好耐無打blog，岩岩睇返，原來岩岩好成個禮拜
諗返點解無打先記得都無時間….
唔補blog啦，都唔記得做過d乜啦，講琴日算
星期一交左project i既present
星期四交左英文份report
今日交左份OOP program
5月接住既行程有：
osa功課
osa assignment
oop唔知交乜
project i program
英文present
project i report
全人group present
全人個人短講
完晒呢d活動都仲未完嫁，因為緊接住就係考試…….
琴日係學校諗住整埋少少野就走佬，點知整下又一樣整下又一樣
最尾先知原來要做testing report….
搞到六點幾算數走人，放低份交得既野俾奶強
因為唔知今日返唔返
見落雨塞塞地車可以休息下，咁咪去搭巴士lo
得我有遮，仲要縮骨，四個人，仲要有個份量幾勁既leo
同佢地去MTR station之後就上天橋過對面搭巴士
一上到去，嘩，羅湖口岸呀，迫住晒係個MTR出口到
我決定巴士係正確嫁，就算落到去月台，都唔知等幾多班車，跟住金鐘實焗死
等無耐就有車，得車頭有空位，咁咪坐lo
係咁同人sms，望到維園果陣瞓著左
醒返果陣，好西利呀！我終於到左維園啦(膠)，轉彎位前
再瞓，勁野！轉左個彎lu，跟住都瞓唔著
係咁聽到開閂門聲，開頭幾個，走下走下十幾個
成兩粒鐘都仲係維園，走出天后返銅鑼灣已經順左d
返埋灣仔直頭係暢通無阻，紅隧都無樽頸
夠竟d車係邊到塞嫁？？
9點先返到屋企，食完飯沖個涼就開工OOP
邊寫testing report就邊發現bug，前日做到燥底，見跳到河就完工
de完呢個就走左第二個bug出黎，用左勁多時間lo
比比又要係呢個時候升級windows 7……………..
呀哥就係咁煩煩煩，煩乜姐，睇唔到做緊功課嫁咩
你做功課我都無要你俾我用啦
一路係咁整，d時間過得超快，3點,4點,5點，快到你丫
5.30完工燒碟瞓覺，本身諗住唔瞓繼續既
點知老豆老母係咁叫我瞓，咁咪瞓lo
6.30要起身返8.30果堂，結果都係set 7.30，8點起身
見有少少陽光咪同leo講我呢邊好似幾好天
點知佢話佢果邊好好天，咁佢話係咪係lo，反正我想踩單車
但因為我改左份program，要重新整過黎交，咁咪返學校再印lo
約左奶強同leo返學校，一出灣仔MTR，頂丫
真係超爆勁好天lo，勁曬勁熱
整好晒吹埋比比，佢交埋webct就大圍集合，入大水坑
加左價呀單車，普通二十，dup頭三十，唔緊
得我dup….開頭踩得勁慢
之後唔理佢地，爆陣先，點知原來跟緊我爆
好快就入到大尾啦，點知比比衰收尾，卡住條柱，差d爆丸XDD
食完野上水霸hea左陣就閃人，開頭又係慢踩，跟住慢慢加快
最後無停咁爆返大水坑，不過因為無乜瞓過同攰既關系
6波爆上斜路後抽根，兩邊大腿齊齊抽，不過keep住踩無乜事
但係就紅燈迫住停，一停就同上次設伏俾尹sir一樣，兩隻腳直晒
想踎低都唔得，跟本係直到郁唔到，咁就企下lo，按摩下
鬆返果陣一野踎低搞掂晒繼續爆，逆風5波算啦
最尾去到馬場果陣比比問我做乜唔6波
我話攰加嘛，佢就係咁問…咁咪用lo
一野爆，邊有得追呀佢d廢車，本來爆都好地地
突然超大逆風，痴線….隻腳乳酸到條小斜路都抽抽地
不過佢地好似仲慘情，行捷徑返去單車公園算數
leo哥兩次最慢，要請野飲同灣岸一鋪，哈哈
返到屋企對腳都無乜野lu，可能聽日先慘XDD
但聽日要服務，死啦…………..
弊！制服在彩天，聽日點去….
有無得唔去呀=0=???
