想啦
點知佢就當我仇人，係咁撞我埋牆角
開頭我都俾佢係咁搞，話晒我唔岩先，點知佢永無休止，我決定還手
佢成日踩break再閘停我，咁佢踩我咪踩，齊齊慢，我有隊友走
之後佢閘我我又踩，佢就撞牆我就走
全部彎無留手，見到佢就拍佢一鍋
衰則佢真係好勁，佢都係輸左三、四次，有次仲係讓左人玩俾我贏左
尾二果鋪我智取贏左，見比比同果條友撞左，我就上位
見右邊超少轉，所以就選果邊齊齊唔識齊齊撞就我贏啦
為確保我贏都要做d手腳，轉彎前塞肥洋落角再轉入彎心
最後一鋪，肥洋同比比落左場，我贏左迫住玩
本身形勢3打1都差，變左1打3，超惡劣
但係我覺得咁先過癮，起碼可以光明正大咁出晒術
其實得一個勁，另一個未夠班，淨返果個無料到所以就佢行第一走先
開頭就狂踩break，我就跟住尾先
到一個有柱既彎我就頂佢去左邊，佢就轉右頂返我
我就放油等佢撞牆，走人~
之後都整佢唔甩，博一博，zip貨櫃，成功，條友撞貨櫃
搞掂一個之後再上前搞掂埋另一個，甩開三百米拎第二
本身就咁上去就第一硬既，因為前面果個廢
點知連個天都唔幫我，貨車陣
因為離第一一段距離，咁街車既位置就會前移到d仆街位
雖則我避得開，但係都撞左少少
而後面果d因為太後，所以d街車消失晒，搞到追晒上黎
最後執返個第三，都算係咁啦，佢地3打我1，又直插又閘
完左見仲有少少錢就車檢埋部rx8，整左隻好水但好煩既鬼俾比比
搭1號返歸，無左肥洋果鋪真係表現好好多，太認真搞到好攰好眼瞓
聽日就係羽毛波既第一堂，好耐無打lu，不過係初級班，唔會教開波掛
我想塞時數同hea，但教開波就………..
返8.30，第一堂DB，點解好似講到好複雜咁既
第二堂CN，都係佢教得好d，好過上學期個細龜
肥洋自己跟住無堂，但就捉我地落尖沙嘴灣岸
我地不嬲都好公正既，擇高治…公字先岩
GO就Go…公就去
最後咪又係過左去，朗尼返左半粒鐘就跟我地走@_@
聽說Program堂無野教，定還是佢地唔識呢@_@
不過今日好眼瞓，完全無態，但係贏到
贏只不過是肥洋亂玩，佢認真仲邊有得贏丫
做左山路鬼王，因為肥洋做鬼王之後整個水鬼俾我
唉，係咁撞，贏到個鬼王都唔好意思，好在無人睇到咋，相都廢是影
發覺自己越玩越唔識玩咁，山路以前打TA最多都係某幾個位撞
e家就撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞
連板神都有三個彎唔多識轉
名古屋個紅彎都搞唔掂
玩咁耐都無條拿手既路，灰
也許只可蝦新手吧，算吧
又去食M記，食完搭巴士走人
真係好眼瞓lo….瞓到親d過站
點解呀媽點極都唔明，鬧埋仲係咁嫁
d野又唔係我既，你問我要唔要做咩姐
係咪我要就送俾我，唔要就掉得無手尾跟先
d野唔係我，佢地放到亂晒又關我事
無啦啦走黎鬧我，你估我想嫁咩
如果我揸得主意，我一早掉晒佢啦，不知舒服幾多
又開學啦，第一堂就英文堂
唔知miss有無點名，不過我拍左卡，加上唔計出席率就唔理佢
分組話有project做，又要問卷又要訪問
問卷自己做都搞得掂，訪問咪搵人影合照姐
上完一堂就過188 hea左陣
睇黎下次真係要問個老闆拎個電話叫佢整左先，有排等
返到去3點，我仲要拎d神沙去買野飲
入晒d毫子，$7.1買$4.5汽水，找$2.5食左我一毫，真係毫俾你啦
返去上多半堂英文就去上OS&A
好在帶左部大玩具可以上網，如果唔係真係悶死
呀sir先開左45分鐘講佛計，之後先教書，果堂得一粒鐘
好，教書，不過……..
