瞓左無耐就夠鐘起身啦
食個麵換衫再放低幾兩就出門口
飛的落觀塘之後搵小巴
搵完就等笑面同德哥
由於時間關系，等到笑面之後都要上車等
好彩佢最後岩岩趕得切
到左就人肉自動導航又俾我行岩路
點解？Google個街景地圖幫左我lo，琴晚睇完認得路lu
入到球場行左個圈先搵到佳哥，最後又要行返轉頭開始做野
開波就搬少量野再set場
我同斌本身係收牌仔，最後工作有變，變左都唔知自己有咩做
吹水結果俾佳哥鬧，又係既，的確唔係咁好
不過真係無咩野做，排隊條line又有兩個scout做左
終於企完拎埋袋上車入campsite
原來宿舍同工作地點有一段距離，都唔只，仲要係大斜路
換衫之後又被叫返落去，做過咩自己都唔多記得啦
有野做就要企，無野做都要企係到等野做
lunch食唔夠，要由杯麵頂上
勁唔好彩識到東哥，係咁俾佢串XD
佢條友仔自己就係咁爆粗，人地講個似粗口既字都要黎抽秤
朝早先叉滿電，半日都未夠就已經要熄機
夜晚餐飯豐富d，有咖哩魚蛋飯………
東哥癲到話有咖哩魚蛋粥食喎@_@
夜晚玩果個比賽就激啦，要班仔係咁跑，可憐我地班helper跟住跑
最好笑有個位係8人7足，我果隊少個人，所以叫佢地7人6足
結果有個人同隊長講：乜唔係8人9足咩？
我無理，佢隊長叫佢唔好理照"正常"玩法玩
咁我就數佢地d腳啦，發覺over晒6足，原來係因為2人3足唔會2人1足既bug！
人地瞓覺我地玩牌，最後又係瞓得一陣
同斌落黃大仙坐許偉名架車返彩天
hea執野再換衫之後等出發
我同斌跟"名"架車入camp site
去到之後左搵右搵終於到左，無人唔洗霸
之後就等班scout再落貨(竹)
選擇好營地，我、斌、尹、名用個camp site比較遠
hea完一輪之後就去視察check point，搵黎搵去都無point 3
之後返到去就玩火，玩左無耐佳哥到左
串完我地趕左我地落去之後自己又係到玩……你d衰野我知道左啦XDD
再過左陣就跟"名"車落荃灣接尹sir，順便車走佳哥佢地
佢地落車果陣俾交通警猴住，所以好驚佢會返轉頭，唔記得左say bye
之後就搵到尹sir但無位迫車，走黎走去，最後去左葵芳補給同買飯
搞左兩粒鐘lo……..，返到去發現多左班童軍
之後夜晚無去夜行，同"名"返去camp site
開頭諗住等，等等下又聽歌又上網睇爆笑足球，之後都係瞓左
等到佢地返黎之後就玩啤牌，最後涼粉過量，show hand解決
食晒先諗起涼粉會唔會好似寶礦力同雞蛋咁一星期唔可以食幾多量，好在無
最尾唔知幾點先瞓覺
果班後入既scout真係影衰晒，又無腦
呢日係紅色火災危險警告，一地都係乾葉，佢地仲係到拎著左火既柴周圍fing
d火星周地都係，真係痴撚線lo
連佢地領袖都唔理，真係好過份
原來scout果邊有集會
我就返左去做功課，db真係幾麻煩
我係識做，不過d字唔識串
做完又要打返上facebook群組分享…
不過好似無乜人有留意我既分享，算數，係你地唔爭氣咋
完左集會就打左陣波，之後返歸
等比比同leo係紅磡食完早餐就去美孚會合
馬友佢地就上早一班，比比話見到佢
結果馬友佢地成班人由車尾行左去車頭搵比比XD
本身就係奶強話佢地係香港仔搭巴士死左火，叫我地同Miss講等下
點知結果就係奶強早過我地，調返轉要佢同Miss講等下
去到上架旅遊巴，真係晒鳩氣
架車由元朗站行返去錦上路，之後再入少少，果少少條路又窄又凹凸不平
真係行路入好過，整得旅遊巴就好心你係九龍接我地入去啦
去到一開始玩過小遊戲，比比又出狗招，不過就害人中害埋自己
之後又教整筷子同起火，佢d燃料靚到無得比lo
開始backwoods啦，話要起個天幕先
眼見個地下似硬地，要將成枝樹枝打入地下當營釘又真係過份d
可能因為呢排食藥，個腦都轉慢晒
所以我只係諗用A字架拉開兩邊算數
點知結果個所謂硬地原來係泥地，輕輕鬆鬆就入左去
當然玩火我要參與一份啦
本來我就放左d極幼枝諗住著左先，點知朗尼佢地又係咁加竹枝
結果就晒左兩枝火柴，得返一枝，重整旗鼓之後一點
