去上個氣象班??聽個講座姐其實
本身我遲少少嫁姐，等埋尹sir同盧仔就遲左半粒鐘
一入到去，嘩，好似入錯地方咁喎
全場得我地三個咁後生
原來我地無遲，因為我地入去仲講緊開場白
開頭果粒鐘好正經，不過都有笑位
如果架飛機九乘墜機既，無理由為左個十乘而去坐嫁？
get唔到既自膠；之後放break
盧仔終於可以食朱古力，不過原來有西餅食
盧仔：$10個course有咁既招待，食多幾件回返本先啦
點知一食就變左樣，我問佢係咪中伏，佢話：直頭啦
之後到飛行服務隊講(關事？)
開始放鬆啦我地，係咁搞gag，不過細聲講細聲笑
講講下佢話：我地會24小時Surprise既
我就幫佢對照返：我會fully Surprise你嫁，你係咪覺得好Support呢
跟住佢俾左張圖我地睇叫我地估，一架直昇機拎起架車，要估咩車
我第一時間爆：雪糕車lo
即刻俾人ban：唔係雪糕車
原來係炸彈處理組果d車，不過個樣真係成架雪糕車咁lo
因為佢地講過飛行服務隊會為VIP服務，例如載人同埋載貨
咁我就話：有個雪糕車老闆call架VIP載架雪糕車上山做生意既情景黎咋
原來有證書拎嫁，不過大陣象左d，逐個逐個拎同影相，不過好快轉左幾個幾個黎
最後散水入廁所換衫，短衫短褲+風褸，下身涼陣陣
跟住尹sir真係時間都晒左，行黎行去結果又咁好彩俾佢搵到第二架小巴
上左盧仔屋企坐，之後落返M記食晚飯，斌都到埋
我就係到爆尹sir大鍋，尹sir有日問我咩叫葡萄，我叫佢估，佢話：嘗杯酒？
no死撐啦影帝，這個舊名都要再重現出黎啦
再搭小巴過順利，搵埋細傑同周宏B就過波場，等埋蛇怪先有波打
d人開始黎齊，12個人，又真係幾多喎
係咁3on3，跟機跟機再跟機，實規幾粒鐘打左三四場…….
返到home 11點，搞呢搞路12點繼續煲柯南電影
一早就想繼續煲，成日想瞓多d精神所以無煲到，不過瞓成十幾粒鐘都唔醒，煲咪煲~
朝早搭73小巴上慈雲山，等左陣簡到左
之後唔等尹sir行住先，點知佢開外掛
係我地前面個站落，快過我地…
跟住就慢慢爆上去獅子…丫唔係，係麒麟亭先岩
上到去吹左陣水佳哥就黎到，之後就等左超耐
班scout終於上黎啦，真係慢，又遲左粒鐘先出發
班細佬真係，已經俾佢地行先
我地用好慢既速度係幾分鐘追返
有幾個已經話唔掂，真係o晒咀，體育堂跑圈都唔只咁啦
之後用極爆慢既速度行，因為塞住左
去到回歸亭休息左一陣就同尹sir帶頭上山頂
行快左少少，不過後面有佳哥係咁push上去，所以都跟到
再休息，影相果陣有隻蝴蝶飛左黎我件衫到
之後影大合照果陣有隻蝴蝶追住我，頭頂又有隻，衫上面果隻仲未走
影完之後我講左佢：喂，影完啦，走未呀你
之後就飛走左，去左尹sir到，之後再影多張，一影完又飛走左lu~
跟住就開始落山，龜速落山
去到check point之後俾佢地行先超多，我地係咁吹水
跟住跑上去，最爽都係果刻啦，唔洗再就住就住，衝返陣先啦
尹sir跑先，之後斌大叫左野，簡生問佢叫乜
之後到我大叫，原來又係尹sir放伏，差d中
勁大舊石係路中間，跳起再縮起兩隻腳先避到，因為跑緊+跟車太貼
最後斷左路，係山坡到衝落去，不過佳哥同Venture負責做人鍊
係蘇屋解散之後賣甩佳哥就行左過去西九食明將
參與中伏人士有：我、斌、尹sir、簡生、德哥、教主
Round 1：8碟三文魚、8碟鰻魚、8碟八爪魚、8碟螺肉，同8碟唔記得咩黎
期間仲拎左30碟黎食，完左第一輪之後尹sir設伏
Round 2：8碟三文魚、8碟中華沙律、8碟鰻魚
勁灰lo，尹sir又唔食又要叫咁多
我都食左5碟三文魚，5碟鰻魚
最後食完之後，死人德哥岩岩食得落又唔幫手，自己又拎多幾碟黎食
最後尹sir分返佢個袋d野，斌哥就將枝水放入腰bag
意外中唔見左張八達通，不過最心痛係唔見左個八達通套@_@
我去禁錢，斌去報失，搞左好耐，又撞返教主同德哥
返到屋企超悶，難得腸仔約打波，點知又唔夠人取消左