佢講d野我全部識既，我仲可以邊上網邊答佢問題
放左就去左機鋪hea左陣，睇比比介人隻鬼王
之後落左深水步，都係齋睇
見到有個唔係勁但串柒柒既人，仲有個無料扮四條，所以咪拎第四lo
走前黎左個堅勁既人
鬍鬆佬係facebook講話有45個人肥左BIS，咁咪死得？
聽日星期五，返朝早放下午，是灣岸團的好時間，不過無錢喎
越諗就越心郁，想快d上個3台黎玩
是關我話要用上網plan頂一頂我爆既分鐘
不過咁樣要搞到我俾多個月既上網月費
咁樣計兩計，上網送果1000分鐘計返我要俾兩個月既月費都係一樣姐
朝早提早兩粒鐘起身
考試還考試，點都要Happy Farm左先既
之後溫溫溫，再溫再溫再溫
完全記唔入腦，奶強話呀sir俾左個數用黎對balance sheet既答案
書都記唔到，仲要記住三組數字，每組六個字，咪仲難
係呢個時候梗係要出動考試工具二號，考評局批准使用既計數機
係program到入晒三組數字
最後好亂黎咁記左六項必出既
mc只係知得幾題必岩，其他都係要運氣
考完先記得呀sir講過mc比例：2:1:3:4
但係我做左：2:3:2:3
mc完左就梗係長問答啦，望到第一題好似好易咁
亂咁吹，盡吹，狂吹
第二題唔識，飛；第三題識識地，飛左先
第四題Balance sheet，發達啦！
仆_，中伏，同notes講既容易差好遠lo
第一個分題已經唔識計，第二個分題畫balance sheet
你點識都好，無左第一分題既答案就講定再見啦
亂黎咁俾我寫晒呀sir果三個數上去再求奇畫左個表
答案我都知係得0分嫁啦，因為都錯既，希望呀sir學返我亂黎咁俾返少少分
做返第三題先，又係唔記得d分類，都無計，用常理黎吹lo
第二題既第三分題叫人寫三項small business，好似好易吹，咁咪寫左先
第五題，又係亂吹
之後對返d題號，好在姐，5選4我答晒4條，第二條仲要得三個生字，刪除
唔理啦，早走左先，比比肥洋坐晒係出面咪埋去吹陣水lo
好在刪左第二題，諗住最易寫，點知get錯左，我寫左3 of name，問題係3 type of name
今次BIS考試結論：成本簿就好多字，睇落就好有料，實際上諗返我果d係亂吹
仲慘過network同dms，起碼network同dms都叫做有個底
考完試就梗係去灣岸返轉啦，都成個月無玩lu
之後去左銅鑼灣行左陣
下次我都係搭港鐵算啦，搭巴士都無正位坐，難得係九巴有得瞓
比比約我玩灣岸內容on 2010/01/19
比比：星期四去唔去尖咀打機呀？叫左肥洋啦
我：睇下聽日考成點先啦
比比：考成點都無關系嫁
我：如果聽日死晒咁我後日咪拎一千蚊去機鋪
(後來知道比比心諗已經中左我個伏：1000咁豪)
我：唱$40玩
比比：@#!@!#@!#(取材至大力笑話)
今日無啦啦癮起，不過都係少少，本身都忍到
點知今日無l4d2安全室會議，西瓜又同我傾灣岸
癮起，去啦，約埋西瓜
先去黃大仙新光，點知3開3，咁貴既@_@
轉場去新蒲崗玩，跟左陣機，見到兩個水魚挑緊機
跟完機落去挑水魚，點知佢成日後追上黎泊人車，好煩
仲要好慘咁連輸三次，最後一次山路挑走佢
同西瓜打鬼，呀哥到埋