個導師抽抽水個火正常著左，搞到成個功勞歸晒佢
都算啦，咁開頭最大粒個大佬話佢要我地明火燒雞
你要明火就梗係大大火直燒隻雞嫁啦，點知個導師就係咁話太大火
仲一野整散晒個柴架，之後仲叫我唔好加柴，話太大火啦
我屌你咩，個火熄撚左啦，我都廢撚事理佢，唉，行埋一二邊
慢慢玩下柴算啦，起碼唔洗對住佢先啦，又話明火又話太大火
我真係贈你一句：你懂甚麼？
我完全放手唔理啦，最多就整下筷子，要用竹黎整，佢話筷子頭要圓
我就唔理，木筷子頭都係方嫁，我就整到要自己"拍"斷黎用XD
玩柴果陣，比比一野掉左舊木去隔離間屋後面既樹到
點知俾人見到，佢仲話係樹上面跌落黎[sosad]
結果得出黎隻雞又ok喎，d蛋又好味，飯又ok，麵包就衰左
哈哈，算係咁啦，無人教整出黎仲好過班scout呀XD
最後個總結，個Miss問我今日有無咩困難，我就話：最大困難咪你lo
呀，佢又聽唔到喎，我咪求其答：無困難！
佢就問我點會無嫁，又問我做過d乜，話我好似無做野
我心諗：我玩火果陣俾你鬧完我都廢事理你，幫手整筷子仲係到嘈
閃人之後本身諗住搭輕鐵去市中心，點知614就唔搭，搭左610
去到好入之後先知搭錯車，結果咪落車再搭返轉頭lo
點知果個站叫：青山村
我問比比：你都係想帶我地入黎姐[sosad]
期間有個細路無啦啦衝出黎，部輕鐵急break到仲勁過地鐵果隻
個細路差半步就撞死佢，人家一直再說他在玩命
終於去到市中心，打左陣機，俾人喪鳩夾到無癮，打故仔
之後肥洋玩，贏兩鋪………唉，神洋mx5
之後食野，我食m記，補返lunch果餐，double足三兩再加大
lunch果餐衛生到都唔敢食，只係食少少試下味，食最多都係d飯
leo哥洗左唔少，dinner都洗完一碟再洗一個飽
同比比搭巴士返歸，都係打機累事
見咁多一蚊咪入錢lo，點知返到黃大仙先醒起
轉乘優惠要八達通嫁[sosad]
朝早搭73小巴上慈雲山，等左陣簡到左
之後唔等尹sir行住先，點知佢開外掛
係我地前面個站落，快過我地…
跟住就慢慢爆上去獅子…丫唔係，係麒麟亭先岩
上到去吹左陣水佳哥就黎到，之後就等左超耐
班scout終於上黎啦，真係慢，又遲左粒鐘先出發
班細佬真係，已經俾佢地行先
我地用好慢既速度係幾分鐘追返
有幾個已經話唔掂，真係o晒咀，體育堂跑圈都唔只咁啦
之後用極爆慢既速度行，因為塞住左
去到回歸亭休息左一陣就同尹sir帶頭上山頂
行快左少少，不過後面有佳哥係咁push上去，所以都跟到
再休息，影相果陣有隻蝴蝶飛左黎我件衫到
之後影大合照果陣有隻蝴蝶追住我，頭頂又有隻，衫上面果隻仲未走
影完之後我講左佢：喂，影完啦，走未呀你
之後就飛走左，去左尹sir到，之後再影多張，一影完又飛走左lu~
跟住就開始落山，龜速落山
去到check point之後俾佢地行先超多，我地係咁吹水
跟住跑上去，最爽都係果刻啦，唔洗再就住就住，衝返陣先啦
尹sir跑先，之後斌大叫左野，簡生問佢叫乜
之後到我大叫，原來又係尹sir放伏，差d中
勁大舊石係路中間，跳起再縮起兩隻腳先避到，因為跑緊+跟車太貼
最後斷左路，係山坡到衝落去，不過佳哥同Venture負責做人鍊
係蘇屋解散之後賣甩佳哥就行左過去西九食明將
參與中伏人士有：我、斌、尹sir、簡生、德哥、教主
Round 1：8碟三文魚、8碟鰻魚、8碟八爪魚、8碟螺肉，同8碟唔記得咩黎
期間仲拎左30碟黎食，完左第一輪之後尹sir設伏
Round 2：8碟三文魚、8碟中華沙律、8碟鰻魚
勁灰lo，尹sir又唔食又要叫咁多
我都食左5碟三文魚，5碟鰻魚
最後食完之後，死人德哥岩岩食得落又唔幫手，自己又拎多幾碟黎食
最後尹sir分返佢個袋d野，斌哥就將枝水放入腰bag
意外中唔見左張八達通，不過最心痛係唔見左個八達通套@_@
我去禁錢，斌去報失，搞左好耐，又撞返教主同德哥
返到屋企超悶，難得腸仔約打波，點知又唔夠人取消左
今日尹sir放左超多伏lo，搞到勁多人中伏
Peoples終於幫我開返個GPRS服務啦，用多幾日先