今日尹sir放左超多伏lo，搞到勁多人中伏
Peoples終於幫我開返個GPRS服務啦，用多幾日先
今日無啦啦癮起，不過都係少少，本身都忍到
點知今日無l4d2安全室會議，西瓜又同我傾灣岸
癮起，去啦，約埋西瓜
先去黃大仙新光，點知3開3，咁貴既@_@
轉場去新蒲崗玩，跟左陣機，見到兩個水魚挑緊機
跟完機落去挑水魚，點知佢成日後追上黎泊人車，好煩
仲要好慘咁連輸三次，最後一次山路挑走佢
同西瓜打鬼，呀哥到埋
我轉完TA set練緊部車，整水鬼俾西瓜挑
之後就挑機，西瓜同呀哥輪流挑我部貨VAN
好難玩lo部貨VAN，開頭兩鋪輸左，試好部野習慣左就贏啦
後尾佢地無錢，有個人落黎，咁我即刻熄挑，因為我部貨VAN黎
之後打鋪鬼，禁錯，因為急住熄挑，我想打故事嫁
之後轉返部正常e9挑返佢，原來水魚黎
挑左四鋪，第二鋪本身輸，點知又俾我過得返，係終點線前閘住佢過
跟住黎左個肥佬挑機，我見我都想走，咁咪俾佢挑lo
第一鋪名古屋，無位走，我頂佢埋邊諗住一齊過，點知佢無位，迫返出黎我食貨櫃
諗住走嫁啦，已經放棄左，點知佢又卡住前面部貨櫃
咁我咪上位贏埋lo，原來佢要轉返MT
之後玩幾鋪都係我贏，但佢都ok既，最尾一鋪好型咁輸
因為我想走，贏到無癮，所以就板神轉完最後一個彎調頭撞牆停車
走人lu~搭小巴返歸，今日其實都幾過癮，用左咁少錢可以玩咁耐
用左$24打鬼，之後用左$6燒左呀哥$30、西瓜$30、呀伯$8、肥佬$8
超過癮，仲有最正係免費車檢
呀哥車檢，點9知無卡，入左$2開局同$2，我叫停佢佢又唔理，所以先入左兩蚊
之後同場務講，西瓜玩完我坐落去幫呀哥車檢，個場務俾左$9我
問題係呀哥入果d錢可以繼續玩，姐係無啦啦多左$9車檢
本身今日諗住轉完TA set可以打TA，點知有得挑機，所以無做到
淨係開頭打左一鋪差d破到記錄既板神TA，可惜撞左，可惜可惜
明明就係尹sir遲，不過又俾佢岩岩好，我到之後果班列車就係佢搭緊果班
去到之後發現成班scout都唔依指示
話左係閘內7-11等，但佢地就係晒站既另一邊近出閘位到等@_@
等埋柱柱就去馬銨山租車，超抵，普通車$10，dup頭$20
之後我同尹sir跟笑面果隊，一開頭就賣甩我地
因為佢仲有個踩得好慢既member係我地到，但佢地就走晒
打俾笑面，點解會咁嫁
問佢記唔記得回旋處，佢又話唔記得
問佢記唔記得四叉位，佢又話唔記得
叫佢講一次佢由開始之後點行，佢就直飛左去四叉位之後
越講我就越燥，之後問佢有邊個係隔離，我叫佢俾曹文翰聽，我聽到句：勁麻煩喎，曹文翰一講就即刻搞掂
去到烏溪沙個check point，我同尹sir都俾晒提示
笑面本身都話轉左上斜，但係佢又要信個member都唔信我地
ok fine，跟住佢尾，行呀行，過左烏溪沙港鐵站，上上落落，終於去到海邊發覺行錯路
笑面先知錯返返轉頭，先去7-11買野飲，之後再去返岩岩個分叉位
行返岩條路，1分鐘都無就到左啦，何必呢？晒左一粒鐘時間
提極佢地點都要有APL或者PL係後面佢地都唔理，指意晒我地
所以我係科技園到同佢地講話：唔洗理我同尹sir，我地去邊行錯路都唔好理我地
總之我地係check point等佢地，如果最後果個APL或者PL到左而仲有member係後面佢地全隊都要罰
之後先無事，我同尹sir仲可以爽爆走晒唔洗理佢地，因為柱柱講過話我地鍾意既可以去check point等返佢地
到左大尾篤，我同尹sir放低車之後尹sir話等埋佢地先，等左一陣，我見越黎越多人就叫尹sir霸左位先
叫埋野食，等多陣，total 15分鐘啦又，笑面佢地到左，笑面一坐低就叫野食，結果竟然仲早過我同尹sir有野食@_@
之後我同尹sir食完野又上左水霸先，hea完佢地岩岩上到，我叫佢地唔洗過黎，等埋我地返過去就走啦
因為水霸係最後一個check point所以我就話最後check point係返單車公園，之後就同尹sir直爆返去