我轉完TA set練緊部車，整水鬼俾西瓜挑
之後就挑機，西瓜同呀哥輪流挑我部貨VAN
好難玩lo部貨VAN，開頭兩鋪輸左，試好部野習慣左就贏啦
後尾佢地無錢，有個人落黎，咁我即刻熄挑，因為我部貨VAN黎
之後打鋪鬼，禁錯，因為急住熄挑，我想打故事嫁
之後轉返部正常e9挑返佢，原來水魚黎
挑左四鋪，第二鋪本身輸，點知又俾我過得返，係終點線前閘住佢過
跟住黎左個肥佬挑機，我見我都想走，咁咪俾佢挑lo
第一鋪名古屋，無位走，我頂佢埋邊諗住一齊過，點知佢無位，迫返出黎我食貨櫃
諗住走嫁啦，已經放棄左，點知佢又卡住前面部貨櫃
咁我咪上位贏埋lo，原來佢要轉返MT
之後玩幾鋪都係我贏，但佢都ok既，最尾一鋪好型咁輸
因為我想走，贏到無癮，所以就板神轉完最後一個彎調頭撞牆停車
走人lu~搭小巴返歸，今日其實都幾過癮，用左咁少錢可以玩咁耐
用左$24打鬼，之後用左$6燒左呀哥$30、西瓜$30、呀伯$8、肥佬$8
超過癮，仲有最正係免費車檢
呀哥車檢，點9知無卡，入左$2開局同$2，我叫停佢佢又唔理，所以先入左兩蚊
之後同場務講，西瓜玩完我坐落去幫呀哥車檢，個場務俾左$9我
問題係呀哥入果d錢可以繼續玩，姐係無啦啦多左$9車檢
本身今日諗住轉完TA set可以打TA，點知有得挑機，所以無做到
淨係開頭打左一鋪差d破到記錄既板神TA，可惜撞左，可惜可惜
朝早返到去又遲半粒鐘，呀sir只記得我遲到
我有兩個星期堂堂準時嫁，你仲話我無一次準時@_@
排序既JAVA已經唔想做啦，因為明明睇落d code岩不過有奇怪問題
所以交俾輝爺做啦，點知輝爺做完話個問題同我上次一樣@_@
呀sir無啦啦叫我、比比、smking出去，有野傾
我都估到咩事，咪個數學呀sir報串lo
車，又可以點姐，班主任就盡下責任同我地傾幾句，佢都唔想理
我上上下堂走左去關你咩事姐，閒事莫理呀
其他人走出課室唔見你mark時間，我出課室你就走去mark 2:23
你咪mark飽佢lo，出席率我又夠，返唔返我都係唔識，問返輝爺仲好
更何況除左Year 1之外係唔計出席率嫁，你刪我個名lo，刪晒佢lo，到時邊個問題一清二楚
上NB堂睇youtube片，不過呀sir行過之後話：差唔多個個都做起啦，不過除左幾個我知佢無做
ok lo，做lo，跟住notes入返落電腦唔難姐，不過係唔想做姐
係得一睇要用多d腦
走友問輝爺無notes睇仲識唔識做，輝爺話唔識
連輝爺都會話唔識就好大鍋嫁啦
lunch都未食，leo已經叫肥洋同比比唔好上堂落尖咀灣岸
今日我又唔想打機，可能因為琴日玩左掛，同埋真心想上砌機堂
去左街市食，不過肥洋佢地行得慢，上到去無位
佢地走左之後又有位，個呀姐叫我叫返佢地上黎，話有優惠喎
哈，不過佢地去左食吉野家
個呀姐話下次留多d位俾我地，咁我咪多口講句：下次打黎訂幾圍
點知佢認真，話俾電話我叫我下次打去，好彩有人要落單，無左件事…
突然發覺孖記個老板勁似l4d2隻Spitter，激似
馬嬲仔同小新去左天樂城，我就唔係好想，所以扮晒野俾走友捉返學校
返到學校睇人打波，有個人唔敢出去打，拎住個籃球等左好耐
終於俾佢等到，人地卡住左個波，佢出去幫手之後就落場
