朝早返到去得返半堂network
又係做工作紙，好多都識做
係d long Q唔想做，走友係ppt搵完答案抄
咁我咪抄佢lo，其實都係抄姐，位置唔同都唔俾….
算~唔要幾分lo~
派左測驗卷，唔係好高亦唔係好低，31/50，條long Q都幾多分
呀sir吹晒水，成日話我最高分，其實我咪合格多d
放左離開學口前發生左樣爆笑料
係幾級樓梯到有塊斜鐵板，我行完，leo跟住行
結果我右腳同左腳先後feel到有野踢我，原來leo sin低左XDD
俾奶強開口中之餘仲要後面一班女仔，前面勁多長桌好多人係到睇到晒XDD
lunch去左吉野家，之後去機城打機
開頭我同人玩山路幾好，點知比比一入黎
我同佢部機都lag機，反後追，越後越慢，無得玩
搞到無野好玩自己推車仔，點知發覺超好推
連貨櫃都可以推住300km/h咁行，過癮，下次lag機拍片先
四部熄晒再開正常返，R返leo d星
走左oop果堂，返去上osa，又有lab做
做左一半唔想做，之後落堂前諗住抄蝸牛，點知得幾題可以抄
其他仲要我做返俾佢，發覺原來果幾題幾易做，早知一早做完走左去啦
放左又落機城，因為比比唔記得拎把遮
行左幾個站先搭車，有位坐嘛

hea下hea下miss左堂db，上返堂cn
返到去奶強佢地已經開緊檔
黎左鋪唔計錢試手風
結果見小廷幾旺，咁就廢事幫手輸啦
轉課室上oop，知道左件過份既事，自己知自己事啦你
真係好難呀呢科！仲要個呀sir 1999
搞掂左份功課之後搵野食左先，因為12.30等到17:15先測osa
食吉野家，d人係咁等位我地都無起身走人
大佬，我想嫁，5粒鐘呀你俾我坐多陣啦
又唔想去灣岸，坐低就唔想走嫁啦，唔走既話咪係咁唱錢lo
比比因為同條女去買電話，向銅鑼灣方向
所以我地決定活動一過銅鑼灣撞比比
結果去到搵晒電話公司都唔見，以為佢地買完，點知果刻佢仲食緊野
咁就去活動二啦，機鋪打機，特登去間貴機鋪到玩
起碼肉痛識得走，係機鋪望左好耐最終同leo顏麒各唱4蚊玩DXplus
玩左鋪贏左打鋪鬼就同奶強R幣玩
佢唱左20蚊40個幣，最後玩大細結果佢無晒我就有約40個幣，過晒黎XDD
跟住玩一部唔知咩機，強國出品，一個波lok去一格，果隻色你買中就得
最好笑小新買乜就唔中乜，是咁的：4隻色1賠4，1隻色1賠8
1賠8就極難中，基本可以無視，所以買其他四隻色各1都可以回本
但係小新買完果四隻我買1賠8都搞掂，最尾佢先中左次
無得贏既呢部機，最後無晒幣散水返學校圖書館溫書
途中撞到比比lu終於，佢岩岩先買完電話
溫左陣書就算數，等測
入試場果陣驚喜既係：free seat
比比見我隔離果份原來無卷，特登係前面拎份卷過黎我隔離
左邊走友，右邊比比
走友超正義對埋去都唔睇，比比就係咁望，叫佢排返位都照抄
5格，無分次序既，我第二格錯左所以刪左，比比就跟住刪果個位，9成抄@_@
叫埋奶強抄，我前面係小新瞓左，再前面又有人，最前面就呀sir
完全阻晒，所以拎起份卷俾佢地睇都無問題~~~
完左落機城玩左十蚊，馬友個fd都幾麻煩
一去到就叫佢d fd夾爆我話講下笑，我咪回佢一句：我驚佢地輸咋
幾鋪都係比比第一，我第二，柒左lu~~
終於佢親自落手，可惜暴力爆呔撚唔適合玩DXplus，勁易輕機
後尾同顏麒1 on 1福岡，俾佢最尾回旋處推開左贏一條毛咁多多
玩C1 win顏麒最後打鬼，引馬友個fd同我挑機
好在佢有自知之名話打我唔贏，嘿嘿
返歸，呢排都好夜返歸，無計啦之前為推銀，今日就測驗再灣岸

