今日升團，名同好耐無見既楊永達都返左黎呀
不過校工唔俾佢地入，又話過氣童軍唔得
咁名係想玩返加嘛，打俾M仔同佳哥都唔聽電話
好在最後我話自己係童軍既訓練員先入得咋
升完旗無野做就係咁步操，多左個想入深資既人
操到四點幾休息等佳哥返黎就升團
升完就夠鐘降旗，換衫打波
見到柱柱閃水……….又話同我買ipod
後尾sms先知原來佢同fd去買router等陣返
話8點前，開頭唔知點等先等到8點
點知斌果場波續完又續，柱柱同我收完都仲有時間淨
係咁同尹sir互炸sms，真係無聊到爆，炸到自己部機輕埋
屋企打黎都變左尹sir打黎，搞到cut左線[sosad]
iPod Touch再見啦~~~
同斌落黃大仙坐許偉名架車返彩天
hea執野再換衫之後等出發
我同斌跟"名"架車入camp site
去到之後左搵右搵終於到左，無人唔洗霸
之後就等班scout再落貨(竹)
選擇好營地，我、斌、尹、名用個camp site比較遠
hea完一輪之後就去視察check point，搵黎搵去都無point 3
之後返到去就玩火，玩左無耐佳哥到左
串完我地趕左我地落去之後自己又係到玩……你d衰野我知道左啦XDD
再過左陣就跟"名"車落荃灣接尹sir，順便車走佳哥佢地
佢地落車果陣俾交通警猴住，所以好驚佢會返轉頭，唔記得左say bye
之後就搵到尹sir但無位迫車，走黎走去，最後去左葵芳補給同買飯
搞左兩粒鐘lo……..，返到去發現多左班童軍
之後夜晚無去夜行，同"名"返去camp site
開頭諗住等，等等下又聽歌又上網睇爆笑足球，之後都係瞓左
等到佢地返黎之後就玩啤牌，最後涼粉過量，show hand解決
食晒先諗起涼粉會唔會好似寶礦力同雞蛋咁一星期唔可以食幾多量，好在無
最尾唔知幾點先瞓覺
果班後入既scout真係影衰晒，又無腦
呢日係紅色火災危險警告，一地都係乾葉，佢地仲係到拎著左火既柴周圍fing
d火星周地都係，真係痴撚線lo
連佢地領袖都唔理，真係好過份
上午上兩粒鐘CN先，笑料：
呀sir：你地唔洗做，跟住我做就得，或者返屋企先做
咁究竟洗唔洗做姐？？
再刨刨馬會
做知琴日就晒冷學生隊啦，賺得三十蚊都無…
今日買咩就唔講住啦，廢是有人搭沉我船(咪自己亂咁自入)
食完lunch上oop，早知就走堂！
都唔知佢教乜！講完一大輪先講緊一個point
亂黎，而且仲講緊上學期既java，只不過係解釋返運作原理
呀sir幾次見我傾計唔理佢就問我書想玩我，呵呵，又俾我吹岩，真係吹咩
但係就次次都係雞蛋搵骨頭總係話我錯少少
車，成日話優化優化，話會運行得快d
我係佢d example到夠搵到好多多餘既code啦
串佢就扮聽唔到，細細聲串其他同學答錯問題佢又聽到喎，仲同我講道理
好在一粒鐘，轉堂上osa三粒鐘
仲慘，唉，真係pk啦，眼瞓到唔識形容
呀sir把聲本身就適合瞓覺，仲要教d好長氣既野………
諗清楚，落左注先啦
無視呀sir教書，自己睇notes做lab sheet算啦
因為下星期二要去個day camp，所有堂都要補返
CN就星期四補，不過個時間我就要去打羽毛球，唔去一次又唔計活動時數，無計
OSA就星期六補，以下屈機內容：
呀sir：你地下星期二咪要去個day camp既，咁我地星期六補返
我：咁呀……..你自己補啦~
呀sir：咁呢本身下星期二就係個Lecture Test，咁就改左係星期六到做埋
我：屈機！呀sir，你咁屈機法唔得嫁喎[sosad]
呀sir：你地平時做lab sheet就每個計1%，呢個Test就6%
呀sir：都唔係多好多姐(陰陰咀笑)，咁返唔返就自己決定啦
我：
本身童軍個啟導班聽晚同星期六都要，咁星期六都唔得啦，聽晚都唔去啦….
