見落雨突然想搭巴士返學，見未搭過巴士返又唔知要幾耐所以唔敢瞓
係紅隧到塞，其實都幾快，不過唔知邊到落，見機城附近都幾近學校咪果到落lo
差d俾個到門夾親，明明有幾個人落緊樓梯，前面果個搞事落完係等下個站落
個司機諗住閂門，我衝緊落樓梯無停到直衝落車
就係我跳果下到門夾埋黎，好在個司機岩岩好開返門
返去上英文堂，聽佢up又係晒氣，拎netbook諗住整鬥獸棋
點知textpad裝完，個java jdk要等半粒鐘先down完
等得黎再裝完已經完左半堂，下半堂miss話試寫作文
要交就3.30交，唔交既都可以寫，唔寫既可以走
咁我同輝爺同奶強咪走lo，過188食野
小新同馬嬲跟埋黎，二家姐e家算無人無物亦跟埋去食野XDD
食完返去等osa間房，為明天之戰準備XDD
完左又落快活林，奶強馬機手風不順就過左去推銀
本身好好推既機唔知邊個搞到d幣卡住晒，推兩粒波都渣盡盒幣咁制
點知30幾下就走，再推三粒波有70幾下又走，再推40幾下
再再推終於百幾下啦，上藍jackpot，死人潮州佬黑到你丫
搞到中唔到跌返落黎再上紅jackpot都中唔到彈走埋
之後又推左幾次fever game都係3,40下就無左，有上過百幾都無用
最後好好推都無推，因為盒幣無左仲唱左成舊水
今日真係無乜運喎………….聽日個鐵盒一定要回來！
朝早返去打羽毛波，好正
呀sir教左d野我地就可以係咁鬥波
開頭唔知點解好攰唔多想郁
死肥洋又係咁要人打高波同遠波俾佢殺波
打多兩打就坐低唔理佢啦
坐左好耐睇leo拍呀sir挑人機，leo係企係到食花生多
後尾起返身2打2，突然有氣有力，屈返肥洋機
之後食個吉野家落機城打陣機
點知有人係到，最後R左鋪機打就同leo返學校上英文堂
悶到丫，開netbook裝瘋狂賽車用電話做modem上網玩
一直玩到OSA落堂，同輝爺、走友、leo係咁鬥快TA
放左學就去188食野之後走人
琴日瞓覺又係咁lo，無啦啦走人黎尋寶
之後又係到打機
整到人地瞓唔返之後就自己走去瞓
嬲到唔洗睇馬會都已經直接決定唔返朝早果堂
就算返，去到都係瞓
而且又無錢用，食少餐好過啦
返下午果堂英文，之後就上OSA
俾馬友捉左去食野，本身都無諗過
但佢講一講又想食……..食野都係癮黎既
唔知點解真係食極都唔飽
返8.30既朝早一個麵包到10點就肚餓
死忍到lunch就算食個多飯，3,4點又食個撈麵加底
返到屋企個dinner食三碗飯飽晒但係12點又肚餓……
問題係我食極都咁瘦，食極都咁輕….
放學諗住落天樂城玩幾蚊，但見到YEUNG，轉場落機城
認真咁玩都玩到無癮，係咁撞黎撞去，請人食野再等返人再玩過
真係夠晒過癮，本來就最後5km認真，不過今日就玩到尾
但有人好似唔係咁喎！！！
後尾有個KILL落黎挑我同比比仲有顏麒
開頭就認真咁玩，點知條友廢到爆，只係識直插
我贏左之後比比同顏麒走場
黎左個KILLS仲有個帶女朋友黎威威既人
我一見到帶條女黎就即刻心諗：等我收你皮先
開頭我正經咁玩，之後見有女果個乜彎都炒仲阻住晒
咁我就發圍上去爆佢呔收佢皮
之後形勢大好，轉危險彎都無問題，點知最後閘唔住KILLS玩完
又唔記得睇KILL，如果早多0.5秒反應佢就撞入角我就多粒星嫁啦
後尾先知道，原來條女係到拍片，嘿，廢J就咪扮勁啦，仲要有證據俾人收皮
諗住搭103，不過急尿，去左快活林借廁所，走左架車改搭船
之後轉巴士果陣先醒起好似話有波局，不過都7點，最快都8點先打到，算數lu~
呀媽都係咁問我月結單，我等老豆瞓左就直接同佢講係12月尾拎錢俾佢，即係生活費計到3月尾
佢就係咁話我用錢用得快，呢樣果樣
我又廢事講我買左部netbook，如果講左就應該有錢回水，不過就一大輪佛計lo
而且我不嬲買呢d野都唔預要人回水俾我既，自己買自己用
最後呀媽就話今個月俾千四蚊我，之後黎緊果14個月都係千四，即每月扣100
佢仲講埋係要扣返千五俾佢
問題黎啦，今個月千四，total 15個月千四，即扣了1500
照計應該係借千四還千五lo變左
不過都廢事出聲啦，有錢用就夠晒啦
而且都係一百姐，睹少場波都係返到啦，廢事又一輪耶穌換100
本身諗住準時出門口，點知又係肚痛，唉…
返到去仲係到講返上星期個project
過完第一堂，馬友落去食野又唔叫我
等佢上返黎我再問佢，本身諗住玩下佢，點知佢話去@_@
要食就梗係188食啦，食魚蛋都抵好多
個老闆話我搞笑，又話我串d fd…….