你好過份lo！

晨早起身但被告知唔洗返全人堂
即刻改活動做灣岸團
去左佐敦玩plus 3開3續，暫時黎講幾抵
d價都跌得幾快，好快就有平機打啦
大力少少整個呔或者踩break就輕機
第一次輕果陣個畫面前後郁左下左閃下白色
我以為：有人黎挑機喎，習慣地將波棍推返去二波
點知再心諗：唔係喎，4個挑緊仲邊有得再挑呀
諗完個畫面就變左黑畫面中間黃色框框寫住：E7 Volume error
因為果刻我請左唔知邊個食角，大笑緊
比比就話：屌你，笑得太大聲lo
呀姐幫我重開再賠局之後再玩再輕
呀姐話：如果再輕就無得賠嫁啦
之後再講：我食飯啦，唔得閒服侍你啦，你唔好再玩啦
之後就唔玩果部，四個玩三部，包尾要換人
換人又唔即入，另外兩個就熄後追玩，就完果陣先入
咁樣玩左超耐，三十蚊都有淨，正！
食個吉野家之後再去玩DX，R水魚
話走但又入錢，結果就3點幾先搭MTR返灣仔
返學前仲有個check point稅務大樓
係詢問處check完之後再洗樓
拎三張稅單要去三層，第一張唔俾拎三個星期寄去屋企
第二張即刻拎得，第三張一樣唔俾拎，要寄
唔同group做野果然係唔同，不過得一張都係無用
三個星期，學生資助上個星期已經話兩個星期內要交@_@
4點幾整完仲要去188食野，食完返到學校4:38
本身比比果d話唔返，話遲左成粒鐘好衰咁
我就唔理，呢堂lab半教半做，兩粒鐘
我永遠都唔理佢自己一粒鐘唔洗做晒再去食野
所以遲左粒鐘對我無影響，入到課室拎labsheet
呀sir：你地未拎呀？岩岩返？好勤力喎你地….係第二方面
超極速做做做，整整整，5:10就做完交得走得，哈哈
之後又陪leo落機城過卡，再等顏麒玩幾鋪之後就走人

朝早呢堂全人堂真係……..又無得走，走左又要補堂去第二班
一返到去見到第二個慘情，本身隔三粒鐘先要上既DB堂取消嘛
姐係返得兩粒鐘…….
係咁傾傾傾，又講波又講灣岸，最後坳緊樣野
坳到無視左miss，原來行左黎隔離係咁叫我地XDD
之後起勢咁做堂課
最尾人地做完走晒我地仲係到
peter仔同miss傾訴
數緊蔥頭d衰野，後尾miss問我地蔥頭d野
miss話佢唔尊重呢科，上次outing都Q埋雙手企埋一邊唔做野
跟住又話我地雖然多多野講但係做起野上黎又唔會差同乖，哈哈~
放左學就去左金星，有plus玩啦
不過無玩，小新要個number既關系，免費幫比比過左張卡，正晒啦
之後行左個圈最後都係去返起點到食吉野家
之後就去左無煙城，已經有貨準備轉plus
跟住又再轉場去銅鑼灣二期，又有貨係到
無野做又唔想咁早返屋企，所以無無聊聊等佢升機
小新要打估仔，最後R左返黎幫佢打
唔洗錢有機打，正，故仔少少悶，自己搵轉玩
反正本身實心，驚乜~
不過因為要車檢關系轉左張空心rx7黎玩
空心車就驚驚地，不過最後梗係成功啦，打故仔咁耐衰過一次
果次就係連請惡魔之Z食兩部貨櫃最後俾佢請返，真係無野講
不過今日請親故仔車食貨櫃，部貨櫃俾佢推住仲快過我lo….
如果閘得住無敵後追既估仔車就超級爆速，公主都唔夠我快~
e家輸左鬼王仲有野玩，等鬼車走兩公里之後自己再開車就有終極大後追，快到轉彎困難又唔甩
等左好耐終於等到四部新機黎啦，真大手筆，買新機再升四部舊機
新機5開3，舊機4開3，差果1蚊都係玩新機啦
馬友免費幫我過左部e9，正呀喂
跟住係咁打鬼王，升左兩lv
哈，都係玩左20咋，計埋之前免費打故仔，都夠晒過手癮