大戰蜜蜂之後上左5樓睇陳sir打排球，點知隻蜜蜂上黎搵返我地@_@
CF堂開頭聽左陣書，之後就玩facebook game同商業大亨，hea左陣就開左隻好耐無玩既cs
玩左陣就有堂課做，做完聽埋少少書就走得
突然好眼瞓，咪直接搭巴士返黎lo
點知黎架舊城巴，無梫頭…好難瞓
瞓左無耐一出紅隧就醒左，瞓唔返，走友又唔應我sms，勁悶
e家又眼瞓啦，我都唔知點解自己要瞓咁多……
朝早補IP堂，份功課做到發火
明明已經岩啦，但run果陣無啦啦有奇怪既問題
好啦，抄notes直copy啦，一樣
問輝爺copy佢果份，得喎，但總要改少少野既
只係變量名同泊位，又變返麒麟怪怪啦，唔理，照print交
本身12點前要交英文功課，算數啦，記得果陣已經12:01，做都未做
本身食飯既，不過就要大戰，所以無去到
但最後就變左挑機算數
第一鋪比比山路踩break食灣心頂住我
本身已經俾JAVA搞到無態，俾佢咁搞完全唔想玩
返去上數學堂，今日果堂不嬲都唔會教書，只做lab sheet
所以上唔上都無所謂，因為你唔識做只會叫你睇notes
所以咪去食飯lo，好在我坐最出個位，掉左電話都唔知
比比同呀泰執左俾返我，嚇死我啦，thank you~
返去已經差唔多夠鐘，所以直接去下個課室等上堂
後尾d fd話返我地知，呀sir特登問書一開始就叫我、比比、smking個名
之後就刪返我地出席個名，頂佢，又話點左名唔想上隨便走，p你個k
最衰無得投訴，走堂仲邊有得話人錯嫁
算，反正我夠出席率，更何況我有排同佢玩
上BIS，做英文網上功課，做完就搞JAVA功課
神奇的大功課，係屋企出error，無郁過咁拎返學校run，無事，掂，交得！
除左食錯棋之外已經係完美，錯棋無能為力，合格到就得嫁啦，仲做埋bonus
本身呀sir話佢今堂唔講書，project有問題可以問，無野交既走得
我就繼續玩facebook game，玩完叫走友走佢又唔肯
但又無野做喎，原來佢等呀sir得閒然後問佢份project點做
因為每次到佢地講進度果陣都落堂，所以佢地完全無匯報過，所以唔知下一步點做
咁我咪幫幫手lo，點知呀sir話佢地無問題就走得，走友即刻發皮氣
出手啦：佢地就係有問題先搵你咋，搵你就叫人走
走友：我地係一次都未同你講過份project
呀sir先同佢地傾，我咪順手聽聽lo，反正我BIS死得
本來可以過到順利陪尹sir食野，不過搞到成6點先上車，佢話係屋企食
係車上面少少想瞓，不過瞓唔著，到勁想瞓果陣
岩岩瞓著就叫自己醒，因為唔想瞓著
開眼果下發覺熟口熟面，到左觀塘@_@
咁快既，之後見架車一有空位就左穿右插仲越行越快
諗起九巴單野，仲邊敢瞓呀，出路黎嫁，你估玩灣岸咩[sosad]
到左無耐尹sir到埋，斌到左，去開個場無位，上左停車場頂
射左陣波，魚鱗、蛇怪、肥鍵、橙到左，之後腸仔到埋
3on3無耐就俾尹sir kick親，右腳膝頭撞左腳小腿肌肉
左腳廢左，右腳起跳&落地照玩，之後已經無視左個痛楚
仲要keep住玩到十點幾，爽
期間俾呀橙出狗招，右膝頭撞下』爬』，咬到忽肉同下』爬』痛
走果陣行樓梯就發覺中招，痛呀……….