本身話今日打波，今日仲有d錢，無乜所謂但最後取消左咪慳返lo
朝早返個network，做果d野都叫ok識做
話說比比琴日係msn同我講network走得多，今日要返，結果又唔見左人
之後因為食開果間茶餐廳聲稱裝修(開左無耐咋喎)
過左街市試下第二間試伏，結果ok喎又，起碼d汁係有味嫁！
食完就過天樂城匯合比比同leo顏麒
玩玩玩，明走OOP堂，晒人時間又無聊
其他科我唔敢講，但係program有notes同例子我自己都識研究同自學
唔洗你教到on99，jamson教我就受，毒撚教就免啦！
咁上下時間就返去上OSA
上個星期話要交特登帶又唔收，今堂我就唔記得左帶但又要收
好在第二日交都計分，不過計少d lo
又做一份labsheet，今次細份d，但難左，有d唔記得左，有d空左
呢個呀sir勁好人，成班走晒仲肯留係到教我，讚好~wkyip~
又去威揚，開頭四部一齊玩，之後走左個，黎左個水魚
淨係識飛，又廢，結果又要輸喎，又要串柒柒，又要唔夠秤入機鋪
玩左幾蚊就讓俾奶強玩，點知佢玩一鋪又走，留低銀仔俾我玩
yeah~免費R機打，正
不過玩多鋪就搭巴士閃人，勁塞車，最like就係咁，有排瞓
瞓左好耐都係入左隧道咋，之後突然覺得瞓左好耐嚇醒左
結果係岩岩出隧道停巴士站，之後都瞓唔著lu
因為通常當你覺得瞓左好耐但實際唔係既時候會特別醒晨，調返轉就慘情啦
一早就要出門口，但諗住出果陣又突然搞肚
衝左入廁所又俾呀媽拎牙刷而窒住左
搞到無左便意，好事定唔好事呢？
好事：到天后唔會遲
壞事：服務果陣做做下野搞肚就pk…
不出所料，去到天后又搞過，忍lo..仲可以點
開始做野前就入倉偷野出黎
勁無癮喎d大粒野阻住晒
話叫我地唔好自己拎，叫support team幫我地拎
大佬，我地知道個位置，又多人手拎，仲等你d人呀
迫住出返去等佢慢慢傳野出黎，仲要排隊跟機先拎得一次
之後就開始工場式生產
無耐就同尹sir上左最前，但我就做跑腿
有d搵號碼布既位有人負責，但又慢，自己拎又俾人鬧
我地上年做過，自己偷野仲快過叫你搵啦
等多陣就同尹sir換位，係咁重複性說話，口都乾
工場班人有得早放飯，到我地果陣無晒飯，得意粉
不過d飯既豬肉就好似香口膠咁好難咬爛(聽聞)
但d意粉又嘔心，仲要白汁，難怪尹sir話似咩啦
食完飯又開始做前線，d人由原本排大隊變左"櫃台"前都有幾條小隊
速度就係咁加速，真係講到口乾
終於有人黎接更，教左佢點做之後就退下火線，不過速度就勁慢
本來走得但要OT幫手工場，都唔合群既，教佢地又唔理喎
叫佢地一個集晒d野，一個入袋，咁咪效率最快lo
又唔理人，各有各入，唉，算，咪盡自己去入lo
點知俾張紙"界"親，痛呀，d袋都染左我d血
做多陣就唔理佢地齊齊閃人
有d野始終網絡上講就唔好啦，總之就：KK，幫唔幫，唔幫告發你嫁
本來話唱K，結果變左去燒雞屋企打牌
買左d零食就上燒雞屋企，貪心的斌哥用晒d熱水，搞到我有個特濃公仔麵食
走前終於贏返鋪自摸清一式~
返到屋企留言姐又黎求救話部機會無啦啦問回報不回報，之後就熄晒d野
我估應該唔夠ram掛，佢得1gb ram，隻hdd又慢，我幫佢熄左虛擬記憶體
好眼瞓呀，本身諗住未10點就瞓，點知見個blog咁多日都未補完就補埋佢
搞到e家都無早到= =勁攰lo，房又俾人霸左，點瞓喎
返8.30，第一堂DB，點解好似講到好複雜咁既
第二堂CN，都係佢教得好d，好過上學期個細龜
肥洋自己跟住無堂，但就捉我地落尖沙嘴灣岸
我地不嬲都好公正既，擇高治…公字先岩
GO就Go…公就去
最後咪又係過左去，朗尼返左半粒鐘就跟我地走@_@
聽說Program堂無野教，定還是佢地唔識呢@_@
不過今日好眼瞓，完全無態，但係贏到
贏只不過是肥洋亂玩，佢認真仲邊有得贏丫
做左山路鬼王，因為肥洋做鬼王之後整個水鬼俾我
唉，係咁撞，贏到個鬼王都唔好意思，好在無人睇到咋，相都廢是影
發覺自己越玩越唔識玩咁，山路以前打TA最多都係某幾個位撞
e家就撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞撞
連板神都有三個彎唔多識轉
名古屋個紅彎都搞唔掂
玩咁耐都無條拿手既路，灰
也許只可蝦新手吧，算吧
又去食M記，食完搭巴士走人
真係好眼瞓lo….瞓到親d過站
點解呀媽點極都唔明，鬧埋仲係咁嫁
d野又唔係我既，你問我要唔要做咩姐
係咪我要就送俾我，唔要就掉得無手尾跟先
d野唔係我，佢地放到亂晒又關我事
無啦啦走黎鬧我，你估我想嫁咩
如果我揸得主意，我一早掉晒佢啦，不知舒服幾多
今日得一堂3粒鐘既Project I
不過我真係好想爆粗lo
點解讀電腦要讀BIS
點解讀Project要讀Program
好似唔太關系咁喎
第一個break係唔知情既情況下再加jamson搞到無左
第二個break落左去食野
返上去覺得無癮
頭一粒鐘講廢話@_@
第二粒鐘教書?_?