食完野返去上埋果半粒鐘都唔夠既堂
Miss開左個網上點命系統，開左馬友張卡，原因不明，應該都有我份
超，怕咩姐，點相lo，我又唔驚你既
落堂果陣Miss話要我地改題目，上堂果陣又話無問題
求奇改過俾佢算，唔係點姐，落堂先叫人改，又要人即交，on9
之後上OS，又係邊netbook邊聽書時間
放左搭船閃人，轉巴士之後無啦啦肚痛
之後無事，瞓覺，到旺角果陣尹sir打黎整醒左我
傾左兩句個肚就開始痛，點知尹sir話等陣再打黎，果陣仲係眼瞓mode
過多幾秒電話再響，果陣已經變左辛苦mode
所以全程無乜出聲，講左兩句之後都係決定：唔講啦，係咁啦
已經唔係爆痛咁簡單，係突破緊防線果隻痛[sosad]
放左個屁舒服d，我梗係扮唔係我放嫁啦
仲扮野望下人再開大d個冷氣XD
之後都瞓唔到啦，係架車到chok下chok下已經慘
仲要落返下層，落完車又要上樓梯
行慢d又辛苦，行快d既話d廢物就跟住快d咁突破[sosad]
最衰都係尹sir
朝早返去彩天集會，多左個黃sir
升完旗步操左一陣就叫左我入童軍室傾野
本身傾下傾下都幾好，但最後做咩變左我一個上GI嫁
如果又係得我一個咁趕黎做咩喎
完左就係學校打波，都唔算打波既
只要有一隊無我同斌仲慘過hea打，都唔認真既
過去食個車仔麵就上順利同5B再打過
腸仔神射手，個波掂框不掂板，仲係上面郁&轉但不跌
蛇怪踩完我左腳腳指尾再踩我右腳腳指尾，之後再踢落我右腳腳根，痛呀
跟住魚鱗打甩我眼鏡仲整損左眼皮
蛇怪再次出招，同我搶波，我質量唔夠大俾佢拉到跟住佢轉
之後隻腳夾我腳，齊齊跌，我做底，搞到隻左手碗整親
佢仲話我夾佢，當時腳既分佈係咁：佢我佢我
咁點分邊個夾邊個呢，仲屈埋佢開波
好在我都唔執輸，籃底射波掉中個框反彈爆魚鱗
之後尹sir勢死跟住斌既指事：唔好望城，望住腸黎守
結果我超大力掉個光速球轉俾腸仔果陣
尹sir無望到波，全程望實腸仔跟住佢走
最後咪爆頭lo，仲撞到應一應，最好笑係個波再直接反彈傳返俾我
諗落如果申請個流動寬頻既話，peoples個gprs又唔cut得，cut左就廢左部heros
所以最佳既方法係3到申請個3G 無限plan，又可以共用落部netbook到，peoples就cut上網keep $35 plan
最衰smartone個3G plan如果當modem用就算無限plan都照計錢
peoples斷plan又要補錢，最衰係補完錢個number都拎唔返，so9
所以我既做法係今個月唔cut上網住，因為爆左分鐘用個上網頂住d先
今個月唔cut下個月又要再交錢[sosad]，最快都要下個月尾cut
咁之後就申請3G plan，peoples number就飛線去3到，帶埋部6288用peoples sms
反正家下無錢，第到二月尾先做最後決定啦~
一早起身無人陪我玩就自己玩
開個分身係第二個國，乜都未升就打國戰
結果係第六，仲殺到三部機，哈哈
仲做埋支援專家，紅國真係好廢呀XDD
之後就返彩天，大約1點就開始執返d文件野
搞呢搞路去到4點先開始集會
集會目的其實開周年大會，終於都甩身啦
開會其間有好多爆笑野
先係傾緊爐既數目果陣佳哥將1隊1個講左做：1人1隊
咁咪又十幾隊出左黎lo XDD
之後就到斌：個爐係咪坐地式嫁？
我(邊講邊認真諗緊)：乜有唔係(爆笑)坐地式嫁咩？
有掛牆式？有火箭發射0空式？
之後膠健同袁卿家將個會變左做小組討論練習
講d野超級官方&標准答案，一開波就：我非常之同意嫁
特別係袁卿家d語氣
影返張團相，搞笑版斌就慘啦，好在無用我部手機影，如果唔係fb見
不過尹sir果張就夠晒正啦