放左學比比話去打機，勁眼瞓都無咩癮，都唔想玩
後尾係隔離睇睇下勁想玩，因為比比同leo俾人喪夾，呢d真係好玩啦XD
7點幾，想快返屋企就港鐵，但無得瞓
過去103站但勁多人排，諗住去前一個站，但行到一半已經見到架車….
最後都係搭船，見到個外籍人士係廁所出黎就岩岩好閂左閘，勁灰XD
轉巴士之後諗住瞓，架亡命巴士搞到我唔敢瞓
又快，行d路又唔平，有搭船既感覺，好拋
又成日到站前少少先急停，點瞓喎
出左旺角終於瞓得著，結果老母打黎問我係邊[sosad]
勁痕lo全身，新年之後就咁，生晒粒粒，一R就痕爆
你唔R d衫幫你R，原本唔痕都變痕
一痕你R少少R錯隔離果粒又要R埋，結果越R就越大[sosad]
瞓覺就最慘，痕醒lo………前晚最嚴重，醒左6次
e家得兩個方案
1：有佢痕，死忍(難)
2：R到佢損晒由痕變痛，不過勁肉酸
仲諗住聽日著短衫短褲，d粒粒呀@_@
網上d人話濕疹…..尹sir??唔會掛………
睇名偵探柯南hea到4點半
再睇寵物小精靈，比卡超終於有新招啦
之後再極之無聊咁睇埋Keroro
5.30出，係WTS岩岩好join尹sir班車
笑左上到車係咁搵，原來佢坐左係到
到灣仔再等埋笑面德哥
教主又話遲d黎，結果走補課，九成又賴童軍啦
佢就真係夠膽，中學我就唔夠，IVE我串老師都敢
被迫食KFC，Pizza Hut唔好咩？
上到港島地域爆晒，位都無得坐，企全場
佢講d野又悶，上年都聽過，仲估到晒佢會講d乜
而且通常唔聽去到做果陣再問就識啦
走前幫佢地改返個名就走人
搭103返歸
朝早返去彩天集會，多左個黃sir
升完旗步操左一陣就叫左我入童軍室傾野
本身傾下傾下都幾好，但最後做咩變左我一個上GI嫁
如果又係得我一個咁趕黎做咩喎
完左就係學校打波，都唔算打波既
只要有一隊無我同斌仲慘過hea打，都唔認真既
過去食個車仔麵就上順利同5B再打過
腸仔神射手，個波掂框不掂板，仲係上面郁&轉但不跌
蛇怪踩完我左腳腳指尾再踩我右腳腳指尾，之後再踢落我右腳腳根，痛呀
跟住魚鱗打甩我眼鏡仲整損左眼皮
蛇怪再次出招，同我搶波，我質量唔夠大俾佢拉到跟住佢轉
之後隻腳夾我腳，齊齊跌，我做底，搞到隻左手碗整親
佢仲話我夾佢，當時腳既分佈係咁：佢我佢我
咁點分邊個夾邊個呢，仲屈埋佢開波
好在我都唔執輸，籃底射波掉中個框反彈爆魚鱗
之後尹sir勢死跟住斌既指事：唔好望城，望住腸黎守
結果我超大力掉個光速球轉俾腸仔果陣
尹sir無望到波，全程望實腸仔跟住佢走
最後咪爆頭lo，仲撞到應一應，最好笑係個波再直接反彈傳返俾我
諗落如果申請個流動寬頻既話，peoples個gprs又唔cut得，cut左就廢左部heros
所以最佳既方法係3到申請個3G 無限plan，又可以共用落部netbook到，peoples就cut上網keep $35 plan
最衰smartone個3G plan如果當modem用就算無限plan都照計錢
peoples斷plan又要補錢，最衰係補完錢個number都拎唔返，so9