第三粒鐘教點交功課[sosad]
仲用左10分鐘點名，哭笑不得mode
放左就成班圍jamson
可惡，IP竟然考試80分都無，俾連年屈到9x
衰則我係全班最高，不過拿手科都無8字頭
仲要overall先得8x分咋
份大功課用左我好少時間做，好多時間改，勁多時間優化
最後咪得果96分，不要誤會，96不是高，因為有人106分
二家姐直交我舊果份有56，比比佢地得旗盤同入旗+結尾都有6x
但明明我舊果份有埋食旗，不過食錯姐
呀sir問我點解我咁高分都唔幫下佢地呀(比比、奶強同leo果幾個)
我咪答佢，我有幫，不過幫錯左，俾佢地吸錯分姐
因為得我JAVA合格，佢地唔合格
得我BIS唔合格，佢地都合格
走人之後就去左3到上台，唔小心中左個伏
條友陰聲細氣咁，應承左之後米已成吹先知道真相
本身我$198+$12，之後佢話+$49可以開多張卡用黎上網
咁我咪話好lo，佢話又有多1200分鐘，又免$12，又免$8sms
點知後尾知返係150mb/month only，唉，算，用黎爆下分鐘lo
可以sms啦各位，請問我拎3台電話，打俾我加sms請這個
peoples果個會飛線去3，不過唔知係咪要加錢，所以知我新電話既就直打新的吧
舊電話遲早會用返，唔好del呀~
p.s.3果個我最遲5.30搞掂，佢話2粒鐘開俾我，結果e家都未用得
唔係咁都要屈我一日錢下話
各位，星期三既DB堂唔洗上，朝早既全人照常，下午灣岸團召集by比比&leo
見今日有兩粒鐘係LT21上
所以玩具是必備的
兩科都第一堂，每堂一粒鐘，總會用半粒幾鐘講廢話
肥洋早落堂，先過尖沙咀
不過我地仲有兩粒鐘program
開頭諗第一堂都係廢話多，要走就快啦
點知諗起兩粒鐘，點都有野教掛
唉，真係無野好講，條友講左兩粒鐘都唔覺佢係教書
開頭就問無聊野，之後就問我地上年既野，再問d上學期已教既野
之後問馬嬲仔：for loop係邊類呀？A定B
我見呀sir唔like就係都要搞事：A
好明顯係我答，因為我超大聲咁講，不過坐最後，馬嬲係我前面
之後呀sir再問：有無人同意呀？……有無人唔同意呀？
話明搞事我梗係唔放過，自己舉返手
點知呀sir：拿，你d同學都唔幫你啦，你後面果位唔同意
今鋪真係神又係我鬼又係我但係佢又唔發覺
個呀sir又麻麻煩煩果隻，郁d又要警告信，問答又雞蛋搵骨頭
你醒我都唔笨，你話要揸正黎做，學校電腦唔可以用黎打機睇片
第一次就請你出去，唔出or第二次就警告信
學校電腦嘛？我自己帶電腦！
學校網絡嘛？我自己出上網！
Program我唔係識晒，不過我有個底對我黎講唔易
更何況呢堂係做lab堂，書都未教做乜野姐
完左就同leo落尖咀，食個吉野家就開波
不過係金馬倫玩左鋪板神TA熱身
之後就轉場去碼頭，多人不過跟左陣就4部玩得
但我開頭板神TA快左呀，50.347
不過都好慢…..