7點搞完晒，打波，8.30先準備走人
9.30返到屋企，再搞埋個windows 7，用微軟個自動電話啟動左lu
咁就應該唔洗煩啦掛~
跟住又同尹sir蛇怪玩超時空戰記，玩到成3點先瞓
點解今日玩超時空戰記會咁lag嫁
上次用notebook玩都ok順，用netbook玩少少lag
今日notebook 好lag，netbook就lag爆，果然係lagbook
爆機都唔知咩事lo，走又走唔到，炮灰
不過都升爆晒三部主機啦
果然呢d game只有開頭好玩
點解？因為開頭少人用點，之後多人用點就開始唔夠玩啦
唔用點升爆都係得5 lv
琴日3:15去到彩天門口，得肥鍵、魚鱗、橙、Hans
一去到肥鍵同魚鱗話我高左，有幾耐無見呀，邊有高到呀，玩咩
諗住買左生日禮物先啦，咁岩狗哥同雪豬到左
係惠康選購禮物，合味道，全部口味Total一箱24個，呀亨唔洗左偷右偷
呀亨話到左，雪豬帶呀亨遊花園先，肥鍵、橙、魚鱗搞掂份禮物
之後其他人同我就去牛池灣搵返雪豬同肥亨，係街市企左好耐
因為無人知道有幾多人黎，起碼14，結果去到先知有17個
係凍肉鋪買左$57x，之後再攻上百佳，再買多$5xx
不過Hans請飲酒，最後計返每人$55+$9(生日禮物)
搭89b入沙田，等橙落黎帶路，等完佢傻鴨都到埋
到左之後鬧Tommy佢地唔洗做，點知Tommy話佢都好辛苦
佢話佢都有買野上黎，我望一望，薯片蝦條 凸_凸
無耐斌都到埋，起爐，傻鴨個二氧化碳口
我地用報紙撥都唔熄，佢一吹就熄晒
開始燒野食，香腸永遠都係最早無晒，話買多d又話太多，17個人5包腸都叫多…
無啦啦有個外人行左上黎，因為我地係已用既燒烤場最高果個
所以我咪望實佢做咩lo，話晒我地果到超黑，睇實d好d既
點知佢落返去果刻我見到佢係健少，不過覺得可能性不大，望多陣，佢爆我全名@_@
呀~我去機鋪又見到佢班人，我黎bbq又見到佢班人
咁多機鋪/bbq場都撞到，有緣有緣
超後入成哥補倉，金茹肥牛芝士腸
兩個爐變得一個爐可以燒野食，另一個係熔爐
紙巾，淨返既碎碳，超多油"石"紙，整到超大火
之後將嘉士伯啤酒樽放入熔爐底，之後諗住叉住黎燒，點知茹子一口汽水整爆左個樽
最後俾Hans罰佢飲酒，不過飲左兩口唔肯飲，最後唔知去左邊~
之後同斌走人去尖咀，諗住唔好煩落尖咀站算，點知出口封晒迫人行返去尖東站[sosad]
出左出口無耐就停晒係到，我地醒水，係大廈邊位係咁迫係咁迫
迫到我地果陣警察又封返，結果有個酒店住客話要行過去，又開返條路俾佢
本來for佢一個，結果收唔返，衝呀~~~~
突破左，好大個area唔洗迫，不過約左既fd全部入唔到黎
明明我同斌最遲到尖咀但係就得我地先入到去
又見返傻鴨，仲見到曹文翰
我地個位好在唔迫，但差左位置差，連倒數都唔知
淨係知d人無啦啦係到數，我搵左好耐，都睇唔到邊到有提示已經放煙火，不過唔靚既
最後搵返晒佢地行左落油麻地，本身係諗住油麻地搭港鐵方便d
點知最後都係搭11C，咁行咁遠做咩呢@_@
去左燒雞樓下7仔買飯上佢屋企，邊食邊睇電視
最後佢地瞓lo，咁黎呢到做咩呀@_@
所以我咪同肥煒、周宏b、細傑睇ppsteam d鬼片，爛晒lo，情節跳黎跳去，無開頭無結尾頂佢個肺
因為燒雞部機太"強大"，所以我拎左部netbook出黎
唔知點解我部機播係高清，所以lag機；但佢部機播唔係高清，蒙晒
播蒙既我部機都得啦，假假地都播到720p喎
燒雞部機開個速成都要hold一陣，連縮小個視窗已經想喊
最後睇佢個config：CPU: 1.25Ghz，256mb ram