朝早返去打羽毛波，好正
呀sir教左d野我地就可以係咁鬥波
開頭唔知點解好攰唔多想郁
死肥洋又係咁要人打高波同遠波俾佢殺波
打多兩打就坐低唔理佢啦
坐左好耐睇leo拍呀sir挑人機，leo係企係到食花生多
後尾起返身2打2，突然有氣有力，屈返肥洋機
之後食個吉野家落機城打陣機
點知有人係到，最後R左鋪機打就同leo返學校上英文堂
悶到丫，開netbook裝瘋狂賽車用電話做modem上網玩
一直玩到OSA落堂，同輝爺、走友、leo係咁鬥快TA
放左學就去188食野之後走人

見今日有兩粒鐘係LT21上
所以玩具是必備的
兩科都第一堂，每堂一粒鐘，總會用半粒幾鐘講廢話
肥洋早落堂，先過尖沙咀
不過我地仲有兩粒鐘program
開頭諗第一堂都係廢話多，要走就快啦
點知諗起兩粒鐘，點都有野教掛
唉，真係無野好講，條友講左兩粒鐘都唔覺佢係教書
開頭就問無聊野，之後就問我地上年既野，再問d上學期已教既野
之後問馬嬲仔：for loop係邊類呀？A定B
我見呀sir唔like就係都要搞事：A
好明顯係我答，因為我超大聲咁講，不過坐最後，馬嬲係我前面
之後呀sir再問：有無人同意呀？……有無人唔同意呀？
話明搞事我梗係唔放過，自己舉返手
點知呀sir：拿，你d同學都唔幫你啦，你後面果位唔同意
今鋪真係神又係我鬼又係我但係佢又唔發覺
個呀sir又麻麻煩煩果隻，郁d又要警告信，問答又雞蛋搵骨頭
你醒我都唔笨，你話要揸正黎做，學校電腦唔可以用黎打機睇片
第一次就請你出去，唔出or第二次就警告信
學校電腦嘛？我自己帶電腦！
學校網絡嘛？我自己出上網！
Program我唔係識晒，不過我有個底對我黎講唔易
更何況呢堂係做lab堂，書都未教做乜野姐
完左就同leo落尖咀，食個吉野家就開波
不過係金馬倫玩左鋪板神TA熱身
之後就轉場去碼頭，多人不過跟左陣就4部玩得
但我開頭板神TA快左呀，50.347
不過都好慢…..
今日狀態大勇，甚少撞同拎到好多鋪第一
可能真係rx8細部d掛
不過都唔夠肥洋贏得多lo，山路無得鬥
玩到5.30閃人，錢都未玩完，唔知點解今日咁耐玩既
搭1號閃人，今日太認真，好攰好眼瞓
係車到瞓，不過後面條pk係咁踢我張椅
最後一次啤到佢實一實佢先無再踢我