今日狀態大勇，甚少撞同拎到好多鋪第一
可能真係rx8細部d掛
不過都唔夠肥洋贏得多lo，山路無得鬥
玩到5.30閃人，錢都未玩完，唔知點解今日咁耐玩既
搭1號閃人，今日太認真，好攰好眼瞓
係車到瞓，不過後面條pk係咁踢我張椅
最後一次啤到佢實一實佢先無再踢我
聽朝行山，又係獅子山，不過好耐無行山，熱身都要既
聽日我覺得會行得好辛苦，因為真係好耐無行
不過聽朝幾點邊到等都未傾@_@
琴日3:15去到彩天門口，得肥鍵、魚鱗、橙、Hans
一去到肥鍵同魚鱗話我高左，有幾耐無見呀，邊有高到呀，玩咩
諗住買左生日禮物先啦，咁岩狗哥同雪豬到左
係惠康選購禮物，合味道，全部口味Total一箱24個，呀亨唔洗左偷右偷
呀亨話到左，雪豬帶呀亨遊花園先，肥鍵、橙、魚鱗搞掂份禮物
之後其他人同我就去牛池灣搵返雪豬同肥亨，係街市企左好耐
因為無人知道有幾多人黎，起碼14，結果去到先知有17個
係凍肉鋪買左$57x，之後再攻上百佳，再買多$5xx
不過Hans請飲酒，最後計返每人$55+$9(生日禮物)
搭89b入沙田，等橙落黎帶路，等完佢傻鴨都到埋
到左之後鬧Tommy佢地唔洗做，點知Tommy話佢都好辛苦
佢話佢都有買野上黎，我望一望，薯片蝦條 凸_凸
無耐斌都到埋，起爐，傻鴨個二氧化碳口
我地用報紙撥都唔熄，佢一吹就熄晒
開始燒野食，香腸永遠都係最早無晒，話買多d又話太多，17個人5包腸都叫多…
無啦啦有個外人行左上黎，因為我地係已用既燒烤場最高果個
所以我咪望實佢做咩lo，話晒我地果到超黑，睇實d好d既
點知佢落返去果刻我見到佢係健少，不過覺得可能性不大，望多陣，佢爆我全名@_@
呀~我去機鋪又見到佢班人，我黎bbq又見到佢班人
咁多機鋪/bbq場都撞到，有緣有緣
超後入成哥補倉，金茹肥牛芝士腸
兩個爐變得一個爐可以燒野食，另一個係熔爐
紙巾，淨返既碎碳，超多油"石"紙，整到超大火
之後將嘉士伯啤酒樽放入熔爐底，之後諗住叉住黎燒，點知茹子一口汽水整爆左個樽
最後俾Hans罰佢飲酒，不過飲左兩口唔肯飲，最後唔知去左邊~
之後同斌走人去尖咀，諗住唔好煩落尖咀站算，點知出口封晒迫人行返去尖東站[sosad]
出左出口無耐就停晒係到，我地醒水，係大廈邊位係咁迫係咁迫
迫到我地果陣警察又封返，結果有個酒店住客話要行過去，又開返條路俾佢
本來for佢一個，結果收唔返，衝呀~~~~
突破左，好大個area唔洗迫，不過約左既fd全部入唔到黎
明明我同斌最遲到尖咀但係就得我地先入到去
又見返傻鴨，仲見到曹文翰
我地個位好在唔迫，但差左位置差，連倒數都唔知
淨係知d人無啦啦係到數，我搵左好耐，都睇唔到邊到有提示已經放煙火，不過唔靚既
最後搵返晒佢地行左落油麻地，本身係諗住油麻地搭港鐵方便d
點知最後都係搭11C，咁行咁遠做咩呢@_@
去左燒雞樓下7仔買飯上佢屋企，邊食邊睇電視
最後佢地瞓lo，咁黎呢到做咩呀@_@
所以我咪同肥煒、周宏b、細傑睇ppsteam d鬼片，爛晒lo，情節跳黎跳去，無開頭無結尾頂佢個肺
因為燒雞部機太"強大"，所以我拎左部netbook出黎
唔知點解我部機播係高清，所以lag機；但佢部機播唔係高清，蒙晒
播蒙既我部機都得啦，假假地都播到720p喎
燒雞部機開個速成都要hold一陣，連縮小個視窗已經想喊
最後睇佢個config：CPU: 1.25Ghz，256mb ram
我部netbook仲強過佢，係佢張display先比我有d優勢，等我再花費加張硬解卡先~