星期一測JAVA lu，溫溫先，有d新教既快招無學
原來今日27號，已經過左26號，Timmy已轉peoples，sms友又多一個lu
一早起身有d想返，不過電腦唔爭氣，係呢個時候輕機
輕機關事？關！
是咁的，難得我得閒，難得部機可以熄機
咁咪幫部電腦大掃除lo，機箱3部風扇，CPU風扇同個heatsink，display風扇，火牛2把風扇
底板個底，機箱，清左超多塵，搞左足足成粒鐘
果陣已經1點，如果趕返去就照平時咁遲到半粒鐘，得返粒半鐘要上
仲有岩岩整返好部機用都未用，梗係用左先啦，同埋唔返可以用少d錢
再者我整緊電腦果陣15/16，呀媽走黎問我，咁我梗係講左唔洗返先啦
種種因素最後都係無返到
點知Timmy無啦啦搵我，一開口就話去打機@_@
本來唔想去，因為琴日都玩完，但佢一開口就癮起，有無解灣岸熱線呀@_@
唉，比返學更衰，用更多錢，有遺原意
去到就有1部玩，咁我咪諗住挑走隔離果個，點知佢熄挑，我打TA
Timmy話想玩，點知隔離果個開挑，Timmy話佢挑
我終於知道點解啦，因為條友只係得Timmy 1成功力，難怪難怪
之後有個女仔黎跟隔離部機，不過我跟先，我玩果下佢已經開始發皮氣
跟住我一鋪一鋪又一鋪，條女已經開始嘈嘈共
玩板神TA，Timmy話要玩，轉左人之後條女就：玩幾多鋪呀，屌你老母
又要細細聲，又要躲埋一邊講，夠擔就行埋黎講
我唔望都好d，一望：嘩，唔望得(原因心照)
佢個fd挑Timmy機，山路
轉我玩，條友廢既，野野直插，咪同佢鬥插lo，最尾贏嫁啦，係自己放鬆左撞左牆，唉
之後梗係繼續啦，玩其他路，佢有後追追都追我唔到呀
玩左三鋪，佢終於知錯啦，起身，行去我側面，一野……..勁大力……….拍……..個銀落機面跟機(笑
之後換人，仲諗住有機挑，點知換左幾個都唔敢同我挑，原來已經係最勁果個啦？？
條女仲要嘈：我咪仲慘，跟左成個鐘機都未有得玩呀，我唔玩啦
你咪唔好玩lo，我機面有錢，係你地挑我機無得入錢，咁都我錯？
邊個叫你跟我機姐咁，果刻，有個金毛望實Timmy
Timmy一野啤到佢實一實，佢即刻縮
你要惡呢，呢家野我仲熟過你，要惡贏人首先你唔可以縮lo，第一下縮左之後屌人老母都唔驚你啦
無人挑機，我打幾鋪TA之後就走lu
食個dinner，M記，Timmy請(其實借，有拖無欠)
食完見落雨咪下半場先lo，去第二間
無人玩，我繼續同Timmy挑，挑挑下俾人跟左機，俾佢玩諗住挑機
第一鋪山路，又係果d人直插無乜技術，我又係輸最尾放鬆
跟住Timmy話玩TA，我部車板神3:50:779
用Timmy部車3:50:337
好慢………50都未過…有次我本來可以快過3:48嫁，點知果鋪快得制拎到最盡，咁咪出事加嘛
跟住就Timmy玩TA，我間中抽水玩兩鋪
之後同Timmy行去彩虹返佢屋企去個廁所，主要其實係佢拎個住址證明去轉台姐
再行返去鑽石山peoples，3個人服務1個，原因可能趕收工或者見無人幫手做快d
之後係機鋪到玩籃球機，點知d波卡住左，條友話我地自己整到咁，無賠局@_@
最後Timmy陪我行返黃大仙就散水lu
唔明點解Timmy後追追唔到我車尾，得我玩野果陣先上到位
但TA果陣佢慢我2,3秒姐，挑機仲要有後追喎
26號又多人個peoples啦，Timmy我搵硬你~
Timmy又話想買HTC Hero
今朝返學算俾面啦，早左嫁啦，遲15分鐘，不過呀sir都要話我@_@
11:30 lunch，係街市食，肥洋黎埋，之後去天樂城灣岸一陣
今日山路大勇，原因肥洋無態顯得我勁左好多
不過除左山路我都柒到飛起，成日撞
有鋪仲以為馬嬲仔走得甩，點知差少少，佢撞左埋角到飛走左，無心嫁~
除左山路果兩鋪，我都輸到high high，有時就最尾執到雞拎第二
13:30返去馬會上NB堂，肥洋無帶notes，直接拎我做完果份去影印
之後用黑筆寫名同改少少野，好假，不過呀sir又吹你唔脹
之後BIS堂俾肥洋呃左，又話食完標記返黎，點知就影都唔見
比比就今朝打機之後搵軍姐食飯，3:26先返黎上堂，無得拍卡，仲要得返堂數學
上數學堂我已經超細聲，奈何呀sir玩針對我都無法
可能因為就快有新電話用，心情都幾靚，所以都無串佢，只係繼續佢講佢既，我講我既
放左就搭船返歸，返屋企無耐，呀媽就拎左$1500俾我啦
準備左d野配合我報細數
比比講到好似幾岩咁，話聽日我dayoff，佢同肥洋空堂果陣去買
星期三下午無堂上就去打機，因為聽日得果一陣玩，後日買完先玩又無時間
不過差左肥洋未on msn，未搵到佢，打俾佢先~