聽朝行山，又係獅子山，不過好耐無行山，熱身都要既
聽日我覺得會行得好辛苦，因為真係好耐無行
不過聽朝幾點邊到等都未傾@_@

比比生日快樂呀，又老一歲啦老餅，祝你快高長大XD

超眼瞓，呢排都係朝早喪俾呀哥嘈醒，結果再瞓得著就係電鑽開工時間
迫住起身，指定動作：去農場收成同偷野
之後執埋d手尾終於決定返學
返到學校無門入，因為full晒要第二輪
10條mc用常理答，中6條
之後就聽呀sir d tips，記低記低
拎晒locker入面d notes就同比比、肥洋、leo、顏麒去尖咀，無上cf
生日大晒，無計
去到尖咀叫都叫唔住肥洋，佢自己一個走左落機鋪
講好左話食野先加嘛，吉野家，好彩食吉野家
唔記得銀包得返$20，趕返學無禁到錢，好在$19下午茶
之後禁返$200，肥洋已走去睇衫
等左好耐好耐，肥洋返黎，一齊觀戰
之後比比、leo、顏麒玩高達，肥洋又走人都唔出聲
等左好耐終於跟到一部機，比比玩左幾鋪之後到我
我見時間都差唔多，唔會玩晒$20，咁岩7次後車檢，good，岩岩好用晒就走得
佢地超煩，又唔太算打team，不過好煩，唔係C1就山路，1:2既比率黎玩
痴線，山路又唔係勁，又係都要玩山路，有個人又成日代玩山路
後面有人話我：追唔到，無得追
佢地個個彎都食彎心塞住晒，咁我梗係唔俾佢地過我咪塞返後面lo
仲點有時間追前面呀，咁多聲，收皮啦
條女又煩，成日自己撞貨櫃之後一野塞住我/比比，咁我咪請佢食角lo
話我無風度都係咁嫁啦，佢咁塞住，起碼超過半成係佢搞到我包尾
我玩完比比再玩多幾蚊咁就走人
真係喪玩山路玩到悶lo
本身今日已經攰，仲要企咁耐跟機，之後又打機，好眼瞓
諗住巴士到瞓啦，點知瞓極都瞓唔著，慘…

本身呀哥推薦MSI既U210，預載Win7，我最好係呢樣，仲要雙核，的確正，有d心動
之後睇到MSI既U230，又係win7，新雙核，勁好多，打埋機都得，可惜未出
呀哥話幫問下幾時出同個價，不過未問到，話要聖誕假後
佢講一講我就開始重新考慮呢兩部同S10-2，我最多都係webgame，所以唔打機都ok
睇高清當然有就最好啦，不過睇youtube有幾可開高清1080p，dl既時間仲耐啦
s10-2的確夠細部，方便周圍拎，不過個mom就細d，聽說會睇得吃力d，玩Happy Farm咪要拉黎拉去lo?
不過都好似s10-2岩我多d，希望唔會後悔啦，如果聽晚都未問到就決定s10-2你啦~~