所以我既做法係今個月唔cut上網住，因為爆左分鐘用個上網頂住d先
今個月唔cut下個月又要再交錢[sosad]，最快都要下個月尾cut
咁之後就申請3G plan，peoples number就飛線去3到，帶埋部6288用peoples sms
反正家下無錢，第到二月尾先做最後決定啦~
成點先瞓醒，早餐都無食整醒左呀哥借件恤衫就同斌落黃大仙
好在仲有個巨龍遲到，曹文翰無到
搭89b，去到第一個就望到佘潤東，之後許啟聰，仲有個黃XX(唔記得左名lu)
坐低無耐就開始啦，個花女唔肯行，攬實佢呀媽
個花仔行兩步就返轉頭，去到中間又停係到，之後見到呀媽就跑左上去
佳哥老婆入場啦，好高呀~
完全睇唔到之後果d畫面，有個人牆係到lo，又唔係影相又要企係中間
最後我地自己影相，之後就同佳哥&佢老婆影，話明童軍影張先，李庭又要過埋黎
好lo影張先lo，之後童軍先再影多張
不過又無計既，得李庭自己一個，唔通佢自己去影咩
影完相就走人啦，去左市中心之後柱柱請食M記
食左杯double新地同蘋果批，行得快果然有著數，得我同尹sir有份XDD
之後呃左Tommy過黎就返去九龍
Tommy：我由新界出九龍，之後又入返新界，e家又出返九龍，最後又入返新界，你估好玩咩
過左旺角，斌哥帶路帶我地圍住坐大廈轉圈
之後肥園帶左陣路出左大街，之後笑面帶路又入返內街，最後肥園再帶返出大街
同Tommy個情況一樣，出出入入，入入出出，轉黎轉去終於到達漢陽苑
呀姐：每位$128，最多打個9折俾你地每位$131
好神奇呀打9折會再貴左
之後就係咁用佢黎做笑料，換野再9折，玩火9折……
Tommy係咁整野俾我食，唔洗自己郁，哈哈~
之後同尹sir整蠱Tommy，係個三文魚壽司同飯中間加料
之後Tommy想食果陣見到，不過都係食左，佢話無野喎…
跟住肥園話埋單，個個都唔夠錢lo，Tommy有錢都唔俾，超9
得我俾$130，睇落好似唔抵x)，不過肥園都幾甘下
返到屋企沖完涼，呀rip就搵我傾偉哥入股既野
之後打俾Hims，俾紅豆食住無得開msn XD
結果就無左下文，星期一先傾喎
因為偉哥無mic用，結果用電話傾，發現peoples cut左我個電話會議
偉哥用公司名上台，$198 7000分鐘基本，4000分鐘網內，無限上網，超抵喎，不過PCCW就大打折扣
返去彩天深資集會
搭港鐵果陣見到斌，咁岩呀~
返到去先知小六模擬面試，無地方
所以係童軍室開個小meeting算
傾下個禮拜去camp既野
傾完本身諗住執竹
點知M仔話佢地班人都唔知夠唔夠用
ok lo，佢地執先，有淨先算
無就唔拎，不過要佢地借俾我地用
佳哥返黎派邀請帖，之後好急咁走左
我地就等斌返黎
本身諗住睇波，點知尹sir又見埋Tommy返黎
之後又傾去唱K定去行街，都無人想去咁，咪算lo
最後去左食明將，仲見到周圍衝，好耐無見啦，幾時去打機呀@_@
返學校諗住打波，見個呀姐話我地唔係童軍寫返個名，又話唔打得波
之後又問我係咪童軍，我咪話係同返黎幫手
混亂之中佢問我：你e家姐係"達朵"啦
我未load到就答左：係