我部netbook仲強過佢，係佢張display先比我有d優勢，等我再花費加張硬解卡先~
睇完套爛片都6點，無理由e家先瞓，一陣唔湯唔水仲慘，睇Youtube頂到8點幾叫醒晒佢地走人
點知行到出天馬苑斌話無拎頸巾，盧仔無拎銀包，再等
返到屋企9點，沖埋涼整埋d野9點半瞓到16點
仲好眼瞓，不過呀哥出晒街，老豆原來都係朝早先返，要等呀媽返所以無得瞓
所以我就起身俾佢瞓
睇黎今晚都要早d瞓再補補同周公既上堂時數先得
新年快樂呀各位，祝大家身體健康，祝自己可以順利完成個課程，祝OrzKoo越做越好
生日快樂呀肥亨，祝你……心想事成啦(唔知你想要乜)，同埋唔好再偷杯麵啦，祝你24個杯麵食得開心
本身今日好有hard，鬧鐘無響不過自己起左身
見時間太趕，無食早餐就出門口
返到去先知bis同nb都唔洗上，同dms中間隔左4粒鐘
早知就唔返啦，結果打波
未食早餐郁兩郁覺得超級攰，都打埋個2on2
輝爺係咁食波餅，兇手就係馬友
我都左中招，有兩串魚蛋
之後就極速抄NB之後交
學校影印計費都幾膠，雙面影印兩張同單面影印四頁都係一樣價
食個M記陪輝爺交身份證副本去元氣，見到太陽仔
佢第一句就：十幾年無見啦
其實一年都唔夠@_@
搭巴士果陣又勁頭痛，吹到頭痛定係唔夠瞓呢?_?
最神奇係返到屋企又無事喎
幾驚真係病呀，因為朝早出門口呀媽見我無著外套：你唔好冷親呀！
我回佢一句：你上幾個禮拜已經咁講
咁岩咁橋病就俾佢抽水嫁啦
就算過幾日熱返但係病左佢都會話一定係前幾日唔著外套冷親啦，你話佢抽水抽到呢….
諗住預約定去拎身份證，點知係我諗完邊幾日得閒之後：對不起，電子服務系統現正非常繁忙，請稍後重試。
等左好耐再試：操作逾時，請重新申請。
又再click多次：對不起，電子服務系統現正非常繁忙，請稍後重試。
好煩呀，照計我閒日去唔洗預約都得啦
今日IP堂上唔上都無所謂，數學堂上唔上都係咁，so今日應該係dayoff，重點原因係四粒鐘lunch
星期二不嬲dayoff
星期三8.30 IP堂一樣無所謂，CF堂因為四粒鐘lunch而唔想上，so應該dayoff埋
星期四正式放聖誕假
Conclusion：今日應該係提早放聖誕假先岩
不過唔好彩，我星期三可能會返去上IP堂，因為我要返學校拎返d notes，放locker既壞處
下星期三又要返去上IP既溫書堂，雖則我識，但係始終覺得返去好d，又成四粒鐘喎，重點重溫
唔星期三先拎notes係因為我計劃緊星期三順便做d野，考慮緊
或者下星期二申請換身份證之後先做，諗諗
好想買netbook，睇中lenovo部s10-2，其實之前都留意呢部，不過果陣無諗住買同無錢買
e家金錢許可，真係超想買呀~~~
今朝斌sms我話去尹sir屋企plan隊長訓練計劃
我琴晚都有諗過去尹sir屋企，所以咪去lo
不過去之前諗住瞓多陣，瞓瞓下無啦啦有人係咁禁門鐘
佢又真係好彩，遲多少少我就出左門口
佢又真係好彩，我瞓之前先走去換門鐘粒電
佢又真係好彩，我瞓前聽歌開到好大聲，所以佢先係咁禁門鐘
邊個？原來係呀哥買netbook送貨黎，又唔早d"單"聲
搭車果陣，有一男一女，都唔係後生，係到大聲說大聲笑，喪講淫野
過到秀茂坪，等尹sir一齊去寶達買野咬&飲上佢屋企
一上到去，佢呀媽又雞翼，又哈蜜瓜
一路傾就一路食，d芥末青豆好正
有次食到卡住喉嚨，d味供上鼻，狂標眼水
後尾佢呀妹返黎，坐左係我前面，迫我望佢個樣，終於望到=……..=
佢呀妹好有義氣呀，幫我地試食零食，話唔好食，幫我地食晒佢@_@
有我有野笑，詳情唔講，師傅明嫁啦：有風呀有風呀，boom
聽日返8:30，眼瞓