返早，不過好遲先出門口，習慣啦
反正呢堂係做lab，又唔係教書，出席率又唔計
返到去呀sir都幾識時務，因為今日我決定左佢再拎我黎做話題就串佢
堂堂都要講，又唔係講兩句就算喎，講又講一輪
搞到我星期一果堂返去都唔知為乜
跟住上果堂NB堂又係做lab，半做半學半抄
lunch去左吉野家，不過無位，轉場去德成
食完坐係果到溫英文，比比佢地就玩GVG
難得有野做大家都無落天樂城
返去上CF，本身諗住返去打機，點知返到去正常位無晒
o左，今日準時返竟然無位，平時遲三個字仲有位選擇一下
坐左係邊位，走友一開happy farm就俾呀sir斷正
之後我set好格局，上完facebook就上yahoo拍賣，竟然有草泥馬呀
好得意呀~~~~~走友係咪真心嫁，生日禮物呀XDD
之後上高登睇改圖，笑都唔俾咩，呀sir走黎捉我上網
大佬，成間房上網既人大把，你望到我就捉我，有d唔公平喎
仲有，個課室係電腦房，上網就預左嫁啦，有本事咪cut我上網lo，我上圖書館
完左本身話溫書，結果係籃球場睇人打波
結果俾我發現一個黑絲，遲d post上facebook，疑似perfect姐
開考都心驚驚，驚唔記得岩岩急住背果d
結果都唔知係咪岩呢，睇落似層層同料充足
做完諗都唔諗就舉手早走，反正都無興趣睇多次份卷，是但啦，應該夠合格既
出到去都係等，等比比佢地
不過出左去可以傾計，可以sms，free咁多，梗係走啦
留係入面又唔覆卷又無野唔記得，咁留係到做咩呢，呢點要問比比啦
走人，搭船轉巴士，開頭仲sms，去到油麻地發覺又攰到頭痛
咪瞓陣lo，一瞓就瞓得好冧，原來電話響過兩次，好在無用wrong hole鈴聲姐
無啦啦sorry sorry naega naega naega meonjeo，仲諗住邊個同我一樣用呢個鈴聲
之後再響先發覺d聲咁近，先知自己響@_@真係未瞓醒啦
諗住今晚早d瞓，結果整整下又11點，間房又被霸左，點瞓呀

話說，早前份java好似有人話請食野，不過好似無左回事
算啦，慣啦，比比餐飯由上年到e家，肥洋餐飯變魚蛋都仲未請
睇完唔洗急住請，咪搞到我好似追債咁
等我遲d窮果陣記住請就得啦XDD

返到去又成為Jamson既話題，又話我遲到，不過今日早左幾分鐘
派IP測驗卷，頂你，46/50，最複雜果part拎滿分，最易果part扣左4分
邊個叫果日諗住趕返時間睇唔到咩，唔記得while loop無左i++果part
真係勁唔鋸，本身係滿分嫁，係無返睇既情況下寫最複雜果part
成個program，所有學過既野用晒，竟然岩晒，但衰係果到就真係慘左d….
馬嬲仔有1分，鼓勵分
小新、走友13分，估唔到走友好似識識地但係就………
輝爺36分~
馬友0分，笑左，連鼓勵分都拎唔到
朗尼連補考都唔黎，仲要好串咁同呀sir講：黎唔黎都唔識嫁啦
之前仲同呀sir商量幾時補考，又話有醫生紙

lunch去左食吉野家，之後就去左天樂城
3個打人1個，不過無打team，我個個都有時撞有時俾佢過
之後換左人，勁煩，係咁撞停我，有用咩？最後咪我贏
名古屋果鋪唔係用800hp，我會唔理佢俾佢夾？不過又咪贏~
C1果鋪要撞我埋貨櫃同角？好易姐，不過你都要一齊~
可惜可惜，打team我唔注重贏輸，只會注重人地無得贏
最後一鋪你唔係覺得你勁而贏呀~？仲係到串柒柒
我係見夠鐘返學咋，柒頭
玩緊果陣肥洋sms呀泰：你好，我今日唔返，你自己保重
笑左，心諗：做_ _呀

返去上NB堂，半聽書半玩電話game
NB堂一開始馬友就係咁搞朗尼，又整到我，坐開第二到~
成點幾兩點鐘先收到Timmy同朗尼係11點sd左個sms黎
問朗尼借notebook玩facebook
點知佢唔肯，諗住sms炸下佢，sd左廿幾個
sd到sd唔出就停，朗尼借左俾我
仲以為佢收到添
上完NB堂上BIS堂，拍卡之後去食野
出去果陣朗尼話我炸佢sms，部電話係咁震，隔左半粒鐘，部電話做乜呀@_@
188 $3/10粒魚蛋，都幾好食
最嬲係撈麵加兩樣餸再加野飲都係$10
以後唔去7-11買啦，差一條馬路，以後識做
返去上BIS果陣，呀sir成日發皮氣話我地唔聽書
係B班d人姐~
玩大富翁，開頭用電話3個人玩，不過隻game唔靚同lag
所以拎部iTouch出黎玩，正好多~
輝爺用企鵝，叫QQ，所以佢新名叫QQ哥XD
走友用雙泊手，叫胖墩
我用車，叫法拉利
上DMS繼續玩，呀sir咪又係走黎抽水
特登問我地問題，我就識答，佢無再出聲
走友唔識答，呀sir叫佢專心d聽書
之後就黎問我部iTouch係咪可以查表，係咪入晒落去
開頭無理佢，點知仲黎抽水，咪串佢一句：我有無嘈住你教書呀？