係消防局果條大斜路到，本身衝到最尾我都諗住要俾break嫁啦
見前面個細路停左，咁我咪慢慢break，見佢再行我就鬆break，點知佢再停，我break到部車後lok飛起
之後又有d細路踩單車s字形咁行，我又break到後lok飛起左幾次
去到水警基地到見到前面d人既衫好似我地d人既衫，我諗：無理由係我地前面仲要追咁耐先追得返嫁
一望左邊，袁卿家，原來係健少果隊d人，佢明明早我地好多，我同尹sir non stop咁追追左一粒鐘返黎~
最飛我同尹sir諗住行返黎果條路去烏溪沙再返單車公園，反正時間仲有好多(其實唔知有條快既路)
點知俾柱柱見到，佢打俾我叫我返轉頭，一停，一U turn，再行，踩兩野左腳抽根
柱柱聽到我話：抽根，之後就收左線，因為我左手放返低捉實部單車果陣禁左個收線掣
之後右手下意識咁落break，但唔係好實姐，前break，部車無飛起
但係我望轉頭見到尹sir好快咁衝埋黎，佢仲未反應到……
我見岩岩過左塊牌，佢咁衝就實撞，所以鬆左個break，佢都係撞，不過無咁應，仲有位俾佢跳車
最衰都係柱柱XD，返到單車公園等埋笑面佢地，等左9個字
搭車走果陣BC係咁曬命，話上水霸果條小兒科，三兩下就上到去，佢地行錯路上斜果d仲甘
不過我上果d斜讓佢地行先，之後我再爆，都仲快過佢好多
而水霸果條令我第一次踩單車抽根，以前都無既，應該係琴晚打完波黎啦~
諗住係九龍塘轉村巴，不過我印象中好似無，但又諗星期日無，星期六好似有喎
而且又有人排隊，等左陣，望下塊排，中伏，星期六得上午有，過去搭72小巴
好佩服柱柱，對住班唔識踩既人，超級無敵龜速咁踩，佢竟然話休閒
俾著我，如果叫我睇住果班友，我寧願返學好過，又唔係乖，仲要令我無得踩@_@
聽日要服務呀，e家隻腳仔軟軟，連續3日都無得休息，星期一仲要返早…
終於知點解dayoff反而令我更攰
因為呀哥起身嘈醒我1次
呀哥入黎拎野第2次
呀哥準備返工第3次
呀哥出門口前入黎拎袋第4次
呀媽入黎掛衫第5次
不停醒不停番瞓，唔攰就假啦
難怪上次住酒店就算瞓4粒鐘都仲精神過我dayoff瞓12粒鐘
因為一覺瞓到天光仲要張床好瞓到爆，環境又靜又舒服
本身琴晚呀哥話佢部機print唔到野，好lo，幫你整
開到機發覺佢d setting膠下膠下，咪幫佢改
之後又發現佢裝鬼死咁多野，但又唔用
幫佢disable左好多野，搞呢樣搞果樣
見卡巴斯基新版2010佔資源少d，咪幫佢upgrade埋
之後佢同我講：點呀！你用到幾時呀！1點啦！(惡語氣)
我咪佢係咪唔洗幫佢整，佢話：咁你整到幾時呀！ (惡語氣)
我再講：咁唔幫你整lo，以後咪鬼叫我
咩道理黎，我整到幾點又點？係咪唔洗整？e家係你話慢
我咁夜都仲幫你整你仲走黎話我，我一定要幫你嫁？
搞到燥底，瞓唔著，勁無奈
1點到肥洋打黎問我可唔可以早d，因為佢係觀塘岩岩入閘過黎黃大仙
我話無所謂，點知一收線就肚痛，屙完都點半
換埋衫出得果陣佢又打黎問我係邊，我話岩岩出，佢到左黃大仙
我叫佢搵20M小巴，我樓下有52小巴直到新蒲崗
去到之後我到先，我搵佢個站係邊，搵黎搵去都搵唔到
最後見到佢部車，見有人落就叫佢落埋，行行下，原來係我落車個站前面
因為個牌俾人放到歪左，睇唔到@_@
一人唱$40，唔知點解不在狀態，好似病病地咁，又好似未瞓醒咁
見車就撞，明知撞都唔避，膠下膠下咁，轉彎又炒
$40先贏得3鋪，無奈lo，最後肥洋同人挑，之後打鬼
我行出去呼吸新鮮空氣，順便打俾Timmy，之後去左7仔買野飲
勁灰，睇到屈臣氏果隻運動飲品下面個牌寫$6.9
咁咪買，拎左$10.9，點知條友拎左我張$10同我講$10
係呢個時候我先諗到，果個牌係寫：飛雪運動飲料
o咀lo，跟住就成個人精神晒，返去搵肥洋
贏贏贏~~~~~~~~~~~~~~~~~~~~~~~~~~~~~
去個廁所之後去OK買野飲，肥洋話：都無d特價野飲既
我話：咁多牌寫住特價都無，呢隻丫………..