佢：咁"達朵"姐係唔洗寫名啦
我：呀~下?係
之後就走得~本身都無野，仲偷雞打波
點知蛇怪入黎話打波，個呀姐即刻衝入黎話唔俾打波，一係出去
但結果係追晒佢地出去，我、斌、尹sir可以留低幫手
佢地降棋之後就出返去對面停車場搵返佢地打波
等左咁耐，要忙既忙完，諗住可以l4d2，點知初哥燒display，4缺2，點玩
今日我地好準時呀，搞好晒諗住升得旗，點知柱柱話要等埋佢地
因為今日下午家教會有野搞，所以童軍集會都改左做上午
但係就有會員補緊M仔堂，M仔又話調做上午無問題@_@
佢地班友仔，隊長隊負訓練都差唔多上晒啦
仲係乜都唔識咁，無左PL就唔做野
大佬，無PL或者唔係你地果隊就唔洗幫手嫁咩
唔鬧都唔得既，繩結都教左好多次啦
德哥做左5年童軍都仲係咁，又話自己力王，個結就鬆到pk
個位又完全唔岩，真係無眼睇你地
一升旗果陣咪出事lo，成個旗架跌落黎
面就人地俾既，真係「架」就自己丟既
仲要係成班新仔面前，唉~
開頭我地就黎個童軍童軍祟拜會，討論同分享一下對童軍誓詞
之後就步操，幾好丫，佳哥唔係到，雖然就hea d，不過都叫認真
只係出錯果陣笑下，都學到野既
起碼轉果陣掌握到無錯手、腳同埋齊lo
佢地成日話我行得快，其實係尹sir行得快，我追返佢炸
我都唔明點解佢腳又短過我，但係我追佢都追得辛苦
後面果d為左追返我地要再行快d，搞到就越行越快
就快變左跑住咁去
接住就係上圖書館講talk，遠足裝備，斌哥錯漏百出，笑鳥
基本上果d野我地都知，同上次AYP一樣，知道晒但仲係要聽
放左就打左陣波，之後就閃水lu
下個禮拜四又要去個神山簡介會，又要拎套U返屋企
上堂無咩好講，都係講打機啦
開頭肥洋玩既，佢要升車
咁我又無機玩又唔洗升車但又想玩，咪同佢講用我d錢幫佢玩lo
之後發現部機除左lag之外，個break係廢既
後尾就轉去第二組機到玩，最尾挑機真係純粹玩，撞黎撞去碰碰車咁
有鋪諗住輸嫁啦，比比又柒，都贏硬，仲要過貨車
我望住佢走埋去已經講左句：撞啦你
果陣我都無諗過可以贏，點知佢真係撞，我就俾佢頂住左，原來真係有得贏lo
比比，第幾次呀？下次你就知死！
係學校搞le搞路過到彩虹都8點，仲未食飯
望住班scout玩d活動都唔好笑，加埋佳哥d低b野真係笑左lo
個活動係一人一塊板過河，但要起碼三個人連住，如果唔係就有隻禿鷹拎走佢
仲要隊員去救佢，隻腳又唔可以出塊板，如果唔係"惡"魚會咬佢
咬完之後佢唔死得，只係咬走一塊板
最後健少果組得返2塊板4個人，健少賴醒講左句：XXX，你不如犧牲小我完成大我啦
之後就推左佢出去，不過佢又記錯樣野，推佢出去會小塊板，人數不變
即係得返1塊板4個人，最後就梗係輸左啦
玩完就入返童軍室繼續課節
我終於記得有幾時開始同佳哥fd啦，就係佢搞領導才能訓練果陣開始熟嫁
一黎玩果陣佢低B，二黎佢講課節果陣用既詞語岩返我地既channel
之後同佳哥食飯，食完就過坪石打波波
鬥左兩場就坐低傾黎緊30號尹sir 18歲大壽既西貢通頂BBQ活動
打波果陣有一下個波波撞到粒丸，超痛，返到屋企都仲有少少痛