好多人無返，高治、smking、leo、顏生唔返就例排嫁啦
今日比比又無返，肥洋又唔返、班長又無返

部Hero麒麟怪怪，一時插handfree無反應，慢慢插佢又認到
一時個GPRS上唔到望，要boot機，一時就lag爆，今日連個Sense都要reload過
sms又卡住唔sd，收又收唔到，唔知係咪GPRS個問題jam左條線
可能開得太耐掛~不過整體上又無咩野既~

朝早返到去又遲半粒鐘，呀sir只記得我遲到
我有兩個星期堂堂準時嫁，你仲話我無一次準時@_@
排序既JAVA已經唔想做啦，因為明明睇落d code岩不過有奇怪問題
所以交俾輝爺做啦，點知輝爺做完話個問題同我上次一樣@_@
呀sir無啦啦叫我、比比、smking出去，有野傾
我都估到咩事，咪個數學呀sir報串lo
車，又可以點姐，班主任就盡下責任同我地傾幾句，佢都唔想理
我上上下堂走左去關你咩事姐，閒事莫理呀
其他人走出課室唔見你mark時間，我出課室你就走去mark 2:23
你咪mark飽佢lo，出席率我又夠，返唔返我都係唔識，問返輝爺仲好
更何況除左Year 1之外係唔計出席率嫁，你刪我個名lo，刪晒佢lo，到時邊個問題一清二楚

上NB堂睇youtube片，不過呀sir行過之後話：差唔多個個都做起啦，不過除左幾個我知佢無做
ok lo，做lo，跟住notes入返落電腦唔難姐，不過係唔想做姐
係得一睇要用多d腦
走友問輝爺無notes睇仲識唔識做，輝爺話唔識
連輝爺都會話唔識就好大鍋嫁啦

lunch都未食，leo已經叫肥洋同比比唔好上堂落尖咀灣岸
今日我又唔想打機，可能因為琴日玩左掛，同埋真心想上砌機堂
去左街市食，不過肥洋佢地行得慢，上到去無位
佢地走左之後又有位，個呀姐叫我叫返佢地上黎，話有優惠喎
哈，不過佢地去左食吉野家
個呀姐話下次留多d位俾我地，咁我咪多口講句：下次打黎訂幾圍
點知佢認真，話俾電話我叫我下次打去，好彩有人要落單，無左件事…
突然發覺孖記個老板勁似l4d2隻Spitter，激似
馬嬲仔同小新去左天樂城，我就唔係好想，所以扮晒野俾走友捉返學校
返到學校睇人打波，有個人唔敢出去打，拎住個籃球等左好耐
終於俾佢等到，人地卡住左個波，佢出去幫手之後就落場
大戰蜜蜂之後上左5樓睇陳sir打排球，點知隻蜜蜂上黎搵返我地@_@

CF堂開頭聽左陣書，之後就玩facebook game同商業大亨，hea左陣就開左隻好耐無玩既cs
玩左陣就有堂課做，做完聽埋少少書就走得
突然好眼瞓，咪直接搭巴士返黎lo
點知黎架舊城巴，無梫頭…好難瞓
瞓左無耐一出紅隧就醒左，瞓唔返，走友又唔應我sms，勁悶
e家又眼瞓啦，我都唔知點解自己要瞓咁多……