睇完套爛片都6點，無理由e家先瞓，一陣唔湯唔水仲慘，睇Youtube頂到8點幾叫醒晒佢地走人
點知行到出天馬苑斌話無拎頸巾，盧仔無拎銀包，再等
返到屋企9點，沖埋涼整埋d野9點半瞓到16點
仲好眼瞓，不過呀哥出晒街，老豆原來都係朝早先返，要等呀媽返所以無得瞓
所以我就起身俾佢瞓
睇黎今晚都要早d瞓再補補同周公既上堂時數先得
新年快樂呀各位，祝大家身體健康，祝自己可以順利完成個課程，祝OrzKoo越做越好
生日快樂呀肥亨，祝你……心想事成啦(唔知你想要乜)，同埋唔好再偷杯麵啦，祝你24個杯麵食得開心
返到去又成為Jamson既話題，又話我遲到，不過今日早左幾分鐘
派IP測驗卷，頂你，46/50，最複雜果part拎滿分，最易果part扣左4分
邊個叫果日諗住趕返時間睇唔到咩，唔記得while loop無左i++果part
真係勁唔鋸，本身係滿分嫁，係無返睇既情況下寫最複雜果part
成個program，所有學過既野用晒，竟然岩晒，但衰係果到就真係慘左d….
馬嬲仔有1分，鼓勵分
小新、走友13分，估唔到走友好似識識地但係就………
輝爺36分~
馬友0分，笑左，連鼓勵分都拎唔到
朗尼連補考都唔黎，仲要好串咁同呀sir講：黎唔黎都唔識嫁啦
之前仲同呀sir商量幾時補考，又話有醫生紙
lunch去左食吉野家，之後就去左天樂城
3個打人1個，不過無打team，我個個都有時撞有時俾佢過
之後換左人，勁煩，係咁撞停我，有用咩？最後咪我贏
名古屋果鋪唔係用800hp，我會唔理佢俾佢夾？不過又咪贏~
C1果鋪要撞我埋貨櫃同角？好易姐，不過你都要一齊~
可惜可惜，打team我唔注重贏輸，只會注重人地無得贏
最後一鋪你唔係覺得你勁而贏呀~？仲係到串柒柒
我係見夠鐘返學咋，柒頭
玩緊果陣肥洋sms呀泰：你好，我今日唔返，你自己保重
笑左，心諗：做_ _呀
返去上NB堂，半聽書半玩電話game
NB堂一開始馬友就係咁搞朗尼，又整到我，坐開第二到~
成點幾兩點鐘先收到Timmy同朗尼係11點sd左個sms黎
問朗尼借notebook玩facebook
點知佢唔肯，諗住sms炸下佢，sd左廿幾個
sd到sd唔出就停，朗尼借左俾我
仲以為佢收到添
上完NB堂上BIS堂，拍卡之後去食野
出去果陣朗尼話我炸佢sms，部電話係咁震，隔左半粒鐘，部電話做乜呀@_@
188 $3/10粒魚蛋，都幾好食
最嬲係撈麵加兩樣餸再加野飲都係$10
以後唔去7-11買啦，差一條馬路，以後識做
返去上BIS果陣，呀sir成日發皮氣話我地唔聽書
係B班d人姐~
玩大富翁，開頭用電話3個人玩，不過隻game唔靚同lag
所以拎部iTouch出黎玩，正好多~
輝爺用企鵝，叫QQ，所以佢新名叫QQ哥XD
走友用雙泊手，叫胖墩
我用車，叫法拉利
上DMS繼續玩，呀sir咪又係走黎抽水
特登問我地問題，我就識答，佢無再出聲
走友唔識答，呀sir叫佢專心d聽書
之後就黎問我部iTouch係咪可以查表，係咪入晒落去
開頭無理佢，點知仲黎抽水，咪串佢一句：我有無嘈住你教書呀？
好多人無返，高治、smking、leo、顏生唔返就例排嫁啦
今日比比又無返，肥洋又唔返、班長又無返
部Hero麒麟怪怪，一時插handfree無反應，慢慢插佢又認到
一時個GPRS上唔到望，要boot機，一時就lag爆，今日連個Sense都要reload過
sms又卡住唔sd，收又收唔到，唔知係咪GPRS個問題jam左條線
可能開得太耐掛~不過整體上又無咩野既~