下，係真唔係呀，荔枝特飲$2.9
最衰我飲左野，真係咁大隻曱甴隨街跳
之後睇人打機，好笑lo睇d人玩，碰碰車咁玩山路
最後又唱錢玩，玩玩下Timmy到左lu
我俾佢玩，佢打鬼，最後$2，見隔離有人坐落去
我叫Timmy開挑，有人挑佢就我幫佢
點知真係挑，佢唔肯俾我，得返8KM時跳車
玩咩，好在人地唔勁，追得返，仲贏埋
之後佢地話要食飯，咁我到最後咪唔鬼守等佢衝上黎贏左，走得
開頭肥洋話陪我等埋Timmy就走，之後就話食埋飯先走
又食M記，Timmy跌左杯雪糕，人地俾過杯佢，不過空心空得好緊要
無法啦，人地唔一定要俾你，俾得你就無得咁多野講，而且$1姐
傾傾下先知原來Timmy都有黎呢到睇我打既Blog，又唔留cm，衰人
肥洋話玩到9點走
Timmy急急食完就去左機鋪先，肥洋等埋我，我地邊吹水邊慢慢食
係咁搞爛gag
返到機鋪睇Timmy打鬼，隔離果個走左，我同肥洋就輪流同Timmy挑
唔洗錢(因為Timmy輸)，驚乜
肥洋玩玩下話玩到9:30
到我玩果陣我係咁推d車，因為唔係好識，變左係咁撞走d車，慢晒
之後轉彎又試下d新方法拎到最盡，結果玩下玩下，俾Timmy追到好貼
我諗住佢轉彎唔得，應該唔驚，所以無守到
點知俾肥洋教佢一招食位推走左我，完全無諗過
灰，係咁俾佢串lo，sor lo，我錯，要入錢[sosad]
之後同肥洋再挑過，哈哈，winwin~
最後肥洋都遲過9:30先走，一齊走
仲諗住今日打風唔洗出街啦，點知瞓醒已經得返一號風球
Timmy又灣岸上腦，係咁叫我出去打機
其實今日真係唔想打機，不過鬼叫一早應承左佢咩
Timmy太心急，俾張改名車佢，佢連改名用波棍都唔知
夠鐘變GUEST車，晒左張卡，早知俾張空白Evo8佢算啦
玩左$10，問Timmy借$40，因為我得一千，唔肯唱
故事去到50關，全勝，sd sms俾肥洋，佢：挑
之後食dinner，又係m記
跟住再唱$20，玩到60關，車檢，唱多$10
諗住夠，點知佢出卡$9
再唱多$10，玩到65關，心郁郁，唱多$10玩到70
全勝，又sd sms俾肥洋，佢唔理我
10:30係小巴站到等，因為落雨所以企入左少少
見到架小巴落完客就走鬼左
等左好耐，Timmy望塊牌，要企出馬路先睇到+_+
10:30尾班車，凸，最衰場雨，搞到部小巴以為無客
行好遠lo要，行去凰德公園先有211搭
打機打到無車走，第二次=.=
打機用左$100，痴線，之前瘋狂都未試過一日用咁多
計埋食飯用左$130
仲要因為今個月d錢用晒，用住8月先
e家7月中炸陰公，8月點過呀